Tej Police Times
मुंबई– सलमान खानचा चित्रपट ‘टायगर ३’ ने भारतीय बॉक्स ऑफिसवर ६ दिवसात २०० कोटींचा टप्पा गाठला असेल, पण हा चित्रपट या वर्षातील अनेक टॉप चित्रपटांच्या कमाईपेक्षा मागे पडला आहे. यशराज फिल्म्सचा हा पाचवा स्पाय युनिव्हर्स चित्रपट बॉलिवूड चित्रपटांमध्ये अनेक नवे विक्रम करेल अशी अपेक्षा होती, परंतु असे काहीही होऊ शकले नाही. चित्रपट वेळेवर प्रदर्शित न होणे हे यामागचे एक कारण आहे. हा सिनेमा दिवाळीच्या दिवशी प्रदर्शित झाला, त्यामुळे त्याची शुक्रवार आणि शनिवार या दोन्ही दिवसांची कमाई हुकली. हा सिना शुक्रवारी प्रदर्शित झाला असता तर आज कदाचित या चित्रपटाचे आकडे वेगळे दिसले असते. ‘टायगर ३’ची कमाई सातत्याने कमी होत असून या शुक्रवारी चित्रपटाची कमाई सर्वात कमी झालेली पाहायला मिळाली.
मनीष शर्मा दिग्दर्शित, या चित्रपटाने दिवाळीत चांगली कमाई केली आणि ४४.५ कोटींची ओपनिंग केली. दिवाळीत अशा प्रकारची कमाई होणं विलक्षण म्हणता येईल. कारण जिथे लोक आपल्या घरी सण साजरा करण्याच्या मूडमध्ये असतात त्यावेळेस भाईजानचे चाहते मात्र या खास दिवशी सिनेमागृहात टायगर ३ पाहण्यासाठी गेलेले. दुसऱ्या दिवशी या चित्रपटाची सर्वाधिक कमाई ५९.२५ कोटी रुपये होती. मात्र त्यानंतर चित्रपटाच्या कमाईत सातत्याने घसरण होत असून आता पहिल्या शुक्रवारी केवळ १३ कोटींची कमाई होऊ शकली आहे. ‘टायगर ३’ ने ६ दिवसात २००.६५ कोटींची कमाई केली आहे.
‘टायगर ३’ चे जगभरातील कलेक्शन
‘टायगर ३’ च्या जगभरातील कलेक्शनबद्दल बोलायचे तर त्याने ६ दिवसात ३१० कोटींचा आकडा पार केला आहे. या चित्रपटाने पाच दिवसांत एकूण २९७.०० कोटींची कमाई केली होती. तर भारतातील एकूण कलेक्शन २२४.८० कोटी रुपये होते. स्पाय युनिव्हर्स ‘पठाण’च्या शेवटच्या चित्रपटापेक्षा हे कलेक्शन खूपच कमी आहे. शाहरुख खानच्या ‘जवान’नेही यातून चांगली कमाई केली.
‘टायगर ३’ दोन्ही वीकेंडला घसरला
पहिल्या दोन वीकेंडमध्ये चित्रपटाच्या कमाईच्या शक्यता सर्वात जास्त असल्या तरी, इथे चित्र वेगळे दिसत आहेत. ओपनिंगच्या पहिल्या वीकेंडला शुक्रवार आणि शनिवारची कमाई गमावलेल्या या चित्रपटाला रविवारीही कमाई करणे कठीण होणार आहे कारण या दिवशी लोक विश्वचषकाच्या अंतिम सामन्यात व्यस्त असणार आहेत.
तुला तो ओळखतो तरी का? डेव्हिड बेकहॅमसोबतचा फोटो शेअर करताच अनिल कपूर यांचा मुलगा ट्रोल
शाहरुख आणि हृतिक कॅमिओ भूमिकेत
या चित्रपटात सलमान खान टायगरची भूमिका साकारत आहे तर कतरिना कैफ झोयाची भूमिका साकारत आहे. या चित्रपटात इमरान हाश्मी खलनायकाची भूमिका साकारत आहे. या सगळ्याशिवाय शाहरुख खान आणि हृतिक रोशनचा कॅमिओ आहे.