Tej Police Times
Study Tips For Exam: आपल्या शिक्षण प्रणालीमध्ये परीक्षांना विशेष महत्व आहे. विद्यार्थ्यांना जे शिकवले जात आहे, त्याचे त्यांना होणारे आकलन तपासण्यासाठी परीक्षा घेतल्या जातात. साधारण वर्षातून दोन सत्र परीक्षा होतात. त्यापैकी पहिली सहमाही परीक्षा आता अगदी समोर येऊन ठेपली आहे. त्यामुळे शाळा – महाविद्यालयांमध्ये विद्यार्थी परीक्षेच्या तयारीला लागले आहेत. पण बर्याचदा होते असे की, परीक्षा तोंडावर आल्यावर विद्यार्थी अभ्यासाला लागतात आणि परिणामी त्यांना अभ्यासाचा ताण जाणवू लागतो. पण अशा परिस्थितीतही जर योग्य नियोजन केले तर अवघड परीक्षाही सोपी वाटू शकते. तेव्हा परीक्षेला सहज आणि सोपे करण्याच्या काही खास टिप्स पाहूया…
अभ्यासाची जागा योग्य हवी: घर मोठे असो किंवा लहान, पण तिथे तुम्ही अभ्यासासाठी एक जागा ठरवून घ्यायला हवी. ज्यामुळे तुम्हाला त्या जागेची सवय होऊन मन एकाग्र होण्यास मदत होते. सतत जागा बदलून अभ्यास केला तर लक्ष विचलित होत जाते. परीक्षेच्या आधीचे काही दिवस तरी हे प्रकर्षाने पाळायला हवे. शिवाय जी जागा निवडली आहे तिथे शांतता असेल, तुमची अडचण होणार नाही हे देखील पहावे.
अभ्यासाची जागा योग्य हवी: घर मोठे असो किंवा लहान, पण तिथे तुम्ही अभ्यासासाठी एक जागा ठरवून घ्यायला हवी. ज्यामुळे तुम्हाला त्या जागेची सवय होऊन मन एकाग्र होण्यास मदत होते. सतत जागा बदलून अभ्यास केला तर लक्ष विचलित होत जाते. परीक्षेच्या आधीचे काही दिवस तरी हे प्रकर्षाने पाळायला हवे. शिवाय जी जागा निवडली आहे तिथे शांतता असेल, तुमची अडचण होणार नाही हे देखील पहावे.
झोपेचे नियोजन हवे: परीक्षा जवळ आली की विद्यार्थी रात्रभर जागून अभ्यास करतात आणि सकाळीही लवकर उठून अभ्यासाला बसतात. अशाने ऐन परीक्षेच्या काळात प्रकृती बिघडू शकते. त्यामुळे पुरेशी झोप मिळायलाच हवी. झोप पूर्ण झाली तर शरीर आणि मन दोन्हीही प्रसन्न राहते. त्याचा परीक्षेवर सकारात्मक परिणाम होतो.
(वाचा: ICSI CS Exam 2023: सुधारित अभ्यासक्रमावर आधारित पहिली ‘सीएस’ परीक्षा येत्या डिसेंबरमध्ये; परीक्षेआधी प्रशिक्षणही मिळणार)
दिवसाचे नियोजन करा: रात्र जागून काढण्यापेक्षा सकाळी उठल्या पासून ते रात्री झोपे पर्यंत वेळेचे नियोजन करा. कोणत्या वेळी कोणत्या विषयाचा अभ्यास करायचा आहे. कोणत्या गोष्टीला किती वेळ द्यायचा आहे हे ठरवता याला हवे. वेळेचे नियोजन झाले तर अभ्यासाचा ताण येणार नाही.
सराव महत्वाचा: विद्यार्थी सर्वात आधी आवडीचा आणि सोपा विषय घेऊन अभ्यासाला बसतात. त्यामुळे ज्या विषयातले आकलन जास्त आहे त्याचाच अभ्यास होत राहतो आणि अवघड विषय अवघड मागे पडतो. म्हणून जे येत आहे, ज्या विषयाचे आकलन चांगले आहे तो विषय काहीसा बाजूला ठेवून अवघड विषयाचा सराव करायला हवा. सततच्या सरावाने अवघड विषयही सोपा वाटू लागतो.
परीक्षेच्या काळात मोबाइल टाळा: हल्ली शाळेतल्या विद्यार्थ्यांकडेही स्वतःचे फोन असतात. विद्यार्थ्यांमध्ये फोनचा वापर इतका वाढला आहे की त्यांचे लक्ष अभ्यासवरून विचलित झाले आहे. म्हणूनच अभ्यासात व्यत्यय आणणारे मोबाइल हे साधन काही दिवस ठरवून लांब ठेवायला हवे.
स्वतःच्या नोट्स काढा: विद्यार्थ्यांना शालेय पुस्तका व्यतिरिक्त गाईड, अपेक्षित असे अनेक पर्याय उपलब्ध झाले आहेत. त्यामुळे त्यातूनच पाठांतर करून विद्यार्थी परीक्षा देतात. पण यासोबत जर स्वतःचा अभ्यास करून नोट्स काढल्या तर संबधित विषय आणि त्यातील प्रश्न हे चटकन सोडवता येतात. कारण नोट्स काढताना आपल्याला त्या विषयाचे सखोल आकलन होत असते.
(वाचा: NHM Dhule Bharti 2023: राष्ट्रीय आरोग्य अभियाना अंतर्गत धुळे येथे विविध पदांची भरती! चुकूनही चुकवू नका ही संधी..)