Tej Police Times
मुंबई विद्यापीठात संशोधन स्पर्धेतील प्रतिभावंतांचा सन्मान; उद्योन्मुख क्षेत्रातल्या संशोधनासाठी स्टार्ट-अप आणि इन्क्युबेशन सेंटरची होणार मदत
Mumbai University Aavishkar A Research Competition : मुंबई विद्यापीठातील अविष्कार आणि अन्वेषण संशोधन महोत्सवातून समोर आलेल्या प्रतिभावंताना मदत तसेच अर्थसहाय्य केले जाणार आहे. विद्यापीठातल्या इन्क्युबेशन सेंटरच्या माध्यमातून विद्यार्थ्यांच्या या संशोधन प्रकल्पाना मूर्त रुप देण्यात येणार असल्याचे प्रतिपादन मुंबई विद्यापीठाचे कुलगुरू प्रा. रवींद्र कुलकर्णी यांनी केले. विद्यापीठात नव्याने स्थापन होत असलेल्या इंडस्ट्री रिलेशन सेलच्या माध्यमातून या संशोधन प्रकल्पांना इन्क्युबेशन सेंटरच्या ‘एमयु-आयडीया’च्या माध्यमातून स्टार्ट-अपमध्ये रुपांतर करण्यात येणार असल्याचेही कुलगुरु प्रा. रवींद्र कुलकर्णी यांनी सांगितले.
आविष्कार आणि अन्वेषण संशोधन महोत्सवात राज्य आणि राष्ट्रीय पातळीवर नावलौकीक केलेल्या प्रतिभावंताचा गुणगौरव सोहळा मुंबई विद्यापीठात नुकताच पार पडला यावेळी ते उपस्थितांशी संवाद साधत होते. सूक्ष्म, लघू आणि मध्यम श्रेणीतील अर्थात एमएसएमई क्षेत्रात रोजगारक्षमता वाढविण्यासाठी आणि या क्षेत्रातील गरजा लक्षात घेऊन विद्यापीठातील इंडस्ट्री रिलेशन सेल आणि युनिव्हर्सिटी रिलेशन सेल यांनी एकत्र येऊन उद्योन्मुख क्षेत्रातील संशोधनावर काम करावे असेही त्यांनी यावेळी सांगितले. या नवप्रतिभावंतांच्या नवकल्पकतेला, वैज्ञानिक दृष्टिकोनाला आणि संशोधनवृत्तीस चालना देण्यासाठी व यासाठी लागणारे सहाय्य विद्यापीठाच्या माध्यमातून केले जाणार असल्याचेही त्यांनी यावेळी सांगितले.
आविष्कार आणि अन्वेषण संशोधन महोत्सवात राज्य आणि राष्ट्रीय पातळीवर नावलौकीक केलेल्या प्रतिभावंताचा गुणगौरव सोहळा मुंबई विद्यापीठात नुकताच पार पडला यावेळी ते उपस्थितांशी संवाद साधत होते. सूक्ष्म, लघू आणि मध्यम श्रेणीतील अर्थात एमएसएमई क्षेत्रात रोजगारक्षमता वाढविण्यासाठी आणि या क्षेत्रातील गरजा लक्षात घेऊन विद्यापीठातील इंडस्ट्री रिलेशन सेल आणि युनिव्हर्सिटी रिलेशन सेल यांनी एकत्र येऊन उद्योन्मुख क्षेत्रातील संशोधनावर काम करावे असेही त्यांनी यावेळी सांगितले. या नवप्रतिभावंतांच्या नवकल्पकतेला, वैज्ञानिक दृष्टिकोनाला आणि संशोधनवृत्तीस चालना देण्यासाठी व यासाठी लागणारे सहाय्य विद्यापीठाच्या माध्यमातून केले जाणार असल्याचेही त्यांनी यावेळी सांगितले.
(वाचा : Mumbai University News: मुंबई विद्यापीठास वर्ग-१ विद्यापीठाचा दर्जा बहाल; यूजीसीकडून ग्रेडेड ऑटोनॉमीचा दर्जा प्रदान)
मुंबई विद्यापीठाच्या विद्यार्थी विकास विभागातर्फे १७ व्या आंतरमहाविद्यालयीन/ संस्थात्मक आणि विद्यापीठ विभागातील अविष्कार संशोधन स्पर्धेतील विजेत्यांचा सत्कार तथा १८ व्या आंतरमहाविद्यालयीन/ संस्थात्मक आणि विद्यापीठ विभागातील अविष्कार संशोधन उदघाटन सोहळा ०१ डिसेंबर २०२३ रोजी मुंबई विद्यापीठाच्या सर कावसजी जहांगीर दीक्षान्त सभागृहात आयोजित करण्यात आला होता. या संशोधन स्पर्धेच्या क्षेत्रीय स्तरावर २०३ महाविद्यालये/ विभागातील ५ हजार ५१४ विद्यार्थ्यांनी सहभाग घेतला होता. यामध्ये २ हजार १५६ संशोधन प्रकल्प सादर करण्यात आले होते. तर अंतिम स्तरासाठी १२३ महाविद्यालये/विभागातील ९८१ विद्यार्थ्यांच्या ३७७ संशोधन प्रकल्पांचे सादरीकरण करण्यात आले होते.
या सत्कार सोहळ्यात आविष्कार जिल्हानिहाय क्षेत्र समन्वयक, सह समन्वयक, संघ व्यवस्थापक, विशेतज्ज्ञ आणि विशेष कार्य अधिकारी यांचा सत्कार करण्यात आला. १५ व्या महाराष्ट्र राज्य आंतरविद्यापीठ आविष्कार संशोधन स्पर्धेमध्ये ७९ गुणांसह अंतिम विजेतेपद पटकावून प्रथम क्रमांक प्राप्त केलेल्या विजेत्यांचा कुलगुरू प्रा. रवींद्र कुलकर्णी यांच्या हस्ते सत्कार करण्यात आला. या आंतरविद्यापीठ आविष्कार संशोधन स्पर्धेमध्ये विद्यापीठाने नेत्रदिपक कामगिरी करून १२ सुवर्ण, ५ रौप्य आणि २ कांस्य पदकांची कमाई करत आविष्कार संशोधन स्पर्धेत सलग चौथ्या वर्षी विजय प्राप्त केला. तसेच पश्चिम विभागीय आंतरविद्यापीठीय संशोधन महोत्सवात (अन्वेषण ) तीन सुवर्ण, एक कांस्य आणि एक रौप्य पदक प्राप्त केलेल्या विजेत्यांचा सत्कार करण्यात आला. तसेच राष्ट्रीय अन्वेषण संशोधन स्पर्धेत सुवर्णपदके व समग्र सुवर्ण पटकावून अंतिम विजेतेपद पटकावलेल्या गुणवंताचाही सत्कार कुलगुरूंच्या हस्ते करण्यात आला.
विशेष म्हणजे या स्पर्धेसाठी मेंटॉर म्हणून अथक परिश्रम घेतलेल्या डॉ. शशिकुमार मेनन आणि डॉ. सुनिता शैलेजन यांचा विशेष गौरव करण्यात आला. आविष्कार संशोधन स्पर्धेमधील मानव्यविद्या, भाषा आणि कला; वाणिज्य व्यवस्थापन आणि विधी; मुलभूत शास्त्रे; शेती व पशू संवर्धन; अभियांत्रिकी आणि तंत्रज्ञान आणि वैद्यक शास्त्र व औषधशास्त्र या वर्गवारीतील विजेत्यांचा सत्काराबरोबर, क्षेत्रीय विजेतेपदांचा सत्कारही करण्यात आला. या सत्कार सोहळ्यात १७ व्या आंतरमहाविद्यालयीन/ संस्थात्मक आणि विद्यापीठ विभागातील अविष्कार संशोधन स्पर्धेतील विविध विभागातील सर्वोत्कृष्ट महाविद्यालयांना सन्मानित करण्यात आले. सर्वसाधारण उपविजेतेपदाचे चषक विभागून देण्यात आले. यामध्ये डॉ. भानूबेन नानावटी कॉलेज ऑफ फार्मसी विलेपार्ले आणि सीकेटी महाविद्यालय पनवेल यांचा सत्कार करण्यात आला. सर्वसाधारण विजेतेपद विवेकानंद एज्युकेशन सोसायटीचे कॉलेज ऑफ फार्मसी यांचा सत्कार करण्यात आला.
(वाचा : Mumbai University News: मुंबई विद्यापीठास सर्वोत्कृष्ट विद्यापीठाचा पुरस्कार जाहीर)