Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
धक्काबुक्की आणि रांगेविना १० मिनिटांत घरपोच मिळवा iPhone 15; फ्लिपकार्ट-अ‍ॅमेझॉन नव्हे तर ‘इथून’ करा ऑर्डर
iPhone 15 सीरीजसाठी लोक वेडे झाले आहेत, पहिल्या सेलमध्ये लोक सकाळी ४ वाजल्यापासून रांगेत उभे होते. परंतु आता iPhone 15 खरेदी करण्यासाठी तुम्हाला रांग लावण्याची गरज नाही कारण हा फोन तुमच्या घरपोच डिलिव्हर केला जाईल. जर तुम्हाला वाटत असेल की आम्ही Amazon-Flipkart बद्दल बोलत आहोत तर तसं नाही. चला जाणून घेऊया आयफोन १५ विकत घेण्याचा आणखी एक पर्याय.
Blinkit करेल iPhone 15 सीरीज डिलिव्हर
Blinkit दिल्ली एनसीआर, मुंबई आणि पुण्यात युजर्सना नवीन iPhone 15 सीरीज ऑर्डर करण्याची सुविधा देत आहे. कमीत कमी १० मिनिटे किंवा त्यापेक्षा थोड्या जास्त वेळात ही सीरीज तुम्हाला डिलिव्हर केली जाईल. ह्यासाठी Blinkit नं Apple च्या अधिकृत स्टोर, यूनिकॉर्नसह भागेदारी केली आहे. ही सर्व्हिस त्या लोकांसाठी उपलब्ध करण्यात आली आहे ज्यांना फोन खरेदी करायचा तर आहे परंतु रांगेत उभं राहायचं नाही.
हे देखील वाचा: २० हजारांच्या बजेटमध्ये आणखी एक दमदार फोन; वाय सीरिजमध्ये Vivo Y36 5G चा समावेश
Blinkit नं सोशल मीडिया प्लॅटफॉर्म एक्सवर म्हटलं आहे की कंपनीनं अ‍ॅप्पल प्रीमियम रिसेलर यूनिकॉर्नसह भागेदारी केली आहे ज्या अंतर्गत आतापर्यंत ४ डिवाइसेज डिलिव्हर करण्यात आले आहेत. iPhone 15 आणि iPhone 15 Plus अनेक कलर्स आणि स्टोरेज मध्ये Blinkit प्लॅटफॉर्मवर खरेदीसाठी उपलब्ध झाला आहे. त्याचबरोबर इथून लाँच ऑफरचा लाभ देखील घेता येईल. ज्यात नो-कॉस्ट ईएमआय, लो-कॉस्ट ईएमआय आणि एचडीएफसी कार्डवरील ५,००० रुपयांपर्यंतच्या कॅशबॅकचा देखील समावेश आहे.
हे देखील वाचा: कमी किंमतीत दणकट फोन देण्याच्या शर्यतीत Samsung उतरणार; Galaxy S23 FE कंपनीनं केला टीज
iPhone 15 च्या बेस १२८ जीबीच्या व्हेरिएंटची किंमत ७९,९०० रुपये आहे. तर १२८ जीबी स्टोरेज असलेल्या iPhone 15 Plus ची किंमत ८९,९०० रुपये आहे. तर iPhone 15 Pro ची किंमत १,३४,९०० रुपयांपासून सुरु होते. सीरिजमधील सर्वात शक्तिशाली iPhone 15 Pro Max चा बेस मॉडेल १,५९,९०० रुपयांमध्ये विकला जात आहे.