Tej Police Times
Want To Join Indian Air Force As Pilot:तुम्हाला हवाई दलात पायलट म्हणून काम करण्याची इच्छा आहे? भारतीय हवाई दलात पायलट होण्यासाठी फ्लाइंग ब्रॅंचमध्ये दाखल होणे आवश्यक आहे. एअरफोर्स फ्लाइंग ब्रॅंचमध्ये फायटर पायलट, हेलिकॉप्टर पायलट किंवा ट्रान्स्पोर्ट पायलट म्हणून देशसेवा करण्याची ही एक उत्तम संधी ठरू शकते. एअर फोर्स फ्लाइंग ब्रॅंचमध्ये प्रवेश घेण्यासाठीच्या विविध पात्रतेनुसार वेळोवेळी भरती प्रक्रिया पार पडते
अशी असते भरती प्रक्रिया…
० पदवीधरांना या रुजू होण्याची इच्छा असल्यास त्यांना राष्ट्रीय संरक्षण अकादमीमध्ये (NDA) प्रवेश घ्यावा लागतो. येथे केंद्रीय लोकसेवा आयोग (UPSC) च्या एकत्रित संरक्षण सेवा परीक्षा (CDSE), राष्ट्रीय कॅडेट कॉर्पोरेशन (NCC) प्रवेश आणि एअरफोर्स कॉमन ऍडमिशन टेस्ट (एएफसीएटी किंवा एफसीएटी) द्वारे फ्लाइंग ब्रॅंच दरवर्षी दोनदा परीक्षा घेतल्या जातात.
० तर, वरिष्ठ माध्यमिक, उच्च माध्यमिक, इंटरमीजिएट स्तरावर यूपीएससीतर्फे वर्षातून दोनदा घेण्यात येणाऱ्या राष्ट्रीय संरक्षण अकादमीच्या परीक्षेद्वारे प्रवेश दिले जातात.
(वाचा : BMM Recruitment 2023: मुंबई महानगरपालिकेत १० वी पास उमेदवारांना नोकरीची सुवर्णसंधी; २२६ जागांच्या भरतीची घोषणा)
या दोन्ही स्तरांच्या प्रवेशासाठी आवश्यक पात्रता आणि निवड प्रक्रिया :
- उच्च माध्यमिक स्तरावर फिजिक्स आणि मॅथेमॅटिक्ससह १०+२ (बारावी) उत्तीर्ण युवक वायुसेनेतील फायटर पायलट होण्याकरिता एअर फोर्स फ्लाइंग ब्रॅंचमध्ये प्रवेश घेण्यासाठी यूपीएससीच्या एनडीए परीक्षेत सहभागी होऊ शकतात.
- एनडीए परीक्षेसाठी वयोमर्यादा १६.५ वर्षे ते १९.५ वर्षे निश्चित केली आहे.
- यूपीएससी एनडीए परीक्षेत यशस्वी झालेल्या उमेदवारांना सर्व्हिस सिलेक्शन बोर्डने (एसएसबी) घेतलेल्या मुलाखत फेरी आणि वैद्यकीय चाचणीला सामोरे जावे लागते.
- एसएसबीमधील यशस्वी उमेदवारांना त्यांच्या गुणवत्तेच्या आणि हवाई दलाच्या पसंतीनुसार एनडीए खडकवासलामध्ये प्रशिक्षणासाठी प्रवेश दिला जातो.
- यानंतर, हवाई दलाच्या प्रशिक्षण तळावर विशेष प्रशिक्षण दिले जाते. यशस्वीरीत्या प्रशिक्षण घेतलेल्या कॅडेट्सना हवाई दलात फ्लाइंग ऑफिसर म्हणून कायमस्वरूपी नेमणूक दिली जाते, जिथे त्यांना हवाई दलाच्या स्टेशनवर पायलट म्हणून काम करण्याची संधी मिळते.
१५ टक्के जागा महिला पायलटसाठी :
नव्या आकडेवारीनुसार, हवाई दलात १५ टक्के महिला पायलट आहेत. डायरेक्टरेट जनरल ऑफ सिव्हिल एव्हिएशन (DGCA) नुसार, हे प्रमाण जागतिक सरासरी ५ टक्केच्या तिप्पट आहे.
(वाचा : BARC Recruitment 2023: भाभा अणु संशोधन केंद्रात १०५ पदांसाठी भरती सुरु; पदवीधरांसाठी सुवर्णसंधी)
असा मिळेल प्रवेश
भारतीय हवाई दलात ४ माध्यमांमधून वैमानिकांची भरती केली जाते. यामध्ये नॅशनल डिफेन्स अकादमी (NDA), Combined Defence Service Exam (CDSE), NCC एंट्री आणि शॉर्ट सर्विस कमिशन एंट्री (SSC) यापैकी पहिल्या तीन पद्धती कायमस्वरूपी कमिशनच्या आहेत, तर चौथ्या पद्धती तात्पुरत्या आयोगाची आहे. .
हा पर्यायही उपलब्ध :
फायटर पायलट (Fighter Pilot in Indian Air Force) बनण्यासाठी हे दोन पर्यायही आहेत.
- पहिला पर्याय बारावीनंतर आणि दूसरा पदवीनंतर.
- बारावीनंतर तुम्ही एनडीएच्या परीक्षेला बसू शकता.
- शिवाय, पदवी अभ्यासक्रम पूर्ण केल्यानंतर, हवाई दल सामायिक प्रवेश परीक्षा AFCAT चाचणी देण्यास तुम्ही पात्र होऊ शकता.
- UPSC कडून NDA परीक्षा घेतली जाते. AFCAT परीक्षा भारतीय हवाई दलाकडून घेतली जाते. (त्याची माहिती संबंधित पोर्टलवरून मिळू शकते.)
AFCAT मधून उपलब्ध आहे संधी :
एअर फोर्स कॉमन अॅडमिशन टेस्ट (AFCAT) पुरुष आणि महिला (Fighter Pilot in Indian Air Force) दोन्ही उमेदवारांसाठी उपलब्ध आहे. ही चाचणी भारतीय हवाई दलाकडून शॉर्ट सर्व्हिस कमिशनमध्ये १४ वर्षांसाठी नियुक्तीसाठी घेतली जाते. याद्वारे उमेदवारांची तांत्रिक शाखा आणि ग्राउंड ड्युटी शाखांसाठी निवड केली जाते. ही परीक्षा वर्षातून दोनदा आयोजित केली जाते. ही एक लेखी परीक्षा आहे.
(वाचा : Indian Navy Recruitment 2023: भारतीय नौदलात एसएससी आयटी एक्झिक्युटिव्हच्या पदांवर भरती, अर्ज कसा करावा)