Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Realme नं आपल्या नारजो सीरिजमध्ये आणखी एक स्मार्टफोन जोडीला आहे. गेली कित्येक दिवस चर्चेत असलेला Narzo 60x 5G भारतात लाँच झाला आहे. आधी आलेल्या बातम्यांप्रमाणे हा Realme 11x 5G स्मार्टफोन रिब्रन्ड व्हर्जन आहे. फक्त दोन्ही फोन्समध्ये कॅमेरा, कलर आणि सेलिंग प्लॅटफॉर्मचा फरक आहे. विशेष म्हणजे रियलमी नारजो ६०एक्स ५जी हा कंपनीचा सर्वात स्वस्त ५जी स्मार्टफोन आहे. फोनमध्ये हाय रिफ्रेश रेट डिस्प्ले, मीडियाटेक चिपसेट आणि मोठी बॅटरी देण्यात आली आहे. चला जाणून घेऊया ह्याची किंमत आणि फीचर्स.
Realme Narzo 60x 5G ची किंमत
Realme Narzo 60x 5G चे दोन मॉडेल भारतीय बाजारात आले आहेत. फोनचा बेस मॉडेल ४जीबी रॅम व १२८जीबी स्टोरेज मिळते, ज्याची किंमत १२,९९९ रुपये आहे. तर फोनचा टॉप मॉडेल ६जीबी रॅम व १२८जीबी स्टोरेजसह १४,४९९ रुपयांमध्ये विकत घेता येईल. कंपनीनं हा फोन स्टेलर ग्रीन आणि नेब्युला पर्पल कलरमध्ये सादर केला आहे. हा डिवाइस रियलमीच्या अधिकृत वेबसाइटसह अॅमेझॉन इंडियावरून विकला जाईल. फोनची विक्री १२ सप्टेंबर दुपारी १२ वाजता सुरु होईल.
वाचा: एवढ्या कमी किंमतीत पहिल्यांदाच १२जीबी रॅम, २५६ जीबी स्टोरेज; ६०००एमएएच बॅटरीसह Moto G54 5G लाँच
Realme Narzo 60x 5G चे स्पेसिफिकेशन्स
Realme Narzo 60x 5G मध्ये ६.७२ इंचाचा फुल एचडी+ डिस्प्ले देण्यात आला आहे, ज्यात वरच्या बाजूला मध्यभागी पंच होल मिळतो. हा एलसीडी पॅनल २४०० x १०८० पिक्सल रिजोल्यूशन आणि १२० हर्ट्झ रिफ्रेश रेटला सपोर्ट करतो. तसेच ह्यात १८० हर्ट्झ टच सॅम्पलिंग रेट आणि ६८० निट्झ पीक ब्राईटनेस मिळते.
फोनमध्ये मीडियाटेक डायमेंसीटी ६१०० प्लस चिपसेटचा वापर करण्यात आला आहे. हा फोन अँड्रॉइड १३ आधारित रियलमी युआय ४.० वर चालतो. जोडीला ६जीबी पर्यंत रॅम आणि १२८जीबी पर्यंतची स्टोरेज देण्यात आली आहे. ह्यातील स्टोरेज मायक्रो एसडी कार्डच्या सपोर्टनं वाढवता येते.
वाचा: वनप्लसला टक्कर देणारा फोन येतोय; Xiaomi 13T सीरीजच्या ग्लोबल लाँचची डेट कंफर्म
हा फोन ड्युअल रियर कॅमेरा सेटअपसह बाजारात आला आहे. ज्यात ५० मेगापिक्सलचा प्रायमरी कॅमेरा आणि २ मेगापिक्सलचा सेकंडरी सेन्सर मिळतो. सेल्फी आणि व्हिडीओ कॉलिंगसाठी ८ मेगापिक्सलचा फ्रंट कॅमेरा मिळतो.
रियलमी नारजो ६०एक्स ५जी स्मार्टफोनमध्ये पावर बॅकअपसाठी ५,०००एमएएचची मोठी बॅटरी देण्यात आली आहे. जी ३३ वॉट सुपरवुक चार्जिंगला सपोर्ट करते. कनेक्टिव्हिटीसाठी ड्युअल सिम, ५जी, ड्युअल बँड वायफाय, ब्लूटूथ ५.२, जीएनएसएस, ३.५ मिमी हेडफोन जॅक आणि यूएसबी टाइप सी पोर्ट मिळतो. तर सिक्योरिटीसाठी साइड माउंटेड फिंगरप्रिंट सेंसर देण्यात आला आहे.