Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
महाराष्ट्रात विद्यार्थ्यांच्या ऑनलाइन हजेरीला सुरुवात; ‘अटेन्डन्स बॉट’द्वारे ऑनलाइन हजेरी आवश्यक
Online Attendane For School Studets : राज्यात शालेय शिक्षण विद्यार्थ्यांच्या ऑनलाइन पद्धतीने हजेरी नोंदवण्याच्या उपक्रमाला शुक्रवार, १ डिसेंबर २०२३ सुरुवात झाली असून, पहिल्याच दिवशी राज्यातील २६ हजार ७८६ शाळांनी ऑनलाइन पद्धतीने विद्यार्थ्यांची हजेरी नोंदवली. तर, विदर्भ आणि मराठवाड्यात दिवाळीनंतर शाळा सुरू होऊन, तीन दिवसांचा कालावधी उलटल्याने येत्या आठवड्यात शाळांच्या संख्येत वाढ होण्याची शक्यता शिक्षण विभागाकडून वर्तवण्यात आली आहे.
महाराष्ट्र प्राथमिक शिक्षण परिषदेच्या समग्र शिक्षा अंतर्गत विद्या समीक्षा केंद्राद्वारे पहिली ते बारावीच्या विद्यार्थ्यांची ऑनलाइन हजेरी नोंदवण्याचा उपक्रमाला शुक्रवारी सुरुवात झाली. या उपक्रमात जिल्हा परिषद, महापालिका, नगरपालिका, नगरपरिषद अशा स्थानिक स्वराज्य संस्थांच्या शाळांसोबतच, अनुदानित शाळांना ऑनलाइन पद्धतीने विद्यार्थ्यांची हजेरी नोंदवायची आहे. त्यानुसार शाळांमधील शिक्षकांनी स्विफ्टचॅट या मोबाइल ॲपद्वारे आपल्या वर्गात उपस्थित असणाऱ्या विद्यार्थ्यांची हजेरी ऑनलाइन पद्धतीने नोंदवायला सुरुवात झाली आहे. या प्रयोगामुळे वर्गात प्रत्यक्षात किती विद्यार्थी उपस्थित असतात, याची माहिती उपलब्ध होत आहे. शिवाय, या उपक्रमामुळे राज्यातील शिक्षण क्षेत्रातील माहिती संकलन आणि विश्लेषण प्रक्रिया अधिक वेगवान, सुलभ होणार आहे, अशी माहिती शिक्षण विभागाकडून देण्यात आली आहे.
महाराष्ट्र प्राथमिक शिक्षण परिषदेच्या समग्र शिक्षा अंतर्गत विद्या समीक्षा केंद्राद्वारे पहिली ते बारावीच्या विद्यार्थ्यांची ऑनलाइन हजेरी नोंदवण्याचा उपक्रमाला शुक्रवारी सुरुवात झाली. या उपक्रमात जिल्हा परिषद, महापालिका, नगरपालिका, नगरपरिषद अशा स्थानिक स्वराज्य संस्थांच्या शाळांसोबतच, अनुदानित शाळांना ऑनलाइन पद्धतीने विद्यार्थ्यांची हजेरी नोंदवायची आहे. त्यानुसार शाळांमधील शिक्षकांनी स्विफ्टचॅट या मोबाइल ॲपद्वारे आपल्या वर्गात उपस्थित असणाऱ्या विद्यार्थ्यांची हजेरी ऑनलाइन पद्धतीने नोंदवायला सुरुवात झाली आहे. या प्रयोगामुळे वर्गात प्रत्यक्षात किती विद्यार्थी उपस्थित असतात, याची माहिती उपलब्ध होत आहे. शिवाय, या उपक्रमामुळे राज्यातील शिक्षण क्षेत्रातील माहिती संकलन आणि विश्लेषण प्रक्रिया अधिक वेगवान, सुलभ होणार आहे, अशी माहिती शिक्षण विभागाकडून देण्यात आली आहे.
सद्यस्थितीत शालार्थ क्रमांक उपलब्ध शिक्षकांना ‘अटेंडन्स बॉट’द्वारे हजेरी नोंदवता येत आहे. विद्यार्थ्यांची हजेरी नोंदवताना शिक्षकांनी शाळेचा ‘युडायस’ क्रमांक आणि स्वत:च्या शालार्थ क्रमांकाचा वापर करावा, अशा सूचना देण्यात आल्या आहेत.
(वाचा : Board Exams 2024: दहावी आणि बारावी परीक्षा ‘या’ तारखेला; २०२४ च्या बोर्डाच्या परीक्षांचे अंतिम वेळापत्रक जाहीर)
पुण्यात विद्या समीक्षा केंद्र :
महाराष्ट्र प्राथमिक शिक्षण परिषदेतर्फे पुण्यात विद्या समीक्षा केंद्र (व्हीएसके) कार्यान्वित करण्यात आले आहे. विद्यार्थ्यांची उपस्थिती ऑनलाइन नोंदवण्यासाठी अटेन्डन्स बॉटच्या वापराचे प्रशिक्षण विभाग, तालुका, केंद्र स्तरावरील शिक्षकांना देण्यात आले आहे. महाराष्ट्र प्राथमिक शिक्षण परिषदेचे राज्य प्रकल्प संचालक प्रदीपकुमार डांगे यांनी विद्यार्थ्यांची उपस्थिती ऑनलाइन नोंदवण्याबाबतचे परिपत्रक प्रसिद्ध केले आहे. राज्यातील पहिली ते दहावीच्या विद्यार्थ्यांची उपस्थिती वर्गशिक्षकांनी ‘स्विफ्टचॅट’ मोबाइल अ‍ॅप गुगल प्ले स्टोअरवरून डाउनलोड करून त्यावरील ‘अटेंडन्स बॉट’द्वारे ऑनलाइन नोंदवणे आवश्यक आहे.
उपस्थितीची ऑनलाइन नोंदणी करण्यासाठी काही सूचना :
– शालार्थ क्रमांकासाठी वापरलेलाच मोबाइल क्रमांक वापरावा. मोबाइल क्रमांक बदलला असल्यास तो शालार्थ वेबसाइटवर अद्ययावत करणे गरजेचे आहे.
– सेवार्थ आणि इतर प्रणालीतील शिक्षकांना विद्यार्थ्यांची उपस्थिती ऑनलाइन नोंदवण्याबाबत स्वतंत्रपणे सूचना दिल्या जातील.
– दोन सत्रांत भरणाऱ्या शाळांसाठी सकाळी सात ते दुपारी बारा, तर इतर शाळांसाठी सकाळी दहा ते सायंकाळी पाच या वेळेत विद्यार्थी उपस्थितीची नोंद अटेडन्स बॉटवर करायची आहे.
– ऑनलाइन उपस्थिती नोंदवताना येतांना अडचणीही नोंदवता येणार आहे.
– एखाद्या शाळेतील तुकडी विनाअनुदानित असल्यास, त्या वर्गातील विद्यार्थ्यांची उपस्थिती त्याच शाळेतील अनुदानित शिक्षकांचा शालार्थ क्रमांक वापरून नोंदवावी
– चॅटबॉटद्वारे उपस्थिती नोंदवताना शालार्थ क्रमांकासाठी अडचणी आल्यास इतर शिक्षकांचा शालार्थ क्रमांक वापरून ऑनलाइन उपस्थिती नोंदवावी.
– विद्यार्थी उपस्थिती नोंदवताना अडचणी येत असल्यास शालार्थ, सरल, युडायस वेबसाइटमधील माहिती अद्ययावत करावी.
(वाचा : Board Exams Updates : दहावी-बारावीच्या बोर्डाच्या परीक्षेचा पॅटर्न बदलला; विद्यार्थ्यांना मोठा दिलासा)