कमी बजेटमध्ये मिळेल दमदार स्मार्टफोन, २० हजारांहून स्वस्त स्मार्टफोनची यादी एकदा पाहाच

​Infinix GT 10 Pro 5G

तर नुकताच Infinix कंपनीने आपला Infinix GT 10 Pro 5G हा स्मार्टफोन लाँच केला. या फोनमध्ये दमदार फीचर्स असून या फोनच्या 8GB RAM + 128GB स्टोरेज वेरिएंटची किंमत १९,९९९ रुपये आहे. त्यामुळे हा स्मार्टफोन २० हजार रुपयांच्या बजेटमध्ये दमदार फीचर्स देतो. या स्मार्टफोनमध्ये 120Hz रिफ्रेश रेट आणि इन-डिस्प्ले फिंगरप्रिंट सेन्सरसह मोठी ६.६७ इंचाचा FHD+ AMOLED डिस्प्ले आहे. याचा कॅमेरा १०८ मेगापिक्सलचा असून २ मेगापिक्सलचा डेप्थ कॅमेरा आणि ३२ मेगापिक्सलचा फ्रंट कॅमेराही आहे.

​Realme Narzo 60 5G

यादीतीय या रिअलमी फोनमध्ये ६.४३ इंचाचा सुपर AMOLED डिस्प्ले आहे आणि याचा रिफ्रेश रेट 120Hz आहे. हा फोन Android 13 वर आधारित Realme UI 4.0 वर काम करतो. डिव्हाइसमध्ये ऑक्टा कोर Mediatek Dimensity 6020 (7 nm) प्रोसेसर देण्यात आला आहे. Narzo 60 5G स्मार्टफोन 8GB/128GB आणि 8GB/256GB पर्यायांमध्ये येतो. फोनमध्ध्ये ६४ मेगापिक्सलचा प्रायमरी कॅमेरा आणि २ मेगापिक्सेलचा सेंकंडरी कॅमेरा आहे. त्याचबरोबर या स्मार्टफोनच्या फ्रंटला १६ मेगापिक्सलचा सेल्फी कॅमेरा देण्यात आला आहे. Realme Narzo 60 5G च्या 8GB रॅम आणि 128GB स्टोरेज वेरिएंटची किंमत १८,९३५ रुपये आहे.

Samsung Galaxy M34 5G

या डिव्हाइसमध्ये ६.५ इंचाचा सुपर AMOLED डिस्प्ले आहे आणि रिफ्रेश रेट 120Hz आहे. हा स्मार्टफोन Android 13 वर आधारित One UI 5.1 वर काम करतो. यात Octa Core Exynos 1280 (5 nm) प्रोसेसर आहे. स्टोरेजचं म्हणाल तर 6GB / 128GB आणि 8GB / 128GB स्टोरेज पर्याय यात आहेत. यात ५० मेगापिक्सल, २ मेगापिक्सल, 8 मेगापिक्सेलसह १३ मेगापिक्सलचा सेल्फी कॅमेरा आहे. फोनमध्ये 6000mAh बॅटरी असून 25W फास्ट चार्जिंगसाठी सपोर्ट आहे. याच्या 6GB रॅम आणि 128GB स्टोरेज वेरिएंटची किंमत १८,९९९ रुपये आहे.

वाचा :वनप्लसला टक्कर देण्यासाठी Xiaomi सज्ज; १२GB रॅमसह आला Redmi Note 12 5G चा नवा व्हेरिएंट, जाणून घ्या किंमत​

​Poco X5 Pro 5G

या फोनमध्ये ६.६७ इंचाचा AMOLED डिस्प्ले आहे, ज्याचे रेझोल्यूशन 1080 x 2400 पिक्सेल, असून 120Hz रिफ्रेश रेट आणि 20:9 आस्पेक्ट रेशिओ आहे. हा फोन Android 12 वर आधारित असून यात Octa Core Qualcomm SM7325 Snapdragon 778G 5G (6 nm) प्रोसेसर असणार आहे. यात 6GB/128GB स्टोरेज आणि 8GB/256GB स्टोरेज हे पर्याय आहेत. यात १०८ मेगापिक्सलसह ८ मेगापिक्सेल आणि २ मेगापिक्सेलसह १६ मेगापिक्सलचा फ्रंट कॅमेरा आहे. याच्या 6GB रॅम आणि 128GB स्टोरेज वेरिएंटची किंमत २०,९९९ रुपये आहे.

​वाचा : OnePlus आयुष्यभर मोफत बदलणार स्मार्टफोनचा डिस्प्ले; निवडक युजर्सना लाइफटाइम वॉरंटी

​

OnePlus Nord CE 3 Lite 5G

वनप्लसचा हा ६.७२ इंचाचा IPS LCD डिस्प्लेसह येणारा स्मार्टफोन असून याचा रिफ्रेश रेट 120Hz आहे. हा फोन Android 13 वर आधारित OxygenOS 13.1 वर काम करतो. फोनला पॉवर देण्याचे काम Octa Core Qualcomm SM6375 Snapdragon 695 5G (6 nm) प्रोसेसरद्वारे केले जाते. हा फोन 8GB/128GB, 8GB/256GB स्टोरेज पर्यायांमध्ये उपलब्ध आहे. यात १०८ मेगापिक्सेल, २ मेगापिक्सेलचे दोन आमि १६ मेगापिक्सलचा फ्रंट कॅमेरा असे कॅमेरे आहेत. याची किंमत २१,९९९ रुपये असली तरी ऑफरमध्ये हा फोन २० हजारांहून स्वस्तात घेता येईल.