२० हजारांच्या बजेटमध्ये आणखी एक दमदार फोन; वाय सीरिजमध्ये Vivo Y36 5G चा समावेश

Vivo Y36 5G ची किंमत

Vivo Y36 5G चा एकमेव स्टोरेज व्हेरिएंट इंडोनेशियामध्ये लाँच करण्यात आला आहे. ज्यात ८जीबी रॅम आणि २५६जीबी स्टोरेज देण्यात आली आहे. ह्या स्मार्टस्फोनची किंमत ३,७९९,००० इंडोनेशियन रुपया आहे म्हणजे सुमारे २०,००० रुपये आहे. हा डिवाइस क्रिस्टल ग्रीन आणि मिस्टिक ब्लॅक अशा दोन रंगात विकत घेता येईल.

हे देखील वाचा: जगातील सर्वात स्वस्त फ्लिप स्मार्टफोन लाँच; Tecno पुढे Samsung ही फेल, इतकी आहे Phantom V Flip 5G ची किंमत

Vivo Y36 5G चे स्पेसिफिकेशन्स

फोनमध्ये ६.६४ इंचाचा एचडी प्लस अल्ट्रा-ओ डिस्प्ले देण्यात आला आहे. कंपनीनं ह्यात पंच होल स्क्रीनचा वापर केला आहे. हा मोबाइल अँड्रॉइड १३ आधारित फनटच ओएस १३ वर चालतो.

प्रोसेसिंगसाठी मीडियाटेक डायमेन्सिटी ६०२० चिपसेटचा वापर करण्यात आला आहे. हा प्रोसेसर २.२ गिगाहर्टझ क्लॉक स्पीडवर चालतो.डिवाइसमध्ये ८ जीबी रॅमसह २५६ जीबी इंटरनल स्टोरेज देण्यात आली आहे. त्याचबरोबर ८जीबी एक्सटेंडेड रॅमचा सपोर्ट देखील आहे. ज्याच्या मदतीनं १६ जीबी पर्यंतची पावर मिळवता येते.

हा फोन ड्युअल रियर कॅमेरा सेटअपसह बाजारात आला आहे. ज्यात ५० मेगापिक्सलचा प्रायमरी कॅमेरा आणि २ मेगापिक्सलची बोकेह लेन्स मिळतो. तसेच सेल्फी आणि व्हिडीओ कॉलिंगसाठी १६ मेगापिक्सलचा फ्रंट कॅमेरा आहे.

Vivo Y36 5G मध्ये ५०००एमएएचची बॅटरी आणि ४४वॉट फास्ट चार्जिंग सपोर्ट देण्यात आला आहे. डिवाइसमध्ये ड्युअल सिम ५जी, ब्लूटूथ, वाय-फाय आणि बेसिक कनेक्टिव्हिटी ऑप्शन मिळतात. तर सिक्योरिटीसाठी फिंगरप्रिंट सेन्सर देण्यात आला आहे.

हे देखील वाचा: व्हिडीओ क्रिएटर्ससाठी भन्नाट बातमी! YouTube नं आणले AI फीचर्स जे चुटकीसरशी करतील व्हिडीओ एडिट

Vivo Y36 5G इंडिया लाँच

काही दिवसांपूर्वी विवो वाय ३६ ५जीचा इंडियन रिटेल बॉक्स समोर आला होता. त्यामुळे हा फोन लवकरच भारतात देखील लाँच केला जाईल असा अंदाज लावला जात आहे. इंडोनेशियामध्ये जरी ह्याची किंमत २० हजारांच्या आसपास असली तरी भारतात ही किंमत १५ हजार रुपयांच्या असपास असू शकते. आता आपल्याला कंपनीच्या अधिकृत घोषणेची वाट पाहावी लागेल.