मुंबई विद्यापीठाचा अमेरिकेतील इलिनॉइस आणि सेंट लुईस विद्यापीठासोबत शैक्षणिक सामंजस्य करार

(वाचा : MU Youth Festival: ५५ व्या सांस्कृतिक युवा महोत्सवाचे पारितोषिक वितरण; स्पर्धेत पोदार कॉलेजची बाजी)

प्रगत आणि कौशल्याधिष्ठित शिक्षणासाठी करण्यात आलेल्या या करारान्वये उच्च शिक्षणातील संधीचे विविध दालन खुले होणार आहेत. अनुभवात्मक आणि कौशल्य प्रशिक्षण, श्रेणी हस्तांतरण, दुहेरी पदवी, सह पदवी, ऑनलाईन आणि प्रत्यक्ष इंटर्नशिप, विद्यार्थी-शिक्षक आदान –प्रदान अशा विविध विषयांवर शैक्षणिक सहकार्यासाठी या शैक्षणिक कराराचे महत्व अधोरेखित होणार आहे.

इलिनॉइस विद्यापीठासोबत झालेल्या या शैक्षणिक सामंजस्य करारान्वये दुहेरी पदवी, सह पदवी आर्टिक्युलेट पदवी प्रोग्राम, विविध शैक्षणिक कार्यक्रम, विज्ञान आणि तंत्रज्ञानाच्या क्षेत्रात संशोधन ज्यामध्ये ऑटोमेटेड सिंथेसाईझर आणि कृत्रिम बुद्धीमत्ता या क्षेत्राचा समावेश आहे. तर २०५ वर्षे जुने असलेल्या सेंट लुईस विद्यापीठासोबत झालेल्या करारान्वये, अनुभवात्मक आणि कौशल्य प्रशिक्षणासह विद्यार्थी शिक्षक आदान-प्रदान, सह-दुहेरी पदवी, श्रेणी हस्तांतरण, ऑनलाईन इंटर्नशिप, सह सांस्कृतिक कार्ये आणि शैक्षणिक साहित्य-संसाधन निर्मिती व हस्तांतरण अशा विविध क्षेत्रावर दोन्ही विद्यापीठे कार्य करणार आहेत.

(वाचा : Career In AI: आर्टिफिशियल इंटेलिजन्स क्षेत्रात करिअर करायचंय; या कोर्सेसनंतर मिळणार कामाची उत्तम संधी)

राष्ट्रीय शैक्षणिक धोरणाच्या अंमलबजावणीच्या अनुषंगाने विद्यापीठ अनुदान आयोगाच्या निर्देशानुसार उच्च शिक्षणाच्या आंतरराष्ट्रीयकरणासाठी महाराष्ट्रातील राज्य विद्यापीठातून मुंबई विद्यापीठाने टाकलेले हे महत्वाचे पाऊल असल्याने केंद्रीय शिक्षण मंत्री श्री. धर्मेंद्र प्रधान आणि विद्यापीठ अनुदान आयोगाचे अध्यक्ष प्रा. एम. जगदेश कुमार यांनी मुंबई विद्यापीठाचे कौतूक करून शुभेच्छा दिल्या.