Instagram वर तुम्हीही रिल पोस्ट करता? ही नवीन अपडेट नक्की जाणून घ्या

नवी दिल्ली : Instagram Reels ची मर्यादा ३ मिनिटांवरून १० मिनिटांपर्यंत वाढवण्याचा निर्णय कंपनीने घेतला आहे. सद्यस्थितीला मेटा मालकीचे सोशल मीडिया प्लॅटफॉर्म Instagram सध्या रिल्ससाठी खूप प्रसिद्ध आहे. त्यामुळे कंपनीही रीलमध्ये सतत नवनवीन फीचर्स आणत आहे. आता समोर आलेल्या माहितीनुसार Instagram त्याच्या प्लॅटफॉर्मवर १० मिनिटांच्या रील्सची चाचणी करत आहे. इन्स्टाग्राम वापरकर्ते १० मिनिटांपर्यंतच्या शूटसह शिक्षण, मेकअप ट्यूटोरियल आणि स्वयंपाकाच्या पाककृती यासारखा कंटेट शेअर करु शकते. Alessandro Paluzzi यांनी ट्वीटर अर्थात X वर सर्वात आधी हे फीचर शोधलं होतं. त्यानंतर TechCrunch सोबत संभाषणात इन्स्टाग्रामने ही माहिती दिली होती. त्यामुळे आतापर्यंत या प्लॅटफॉर्मवर दीर्घकालीन व्हिडिओ शेअर करण्यास इच्छुक असलेल्या वापरकर्त्यांना आता हे करणं शक्य होणार आहे.

इन्स्टाग्रामने सामान्य वापरकर्त्यांसाठी हे फीचर आणल्यास, वाढलेल्या वेळेसह व्हिडिओ पाहणे सोपे होणार आहे. केवळ व्हिडिओ कंटेट पाहणाऱ्या वापरकर्त्यांसाठीच नाही तर निर्मात्यांना ते अपलोड करणे देखील सोपे होईल. त्यामुळे प्लॅटफॉर्मवरील एंगेजमेंट वाढण्याची शक्यता आहे. इन्स्टाग्राम रील मर्यादा ३ मिनिटांवरून १० मिनिटांपर्यंत वाढवून TikTok, युट्यूबला टक्कर देत असल्याचं म्हटलं जात आहे. काही काळापूर्वीच TikTok ने त्याच्या व्हिडिओंचा कालावधी देखील वाढवला होता.

अलीकडे, इंस्टाग्रामचे प्रमुख अॅडम मोसेरी म्हणाले होते की कंपनी असे मार्ग शोधत आहे ज्याद्वारे कंटेट क्रिएटर्स त्यांच्या फॅन्सना अधिक चांगले आणि अधिक बिझी ठेवू शकतात. ‘IG अपडेट्स’ चॅनेलवरील एका पोस्टमध्ये, मोसेरीने सांगितले की प्लॅटफॉर्मवर आणखी एका वैशिष्ट्याची चाचणी केली जात आहे ज्याद्वारे सार्वजनिक खाते वापरकर्ते कोणत्याही सार्वजनिक फीड पोस्टवरील कंमेट्स शेअर करू शकतात. या महिन्याच्या सुरुवातीला, Instagram ने आपल्या प्लॅटफॉर्मवर अनेक नवीन फीचर्स आणले होती.

वाचा: इंस्टाग्रामवर कोणीतरी ब्लॉक केलंय का? असं जाणून घ्या कोणी तुम्हाला Instagram वर ब्लॉक केलंय