नर्सिंग मध्ये करिअर करायचे आहे? मग जाणून घ्या त्यातील कोर्सेस आणि खास संधी

(वाचा: BEL Recruitment 2023: इंजिनियर्ससाठी सुवर्णसंधी! भारत इलेक्ट्रोनिक्स मध्ये मोठी भरती)

अभ्यासक्रमांचे शुल्क: नर्सिंग हा अभ्यासक्रम अनेक सरकारी महाविद्यालयांमध्ये उपलब्ध असल्याने त्याचा शिक्षणाचा खर्च हा प्रत्येक संस्थेवर अवलंबून आहे. सरकारी महाविद्यालये आणि सरकारी अनुदानित महाविद्यालये यामध्ये खासगी संस्थांपेक्षा तुलनेने अत्यंत माफक शुल्क आकारले जाते. परंतु खासगी वैद्यकीय शिक्षण संस्था अंदाजे ४० हजार ते १ लाख ८० हजारपर्यंत वार्षिक शुल्क आकारतात.

नोकरीच्या संधी: सध्याचे वातावरण आणि रोगराईचे प्रमाण पाहता या क्षेत्रात प्रचंड मोठ्या संधी आहे. करोना काळात या सगळ्याचे महत्व आपण जाणलेच. त्यामुळे नर्सिंग हे अनेक मोठ्या संधींनी भरलेले क्षेत्र आहे. ज्यामध्ये सरकारी, निम सरकारी किंवा खासगी रुग्णालये, नर्सिंग होम यामध्ये तुम्ही नोकरी करू शकता. याशिवाय सरकारी आस्थापना, अनाथाश्रम, वृद्धाश्रम, आरोग्य गृह अशा ठिकाणीही परिचर आणि परिचारिका यांना उत्तम संधी असते. सध्या या क्षेत्रात वेतनही भरपूर दिले जात आहे. एवढेच नव्हे तर परदेशातही संधी उपलब्ध आहेत.

काही गैरसमज: अनेकांना नर्सिंग म्हणजे केवळ मुलीच हा कोर्स करू शकतात असे वाटते. पण हा कोर्स मुली आणि मुले दोघांसाठीही आहे. या क्षेत्रात मुलांनाही मोठ्या प्रमाणात संधी आहेत. शिवाय कला किंवा वाणिज्य शाखेतील विद्यार्थी नर्सिंग करू शकत नाहीत असेही बोलले जाते. परंतु या शाखांमधील विद्यार्थी देखील नर्सिंगला प्रवेश घेऊ शकतात. त्यांना ‘एएनएम’ करून नर्सिंग क्षेत्रात येता येते.

(वाचा: WRD Jalsampada Vibhag Bharti 2023: जलसंपदा विभागात ४ हजार ४९७ पदांची महाभरती; ‘ही’ आहे अर्ज करण्याची शेवटची तारीख)