Vivo Phone Price Cut: कायमचे स्वस्त झाले विवोचे दोन स्मार्टफोन; जाणून घ्या नवी किंमत

By tejpolicetimes On Aug 15, 2023

विवोनं आपल्या चाहत्यांना भेट वाय सीरिजच्या दोन स्मार्टफोन्सच्या किंमतीत कपात केली आहे. कंपनीनं Vivo Y16 आणि Vivo Y56 ची किंमत कमी करण्यात आली आहे. १४ ऑगस्टपासून हे नवे दर लागू केले जातील. विशेष म्हणजे हा कायमस्वरूपी प्राइस कट आहे. चला जाणून घेऊया कोणत्या मॉडेलच्या किंमतीत किती कपात करण्यात आली आहे.

Vivo Y16 आणि Vivo Y56 ची नवीन किंमत

Vivo Y16 स्मार्टफोनचा ४जीबी रॅम व ४जीबी स्टोरेज असलेला मॉडेल आता ११,९९९ रुपयांच्या ऐवजी १०,९९९ रुपयांमध्ये विकत घेता येईल कारण कंपनीनं ह्या मॉडेलच्या किंमतीत १,००० रुपयांची कपात केली आहे. तर Vivo Y16 चा ४जीबी रॅम व १२८जीबी स्टोरेज असलेला मॉडेल १२,४९९ रुपयांमध्ये मिळेल जो आधी १२,९९९ रुपयांमध्ये विकला जात होता, कंपनीनं ह्यात ५०० रुपयांची कपात केली आहे. तर Vivo Y56 च्या ८जीबी रॅम व १२८जीबी स्टोरेज मॉडेलची किंमत १००० रुपयांनी कमी करण्यात आली आहे. त्यामुळे हा फोन १९,९९९ रुपयांच्या ऐवजी १८,९९९ रुपयांमध्ये विकला जाईल.

Vivo Y56 चे स्पेसिफिकेशन्स

विवो वाय५६ मध्ये ६.५८ इंचाचा फुलएचडी+ वॉटरड्रॉप नॉच डिस्प्ले देण्यात आला आहे, जो २४०८ × १०८० पिक्सल रिजोल्यूशनला सपोर्ट करतो. तसेच फोनमध्ये MediaTek Dimensity 700 चिपसेट SoC सह ८जीबी रॅम आणि १२८जीबी इंटरनल स्टोरेज मिळते. स्टोरेज वाढवण्यासाठी मायक्रोएसडी कार्ड स्लॉट तर रॅम वाढवण्यासाठी ८जीबी extendable RAM मिळतो.

वाचा: १ वर्षाचा रिचार्ज मोफत मिळवण्याची संधी! कंपनी देत आहे फ्री ५०जीबी डेटा

हा डिवाइस Android १३ बेस्ड Funtouch OS custom skin वर चालतो. Vivo Y56 मध्ये ड्युअल रियर कॅमेरा सेटअप मिळतो. ज्यात ५०मेगापिक्सलचा प्रायमरी कॅमेरा आणि २ मेगापिक्सलचा सेकंडरी सेन्सर आहे. तसेच सेल्फीसाठी १६ मेगापिक्सलचा कॅमेरा मिळतो. पावर बॅकअपसाठी फोनमध्ये ५,०००एमएएचची बॅटरी देण्यात आली आहे, जी १८वॉट फास्ट चार्जिंगला सपोर्ट करते.

Vivo Y16 चे स्पेसिफिकेशन्स

विवो वाय१६ स्मार्टफोनमध्ये ६.५१ इंचाचा एचडी+ डिस्प्ले देण्यात आला आहे. हा आयपीएस एलसीडी पॅनल ७२० x १६०० पिक्सल रिजोल्यूशनला सपोर्ट करतो. फोनला मीडियाटेक हीलियो पी३५ चिपसेटची पावर देण्यात आली आहे. जोडीला ४जीबी रॅमसह १२८जीबी इंटरनल स्टोरेज मिळते. हा अँड्रॉइड १२ आधारित फनटच ओएस १२ वर लाँच झाला आहे.

वाचा: चिनी मोबाइल कंपन्यांच्या अडचणीत वाढ; सरकारनं उचललं मोठं पाऊल

फोटोग्राफीसाठी फोनच्या बॅक पॅनलवर एलईडी फ्लॅशसह १३ मेगापिक्सलचा प्रायमरी सेन्सर आणि २ मेगापिक्सलची सेकंडरी लेन्स आहे. सेल्फी आणि व्हिडीओ कॉलिंगसाठी हा स्मार्टफोन ५ मेगापिक्सलच्या फ्रंट कॅमेऱ्याला सपोर्ट करतो. Vivo Y16 ड्युअल सिम फोन आहे जो ४जी एलटीई, ३.५एमएम जॅक व रियर फिंगरप्रिंटला सपोर्ट करतो. पावर बॅकअपसाठी ५,०००एमएएच बॅटरी देण्यात आली आहे.

Source link