Tej Police Times
ओप्पोनं अलिकडेच आपल्या होम मार्केट चीनमध्ये OPPO Find N3 Flip स्मार्टफोन सादर केला आहे. आता हा फोन भारतासह जागतिक बाजारात येणार असल्याची चिन्हे दिसू लागली आहेत. कारण हा डिवाइस NBTC आणि BIS सर्टिफिकेशन वेबसाइटवर दिसला आहे. त्यामुळे हा फोन लवकरच भारतात तसेच इतर बाजारपेठांमध्ये येईल हे स्पष्ट झालं आहे.
OPPO Find N3 Flip एनबीटीसी आणि बीआयएस सर्टिफिकेशन
ओप्पोचा नवीन दुमडणारा फोन एकाच मॉडेल नंबरसह एनबीटीसी आणि बीआयएस वेबसाइटवर दिसला आहे. लिस्टिंग नुसार डिवाइसचा मॉडेल नंबर CPH2519 आहे. हा मॉडेल नंबर TKDN, IMDA वर देखील दिसला आहे.
लिस्टिंगमधून इतर कोणतीही माहिती मिळाली नाही परंतु एक गोष्ट स्पष्ट झाली आहे की हा फोन भारतासह इतर बाजारपेठांमध्ये लवकरच एंट्री करू शकतो. आशा आहे की OPPO Find N3 Flip चे स्पेसिफिकेशन्स चीनमध्ये आलेल्या मॉडेल सारखेच असतिल जे तुम्ही पुढे पाहू शकता.
वाचा: वनप्लसला टक्कर देण्यासाठी नवा खेळाडू मैदानात; ६४ एमपी कॅमेऱ्यासह iQOO Z7 Pro 5G भारतात लाँच
OPPO Find N3 Flip चे स्पेसिफिकेशन्स
ओप्पोच्या फ्लिप फोनमध्ये दोन डिस्प्ले आहेत. पहिला ३.२६-इंचाचा AMOLED कव्हर डिस्प्ले तर दुसरा ६.८०-इंचाचा १२० हर्ट्झ रिफ्रेश रेट असलेला AMOLED इनर मुख्य डिस्प्ले आहे.कंपनीनं ओप्पो फाइंड एन३ फ्लिपमध्ये मीडियाटेक डायमेंसिटी ९२०० प्रोसेसरचा वापर केला आहे. जोडीला १६जीबी पर्यंत रॅम आणि ५१२जीबी पर्यंत इंटरनल स्टोरेज मिळते. नवीन ओप्पो फोन अँड्रॉइड १३ आधारित ColorOS 13.1 वर चालतो.
वाचा: Free Fire Unban in India: पबजीनंतर आता फ्री फायर करणार भारतात पुनरागमन; जाणून घ्या कधी करता येईल हा गेम डाउनलोड
OPPO Find N3 Flip च्या कव्हर स्क्रीनच्या बाजूला ट्रिपल रियर कॅमेरा सेटअप आहे. ज्यात ५० मेगापिक्सलचा प्रायमरी कॅमेरा, ८ मेगापिक्सलची अल्ट्रा-वाइड अँगल लेन्स आणि ३२ मेगापिक्सलची टेलीफोटो लेन्स आहे. तर मुख्य डिस्प्लेमध्ये ३२ मेगापिक्सलचा सेल्फी कॅमेरा आहे. विशेष म्हणजे दोन्ही बाजूंना डिस्प्ले असल्यामुळे दोन्ही कॅमेरा सेटअप सेल्फी कॅमेरा म्हणून वापरता येतात. मोबाइलमध्ये पावर बॅकअपसाठी ४४ वॉट फास्ट चार्जिंग सपोर्टसह ४,३०० एमएएचची बॅटरी देण्यात आली आहे.