Tej Police Times
Vodafone Idea नं २०२३ वर्ष संपण्यापूर्वी कंपनीनं आपल्या कोट्यवधी युजर्सना खास भेट दिली आहे. Vi नं एक नवीन एंटरटेनमेंट प्लॅन सादर केला आहे. जर तुम्ही ओटीटी स्ट्रीमिंग करत असाल तर तुम्हाला हा प्लॅन खूप आवडेल. विशेष म्हणजे हा नवीन प्लॅन रेग्युलर प्लॅन प्रमाणे नाही. ह्यात ग्राहकांना कॉलिंग, डेटा आणि एसएमएसची सुविधा मिळत नाही. चला जाणून घेऊया ह्या प्लॅनबाबत संपूर्ण माहिती.
Vi नं आणला २०२ रुपयांचा नवीन रिचार्ज
वोडाफोन आयडियानं युजर्ससाठी २०२ रुपयांचा नवीन प्रीपेड प्लॅन सादर केला आहे. जर तुम्ही ओटीटी स्ट्रीमिंग करत असाल तर वोडाफोन आयडियाचा हा नवीन प्लॅन तुम्हाला खूप आवडेल. कारण प्लॅनमध्ये एकूण १३ ओटीटी अॅप्सचं फ्री सब्सक्रिप्शन मिळेल.
प्लॅनमध्ये एक महिन्याचे VI Movies & TV Pro सब्स्क्रिप्शन दिलं जात आहे. कंपनी ह्या प्लॅनमध्ये Disney+ Hotstar, Sony Liv व SunNXT सारखे अनेक लोकप्रिय प्लॅटफॉर्मचं सब्सक्रिप्शन देत आहे. वर सांगितल्याप्रमाणे हा एक एंटरटेनमेंट प्लॅन आहे. त्यामुळे ह्यात कॉलिंग किंवा डेटाची सुविधा दिली जात नाही. तुम्हाला कॉलिंगसाठी एक वेगळा रेग्युलर प्लॅन घ्यावा लागेल.
Vi चा हा प्लॅन Airtel आणि Jio च्या ओटीटी रिचार्जना टक्कर देण्यासाठी बाजारात आला आहे. Jio नं अलीकडेच ग्राहकांसाठी JioTV प्रीमियम सब्सक्रिप्शन केलं आहे तर एयरटेल अनेक महिन्यांपासून एयरटेल एक्सस्ट्रीम प्रीमियम प्लॅन सादर करत आहे. विआय युजर्सना ह्या रिचार्ज प्लॅनचा फायदा घेण्यासाठी अॅक्टिव्ह प्रीपेड किंवा पोस्टपेड मोबाइल प्लॅन असणे आवश्यक आहे की नाही, हे मात्र अद्याप स्पष्ट झालं नाही. परंतु वोडाफोन आयडियाच्या नवीन २०२ रुपयांच्या प्लॅननं रिचार्ज करण्यापूर्वी एखादा बेस अॅक्टिव्ह प्रीपेड प्लॅन ठेवावा, असा सल्ला दिला जात आहे.
२१९ रुपयांच्या प्लॅनमध्ये मिळेल कॉलिंग आणि डेटा
ह्या किंमतीच्या आसपास जर तुम्हाला एखादा कॉलिंग डेटा बेनेफिट्स असलेला प्लॅन हवा असेल तर तुम्ही विआयचा २१९ रुपयांचा प्लॅन घेऊ शकता. ह्या रिचार्ज प्लॅनमध्ये ग्राहकांना कंपनी २१ दिवसांची व्हॅलिडिटी मिळते. त्याचबरोबर ह्यात कोणत्या नेटवर्कवर फ्री कॉलिंगची सुविधा आणि दिवसाला १जीबी डेटा मिळतो. कंपनी ह्यात रोज १०० SMS देखील फ्री देत आहे.