Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मेकॅनिकल- सिव्हिल इंजिनीअरिंग नको रे बाबा; विद्यार्थी नसल्याने कॉलेजातील विभागांना कुलूप लावण्याची वेळ
राज्यातील २५३ कॉलेजांमध्ये सिव्हिल इंजिनीअरिंग हा अभ्यासक्रम शिकविला जातो. त्यामध्ये प्रवेशासाठी एकूण १७ हजार २६८ जागा उपलब्ध आहेत. यापैकी केवळ ७ हजार ११४ जागांवरच विद्यार्थ्यांनी प्रवेश घेतले आहेत. त्यातून राज्यात सिव्हिल इंजिनीअरिंग अभ्यासक्रमाच्या तब्बल १० हजार १५४ जागा रिक्त आहेत. यामध्ये राज्यातील २५३ कॉलेजांपैकी १६७ कॉलेजांमध्ये सिव्हिल इंजिनीअरिंग अभ्यासक्रमासाठी ५० टक्क्यांहून कमी विद्यार्थ्यांनी प्रवेश घेतले आहेत. त्यातील पाच किंवा त्यापेक्षा कमी विद्यार्थ्यांनी प्रवेश घेतलेल्या कॉलेजांची संख्या ५६ आहे.
राज्यातील २९५ कॉलेजांमध्ये मेकॅनिकल इंजिनीअरिंग हा अभ्यासक्रम शिकविला जात आहे. त्यामध्ये प्रवेशासाठी २३ हजार १९३ जागा उपलब्ध असून केवळ १२ हजार ५९ जागांवरच विद्यार्थ्यांनी प्रवेश घेतले आहेत. राज्यातील मेकॅनिकल इंजिनीअरिंगच्या २९५ पैकी तब्बल १६० कॉलेजांमधील जागांवर ५० टक्क्यांहून कमी विद्यार्थ्यांनी प्रवेश घेतले आहेत. यातील पाच किंवा पाचपेक्षा कमी विद्यार्थ्यांनी प्रवेश घेतलेल्या कॉलेजांची संख्या तब्बल ७४ एवढी आहे. यामध्ये काही खासगी संस्थांच्या नामांकित कॉलेजांचाही समावेश आहे. या कॉलेजांमध्ये अन्य अभ्यासक्रमासाठी विद्यार्थ्यांनी प्रवेश घेतले असले तरी सिव्हिल इंजिनीअरिंगसाठी विद्यार्थी मिळाले नसल्याची स्थिती आहे. त्यातून विद्यार्थ्यांअभावी हे अभ्यासक्रम ठेवायचे की नाहीत, असा प्रश्न कॉलेजांसमोर आहे.
‘एआय’, ‘रोबोटिक्स’कडे कल:
राज्यात इंजिनीअरिंगच्या १ लाख ५८ हजार ५८५ जागा आहे. त्यातील सुमारे ४० हजारांहून अधिक जागा रिक्त आहेत. त्यामध्ये मेकॅनिकल, सिव्हिल इंजिनीअरिंग, ऑटोमोबाइलसारख्या पारंपरिक अभ्यासक्रमांच्या सर्वाधिक जागा रिक्त आहेत. त्याचवेळी कम्प्युटर इंजिनीअरिंग, आयटी, तसेच नव्या काळाचे आर्टिफिशिअल इंटेलिजन्स, डाटा सायन्स, रोबोटिक्स आदी अभ्यासक्रमांना विद्यार्थ्यांची सर्वाधिक पसंती मिळत असून बहुतांश कॉलेजांमध्ये या अभ्यासक्रमाच्या सर्व जागा भरल्या गेल्याची स्थिती आहे.
अभ्यासक्रमनिहाय कॉलेजांमध्ये प्रवेश विद्यार्थी संख्या:
प्रवेशित विद्यार्थी संख्या – सिव्हील इंजिनिअरिंग कॉलेज संख्या – मेकॅनिकल इंजिनिअरिंग कॉलेज संख्या
० – १२ – १६
१ – १६ – १६
२ – ६ – १०
३ – १० – ७
४ – १२ – १३
५ – ९ – १२
६ – १३ – ६
७ – ९ – ९
८ – ७ – ५
९ – ५ – ७
१० – ५ – ३