Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
वनप्लसनं अखेरीस आपल्या एस सीरीजमध्ये नवीन मोबाइल OnePlus Ace 2 Pro जोडला आहे. सर्वप्रथम हा स्मार्टफोन कंपनीच्या होम मार्केट म्हणजे चीनमध्ये सादर करण्यात आला आहे. ह्या डिवाइसची खासियत म्हणजे कंपनीनं पहिल्यांदाच एखाद्या स्मार्टफोनमध्ये २४जीबी रॅम दिला आहे. तसेच १५०वॉट फास्ट चार्जिंग, १टीबी स्टोरेज, ५०MP कॅमेरा देखील मिळतो. चला जाणून घेऊया ह्या दमदार स्मार्टफोनची किंमत आणि स्पेसिफिकेशन्स.
वनप्लस एस २ प्रो ची किंमत आणि उपलब्धता
कंपनीनं वनप्लसचा नवीन शक्तिशाली डिवाइस तीन स्टोरेज ऑप्शनमध्ये आणला आहे. फोनच्या १२जीबी रॅम व २५६ जीबी स्टोरेज मॉडेलची किंमत २,९९९ चायनीज युआन म्हणजे सुमारे ३४,५०० रुपये आहे. फोनचा व्हेरिएंट १६जीबी रॅम व ५१२जीबी स्टोरेज मॉडेल ३,३९९ चायनीज युआन म्हणजे सुमारे ३८,००० रुपये तर २४जीबी रॅम व १टीबी स्टोरेज मॉडेल ३,९९९ चायनीज युआन म्हणजे सुमारे ४५,६०० रुपयांमध्ये विकत घेता येईल. लवकरच हा फोन भारतीयांच्याही भेटीला येईल अशी अपेक्षा.
वाचा: चीनी प्रोडक्ट्सना पण मागे टाकत आहेत हे ५ भारतीय गॅजेट्स; पाहा यादी
वनप्लस एस २ प्रो चे स्पेसिफिकेशन्स
वनप्लस एस २ प्रो मध्ये ६.७४-इंचाचा ओएलईडी पॅनलचा वापर करण्यात आला आहे. हा डिस्प्ले १२०हर्ट्झ रिफ्रेश रेट, १६०० निट्स ब्राइटनेस आणि १.५के रिजॉल्यूशनला सपोर्ट करतो. जोडीला २१६०हर्ट्झ हाय PWM डिमिंग सपोर्ट आणि TUV रीनलँड सर्टिफिकेशन मिळतं.
वनप्लस एस २ प्रो शक्तिशाली क्वॉलकॉम स्नॅपड्रॅगन ८ जेन २ प्रोसेसरसह बाजारात आला आहे. तर ग्राफिक्ससाठी एड्रेनो ७४० जीपीयू आहे. फोनमध्ये २४जीबी एलपीडीडीआर५एक्स रॅम व १टीबी यूएफएस ४.० इंटरनल स्टोरेज मिळते. हा फोन लेटेस्ट अँड्रॉइड १३ आधारित कलरओएससह बाजारात आला आहे.
वाचा: कंपनीनं आणला जबरदस्त रिचार्ज; १०० रुपयांच्या आत ३० जीबी डेटा आणि अनेक फायदे
वनप्लस एस २ प्रो डिवाइसमध्ये १५०वॉट फास्ट चार्जिंग आणि ५,०००एमएएचची बॅटरी देण्यात आली आहे. जी फक्त १७ मिनिटांत फुलचार्ज होते. ह्यात ड्युअल सिम ५जी, वाय-फाय ७, ब्लूटूथ, एनएफसी, जीपीएस, यूएसबी टाइप-सी पोर्ट सारखे फीचर्स मिळतात.
फोटोग्राफीसाठी एस २ प्रो मध्ये ट्रिपल रियर कॅमेरा सेटअप आहे. ज्यात ५० मेगापिक्सल आयएमएक्स८९० प्रायमरी लेन्स, ८ मेगापिक्सलची अल्ट्रा वाइड अँगल लेन्स आणि आणि २ मेगापिक्सलची मॅक्रो लेन्स देण्यात आली आहे. सेल्फी आणि व्हिडीओ कॉलिंगसाठी १६ मेगापिक्सलचा सेन्सर आहे.