भारतीय रेल्वेमध्ये २ हजारांहून अधिक पदांची भरती! आजच करा अर्ज..

या भरतीद्वारे मध्य रेल्वेमध्ये अप्रेंटिस पदाच्या एकूण २४०९ जागा भरल्या जाणार आहेत. त्यापैकी मुंबई क्लस्टरमध्ये १६४९ पदे, पुणे क्लस्टरची १५२ पदे, सोलापूर क्लस्टरची ७६ पदे, भुसावळ क्लस्टरची ४१८ पदे आणि नागपूर क्लस्टरच्या ११४ पदांचा समावेश आहे. तेव्हा जाणून घेऊया या भरतीबाबत सविस्तर माहिती..

(वाचा: MMB Mumbai Recruitment 2023: ‘महाराष्ट्र सागरी मंडळा’त एक लाखाहून अधिक पगाराची नोकरी! जाणून घ्या भरतीचे तपशील..)

शैक्षणिक पात्रता: अप्रेंटीस पदासाठी अर्ज करणार्‍या उमेदवाराने मान्यताप्राप्त शिक्षण संस्थेतून १० वी परीक्षा उत्तीर्ण असणे गरजेचे आहे किंवा त्या समकक्ष परीक्षा किमान ५०% गुणांसह उत्तीर्ण असणे आवश्यक आहे. यासोबतच संबंधित ट्रेड मधील ‘आयटीआय’ प्रमाणपत्रही अनिवार्य आहे.

वयोमर्यादा: अर्जदार उमेदवारांचे वय कमीत कमी १५ ते जास्तीत जास्त २४ वर्षापर्यंत असावे. .

निवड प्रक्रिया: मध्य रेल्वेतील या अप्रेंटीस पदांसाठी उमेदवाराची दहावीची किंवा त्या समकक्ष परीक्षेची गुणवत्ता पहिली जाईल. त्याला किमान ५० टक्क्यांनाहून अधिक गुण असणे गरजेचे आह. तसेच त्याने भरतीसाठी आवश्यक त्या ट्रेडमध्ये ( ITI) आयटीआय केलेला असणे आवश्यक आहे. तसेच आवश्यक कागदपत्रांची पडताळणी करुनच अंतिम निवड केली जाईल.

या भरतीच्या माहितीसाठी\ अर्ज करण्यासाठी मध्य रेल्वेचे अधिकृत संकेतस्थळ: https://www.rrccr.com/

अधिकृत अधिसुचना वाचण्यासाठी पीडीएफ लिंक: https://rrccr.com/rrwc/Files/807f6770-0ee4-4e26-9716-ccae837bea92.pdf

स्टायपेंड: निवड झालेल्या उमेदवारांना दरमहिन्याला ७ हजार रुपये स्टायपेंड दिले जाईल.

अर्ज शुल्क: या भरतीसाठी अर्जदार उमेदवारांना १०० रुपये शुल्क भरावे लागणार आहे. तर SC/ST/PWD/महिला उमेदवारांना कोणतेही शुल्क भरावे लागणार नाही.

(वाचा: UPSC Recruitment 2023: स्पर्धा परीक्षा देणार्‍यांनो लक्ष द्या.. ‘युपीएससी’ द्वारे ‘या’ पदांसाठी होणार भरती!)