जेईई अर्ज प्रक्रियेला मुदतवाढ, आता या तारखेपर्यंत करता येणार अर्ज

(वाचा : JEE Advanced 2024 परीक्षा २६ मे या दिवशी; परीक्षेचे संपूर्ण वेळापत्रक जाणून घ्या)

एनटीएने यासंदर्भात अधिसूचनाही जारी केली आहे. ज्यामध्ये असे म्हटले आहे की, पहिला अर्ज ऑनलाइन सबमिट करण्याची प्रक्रिया १ नोव्हेंबर २०२३ पासून सुरू करण्यात आली होती. NTA च्या अधिकृत नोटीसनुसार संयुक्त प्रवेश परीक्षा (JEE Main 2024 साठी ऑनलाइन अर्ज भरण्याची अंतिम तारीख वाढवण्याचा निर्णय घेण्यात आला आहे. त्यामुळे इच्छुक आणि पात्र उमेदवार ४ डिसेंबरपर्यंत अर्ज करू शकतील. अर्ज करण्याच्या पायर्‍या अधिकृत वेबसाइटवर देण्यात आल्या आहेत.

जेईई मेन २०२४या वर्षी दोन फेऱ्यांमध्ये घेण्यात येणार आहे. पहिले सत्र जानेवारीत तर दुसरे सत्र एप्रिलमध्ये होईल. अर्ज प्रक्रिया संपल्यानंतर, NTA जानेवारी २०२४ च्या दुसऱ्या आठवड्यात परीक्षेच्या शहरांबद्दल माहिती देईल.

जेईई मेन परीक्षेत २.५ लाख रँक मिळवणाऱ्या उमेदवारांना JEE Advanced 2024 बोलावले जाईल. जेईई अ‍ॅडव्हान्स्ड परीक्षेत यशस्वी झालेल्यांना आयआयटी, एनआयटी, ट्रिपलआयटी आणि इतर संस्थांमध्ये प्रवेश दिला जाईल. त्याचबरोबर जेईई मेनमध्ये यशस्वी झालेल्यांना आयआयटी सोडून एनआयटी, ट्रिपलआयटीसह खासगी महाविद्यालयांमध्ये प्रवेश दिला जातो. तसेच, या स्कोअरच्या आधारे, अनेक राज्ये त्यांच्या बी.टेक कॉलेजमध्ये प्रवेश देखील देतात.

(वाचा : GATE 2024 मॉक टेस्ट लिंक सक्रिय; परीक्षेच्या सराव आणि MOCK Test गुण तपासणी मोफत)