जे शाओमीला झेपलं नाही ते ओप्पोनं करून दाखवलं; नवा फोल्डेबल Oppo Find N3 Flip भारतात सादर

Oppo Find N3 Flip Price In India

ह्या स्मार्टफोनच्या १२ जीबी + २५६ जीबी ह्या एकमेव व्हेरिएंटची किंमत ९४,९९९ रुपये आहे. हा फोन क्रीम गोल्ड, मिस्टी पिंक आणि स्लीक ब्लॅक कलर्समध्ये उपलब्ध होईल. याची विक्री कंपनीच्या अधिकृत वेबसाइटसह फ्लिपकार्ट आणि रिटेल स्टोर्सवर २२ ऑक्टोबर पासून केली जाईल. ओप्पो युजर्सना जुन्या स्मार्टफोनच्या एक्सचेंजवर ८,००० रुपयांचा अतिरिक्त डिस्काउंट मिळेल. तसेच १२,००० रुपयांपर्यंतच्या कॅशबॅक ऑफर्स देखील आहेत.

हे देखील वाचा: Jio नं आणला आणखी एक स्वस्त 4G Feature Phone; JioBharat B1 मधून करता येईल UPI पेमेंट

Oppo Find N3 Flip चे स्पेसिफिकेशन्स

ड्युअल सिम असलेल्या Find N3 Flip मध्ये ६.८ इंचाचा फुल एचडी (१,०८०x२,५२० पिक्सल) एलटीपीओ इनर स्क्रीन १२० हर्ट्झ पर्यंत रिफ्रेश रेटसह आला आहे. ह्याचा ३.२६ इंचाच्या (३८२x७२० पिक्सल) कव्हर डिस्प्लेमध्ये ९०० निट्झ पीक ब्राइटनेस लेव्हल आहे.

दमदार परफॉर्मन्ससाठी कंपनीनं ह्यात मीडियाटेक डायमेन्सिटी ९२०० चिपसेटचा वापर केला आहे. सोबत १२ जीबी रॅम आणि २५६जीबी स्टोरेज मिळते. हा फोन अँड्रॉइड १३ आधारित कलरओएस १३ वर चालतो. ह्यात कूलिंगसाठी एक ग्रॅफाइट लेयर आणि हाय-परफॉर्मन्स जेल आहे.

फोटोग्राफीसाठी ह्यात ट्रिपल रियर कॅमेरा सेटअप मिळतो. ज्यात ५० मेगापिक्सलचा प्रायमरी कॅमेरा, ४८ मेगापिक्सलचा अल्ट्रा-वाइड अँगल कॅमेरा आणि ३२ मेगापिक्सलची टेलीफोटो लेन्स मिळते. सेल्फी आणि व्हिडीओ कॉल्ससाठी ह्यात ३२ मेगापिक्सलचा कॅमेरा देण्यात आला आहे.

हे देखील वाचा: Redmi K70 फोन ९०वॉट फास्ट चार्जिंगसह येईल बाजारात; सर्टिफिकेशन साइटवर दिसला फोन

याची ४,३०० एमएएचची बॅटरी ४४ वॉट सुपरवूक फास्ट चार्जिंगला सपोर्ट करते. ५६ मिनिटांत ही बॅटरी फुल चार्ज होते असा दावा कंपनीनं केला आहे. ह्यात कनेक्टिव्हिटीसाठी या फोनमध्ये ५जी, वाय-फाय, ब्लूटूथ आणि एनएफसी ऑप्शन आहेत. फोनमधील ड्युअल स्पिकर डॉल्बी अ‍ॅटमॉसला स्पॉट करतात.