जबरदस्त! १० हजारांच्या आत 5G Phone; चीनी कंपनीनं केली कमाल

चीनी स्‍मार्टफोन ब्रँड ZTE नं एक नवीन स्‍मार्टफोन लॉन्‍च केला आहे. ज्याचे नाव ZTE Changxing 50 असे आहे. फोन बजेट सेग्मेंट मध्ये लाँच करण्यात आला आहे. कमी किंमत असून देखील फोनमध्ये ९० हर्ट्झ रिफ्रेश रेट, अँड्रॉइड १३ ऑपरेटिंग सिस्टम, ४००० एमएएचची बॅटरी, १३ मेगापिक्सलचा मुख्य कॅमेरा असे फीचर्स आहेत. ग्‍लोबल मार्केट्समध्ये डिवाइस येईल का हे मात्र कंपनीनं नाही सांगितलं.

ZTE Changxing 50ची किंमत

ztemall वर हा स्‍मार्टफोन ८९९ युआन (सुमारे १०,३५८ रुपये) मध्ये लिस्‍ट करण्यात आला आहे. ही ४ जीबी रॅम आणि १२८ जीबी स्‍टोरेज व्हेरिएंटची किंमत आहे. हा फोन ब्लॅक आणि ब्लू कलर्समध्ये विकत घेता येईल. ग्‍लोबल मार्केटमध्ये हा फोन येण्याची शक्यता खूप कमी आहे.

वाचा: १२ जीबी रॅम, १२० वॉट फास्ट चार्जिंग असलेल्या फोनवर मोठा डिस्काउंट; iQOO Neo 7 5G ची किंमत झाली कमी

ZTE Changxing 50 चे स्पेसिफिकेशन्स

ZTE Changxing 50 फोनमध्ये ६.५२-इंचाचा एलसीडी डिस्‍प्‍ले देण्यात आला आहे, जो १६००×७२० पिक्‍सल रेजॉलूशन ऑफर करतो. डिस्‍प्‍ले ९० हर्ट्झ रिफ्रेश रेट आणि १८० हर्ट्झ टच सॅम्पलिंग रेटला सपोर्ट करतो. ह्यात अँटी-ब्लू लाइट आय प्रोटेक्शन मोड आहे, ज्याचा अर्थ असा की डोळ्यांना आराम मिळतो आणि डिस्‍प्‍लेमुळे कमीत कमी नुकसान होते.

बजेट रेंज मधील ह्या डिवाइसची सर्वात मोठी खासियत म्हणजे ह्यातील 5G सपोर्ट. हे प्रोसेसरमुळे शक्य झालं की आहे. कंपनीनं ऑफ‍िशियली माहिती दिली नाही, परंतु काही रिपोर्ट्समध्ये हा फोन Unisoc T760 5G प्रोसेसरवर चालतो. हा अँड्रॉइड १३ ऑपरेटिंग सिस्‍टमवर चालतो, ज्यावर MyOS 13 चा थर आहे.

वाचा: UPI ATM: डेबिट आणि क्रेडिट कार्डविना काढता येतील पैसे, जाणून घ्या संपूर्ण प्रोसेस

ZTE Changxing 50 मध्ये १३ मेगापिक्‍सलचा सिंगल रियर कॅमेरा आहे, जो गोलाकार कॅमेरा मॉड्यूलमध्ये फ‍िट करण्यात आला आहे. फ्रंटला ५ मेगापिक्‍सलचा सेल्‍फी कॅमेरा मिळतो. ह्या फोनमध्ये ४ हजार एमएएचची बॅटरी आहे, जी चार्ज करण्यासाठी फक्त ५वॉटचा चार्जिंगला सपोर्ट आहे. विशेष म्हणजे ३.५ मिमी हेडफोन जॅकला देखील फोनमध्ये जागा देण्यात आली आहे.