Tej Police Times
रिलायन्स इंडस्ट्रीजच्या ४६व्या एजीएममध्ये कंपनीनं Jio Air Fiber लाँच केला आहे. हा वायरलेस प्लग-अँड-प्ले ५जी हॉटस्टॉप आहे, ज्यासाठी फायबर केबलची गरज नाही. तुमच्या घरी किंवा ऑफिसमध्ये तुमच्या नॉन ५जी डिवाइसवर देखील ह्या पर्सनल वाय-फाय हॉटस्पॉटमुळे वेगवान इंटरनेट स्पीड मिळेल. Jio Air Fiber ची विक्री १९ सप्टेंबर, २०२३ पासून सुरु होईल.
गणेश चतुर्थीपासून होईल विक्री सुरु
कंपनीनं गेल्यावर्षी एयर फायबर ५जी हॉटस्पॉट डिवाइसची घोषणा केली होती. परंतु आतापर्यंत हा प्रोडक्ट विक्री साठी आला नव्हता. परंतु आज मुकेश अंबानींनी घोषणा केली आहे की हा १९ सप्टेंबर म्हणजे गणेश चतुर्थीपासून विक्रीसाठी उपलब्ध होईल. एयर फायबर एक अल्ट्रा-हाय-स्पीड ५जी हॉटस्पॉट डिवाइस आहे, जो घरी आणि ऑफिसमध्ये वायरलेस फायबर ५जी स्पीड देईल.
वाचा: Reliance AGM 2023: देशातील सर्वात स्वस्त 5G Phone ची होऊ शकते घोषणा; असा असू शकतो कंपनीचा प्लॅन
रिलायन्सच्या वार्षिक सर्वसाधारण सभेत मुकेश अंबानींनी म्हटलं की १ कोटींपेक्षा जास्त लोक आमच्या ऑप्टिकल फायबर सर्व्हिस, जिओ फायबरशी जोडले गेले आहेत. परंतु अजूनही लाखो घरांमध्ये वायर कनेक्टिव्हिटी देणं कठीण झालं आहे. जिओ एयर फायबर ही अडचण दूर करेल. ह्यामुळे २० कोटी घरांमध्ये पोहचू शकू.
Jio AirFiber चे फीचर्स
Jio AirFiber एक प्रकारची वायरलेस इंटरनेट सर्व्हिस आहे म्हणजे इंटरनेटसाठी वायरची गरज पडणार नाही. हा डिवाइस तुम्हाला तुमच्या घरातील भिंतीवरच्या इलेक्ट्रिसिटी सॉकेटमध्ये प्लग-इन करावा लागेल आणि इंटरनेट चालू होईल. हा पूर्णपणे प्लग अँड प्ले एक्सपीरियंससह येईल.
वाचा: भारतीय स्मार्टफोन बाजारात होतेय नव्या खेळाडूची एंट्री; २००एमपी कॅमेऱ्यासह येतोय Honor 90 येणार ‘या’ तारखेला
ह्या डिवाइसचा वापर कुठेही करता येईल. हे एक हॉटस्पॉट आहे, जो अल्ट्रा फास्ट ५जी इंटरनेट स्पीड देखील म्हणजे हा जिओचा ५जी हॉटस्पॉट आहे.Jio ने सांगितलं आहे की लोक होम गेटवेच्या माध्यमातून १००० चौरस फूट भागात वाय-फाय कव्हरेज मिळू शकते.