मुंबई महानगरपालिकेत १० वी पास उमेदवारांना नोकरीची सुवर्णसंधी; २२६ जागांच्या भरतीची घोषणा

By tejpolicetimes On Aug 16, 2023

Brihan Mumbai Mahanagarpalika Recruitment 2023: मुंबई महानगरपालिकेत काम करण्याची इच्छा असणाऱ्यांसाठी एक महत्वाची आणि आनंदाची बातमी आहे. बृहन्मुंबई महानगरपालिकेने कनिष्ठ लघुलेखक (इंग्रजी आणि मराठी) यापदाच्या पदभरतीची जाहीरात प्रसिद्ध केली आहे. बृहन्मुंबई महानगरपालिकेतील या पदासाठी विविध प्रवर्गातील तब्बल २२६ उमेदवारांची या पदभरतीमधून नियुक्ती केली जाणार आहे.

या भरतीअंतर्गत पालिकेत कनिष्ठ लघुलेखक पदावर उमेदवारांना काम करण्याची संधी मिळणार आहे. सदर भरतीसाठी पात्र उमेदवारांना त्यांचे अर्ज महानगरपालिकेच्या अधिकृत वेबसाइटच्या माध्यमातून ऑनलाइन अर्ज करता येणार आहे. मुंबई महानगरपालिका भरती मंडळ, मुंबई यांनी प्रसिद्ध केलेल्या ऑगस्ट २०२३ च्या जाहिरातीनुसार ही भरती एकूण २२६ जागांसाठी असणार आहे. मौखिक चाचणी आणि ऑनलाइन परीक्षेच्या माध्यमातून ही निवड प्रक्रिया पार पदर आहे. भरतीसाठी आवश्यक शैक्षणिक पात्रता, वयोमर्यादा,पगार आणि अर्ज करण्याची शेवटची तारीख याबाबतची सविस्तर माहिती जाणून घेऊया.

बृहन्मुंबई महानगरपालिका मुंबई पदभरतीचा तपशील :

कनिष्ठ लघुलेखक (मराठी आणि इंग्रजी)
एकूण रिक्त पदे : २२६ (२२६ पैकी २ पदे अनाथ मुलांसाठी तर, ९ जागा दिव्यांगांसाठी राखीव ठेवण्यात आल्या आहेत)
पदभरतीनंतर नोकरीचे ठिकाण : मुंबई
वेतनश्रेणी : २५ हजार ५०० ते ८१ हजार १०० रुपये

(वाचा : DRDO Recruitment 2023: डीआरडीओमध्ये ‘सायंटिस्ट बी’ पदाच्या २०४ जागांसाठी भरती; ३१ ऑगस्ट अर्ज सादर करायची अंतिम तारीख)

वयोमर्यादा :

मुंबई महानगरपालिकेतील सादर जागांसाठी अर्ज करणाऱ्या उमेदवाराचे किमान वय १८ किंवा त्याहून अधीक असणे गरजेचे आहे.
खुल्या प्रवर्गातील महिला उमेदवाराचे वय ३८ वर्षांपेक्षा जास्त नसावे तर मागासवर्गीय महिला उमेदवारांचे वय ४३ वर्षांपेक्षा जास्त नसावे.
खेळाडू, अनाथ, आर्थिकदृष्ट्या दुर्बल घटक वर्गातील उमेदवाराचे ४३ वर्षे असावे.
दिव्यांग, दिव्यांग माजी सैनिक, भूकंपग्रस्त, प्रकल्पग्रस्थ, स्वातंत्र्य सैनिक पाल्य उमेदवारांचे कमाल वय ४५ वर्षांपर्यत ग्राह्य धरले जाईल.
तर, अंशकालीन उमेदवारचे कमल वय ५५ वर्ष असावे.

शैक्षणिक पात्रता :

० उमेदवार मान्यताप्राप्त शिक्षण मंडळाच्या माध्यमिक शाळांत परीक्षा किंवा तत्सम प्रमाणपत्र परीक्षा पहिल्या प्रयत्नांत उत्तीर्ण असणे आवश्यक आहे.
० उमेदवार मान्यताप्राप्त विद्यापीठाची कला, विज्ञान, वाणिज्य किंवा तसयम शाखेतील पदवी परीक्षा प्रथम प्रयात्नांत किमान ४५ टक्के गुणांसह उत्तीर्ण असणे आवश्यक आहे.
० उमेदवार १०० गुणांची मराठी भाषा विषयाची इयत्ता दहावी किंवा मराठी विषय असलेली तस्यम परीक्षा उत्तीर्ण असणे आवश्यक.
० तसेच, इंग्रजी विषय घेऊन उत्तीर्ण असणे आवश्यक आहे.
० कनिष्ठ लघुलेखक(इंग्रजी) – १० वी पास आणि इंग्रजी टायपिंग ४० WPM आणि इंग्रजी स्टेनोग्राफी ८० WPM आणि MS-CIT.
० कनिष्ठ लघुलेखक(मराठी) – १० वी पास आणि मराठी टायपिंग ३० WPM आणि मराठी स्टेनोग्राफी ८० WPM आणि MS-CIT.
० उमेदवाराला संगणकातील ऑपरेटिंग सिस्टीम, वर प्रोसेसिंग, स्प्रेडशिट, प्रेझेंटेशन, डेटाबेस सॉफ्टवेअर, ई-मेल आणि इंटरनेट यांचे उत्तम ज्ञान असणे अत्यावश्यक आहे.

(वाचा : DTP Recruitment 2023: महाराष्ट्र शासनाच्या नगर रचना आणि मूल्य निर्धारण विभागात दहावी पास उमेदवारांसाठी भरती)

ऑनलाइन अर्ज करण्यासाठी :

अर्ज फक्त ऑनलाइन पद्धतीने स्वीकारले जातील. इतर कोणत्ययी प्रकारे सादर केलेले अर्ज स्वीकारले जाणार नाहीत.
ऑनलाइन अर्ज करण्यासाठी https://ibpsonline.ibps.in/bmcjsmay23/ या संकेतस्थळाला भेट द्या.
उमेदवाराने वर दिलेल्या लिंक वर जाऊन जाहिरातीसोबत जोडलेल्या ‘HOW TO APPLY’ मधील मार्गदर्शक सूचनांचे पालन करावे.
उमेदवाराने संपूर्ण अर्ज भरल्यानंतर अर्जाची प्रिंट काढून स्वतःजवळ ठेवावी. तसेच, परीक्षा शुल्क भरल्यानंतर ई-पावतीची प्रिंट काढून स्वतःजवळ ठेवावी.

महत्त्वाच्या तारखा :

१५ ऑगस्ट २०२३ ते ०४ सप्टेंबर २०२३ (रात्री १२ वाजेपर्यंत) : ऑनलाइन अर्ज करण्याचा कालावधी

१५ ऑगस्ट २०२३ ते ०४ सप्टेंबर २०२३ (रात्री १२ वाजेपर्यंत) : ऑनलाइन परिक्षा शुल्क भरण्याचा कालावधी

ऑनलाइन परिक्षा शुल्काविषयी :

मागासवर्गीय उमेदवार : ९०० रुपये (सर्व करांसहित)
खुल्या प्रवर्गातील उमेदवार : १००० रुपये (सर्व करांसहित)

परिक्षा शुल्क भरण्यासाठी ऑनलाइन पद्धत उपलब्ध करून देण्यात आली आहे.
सदर शुल्क हे ना-परतावा राहील व कोणत्ययी परिस्थितीत परत केले जाणार नाही.

सदर भरती संदर्भात राखीव जागांचा तपशील, आरक्षण, निवडीचे निकष आणि कार्यपद्धती, अर्ज करण्याच्या मार्गदर्शक सूचना, परिक्षा केंद्रांविषयी नियमावली, ओळख पडताळणी आणि अन्य महत्त्वाची माहिती मिळवण्यासाठी येथे क्लिक करा.

(वाचा : BARC Recruitment 2023: भाभा अणु संशोधन केंद्रात १०५ पदांसाठी भरती सुरु; पदवीधरांसाठी सुवर्णसंधी)

Source link