Tej Police Times
सॅमसंगला टक्कर देण्यासाठी Xiaomi नं कंबर बांधली; जबरदस्त झूम कॅमेऱ्यासह नवीन हाय-एंड स्मार्टफोन
Xiaomi नं सध्या आपले हाय-एंड डिवाइस लाँच करण्यावर जास्त भर देत आहे. अलीकडेच चीनमध्ये फ्लॅगशिप Xiaomi 14 आणि Xiaomi 14 Pro लाँच केल्यानंतर कंपनीनं आपल्या Redmi ब्रँड ची प्रीमियम Redmi K70 सीरीज सादर केली होती. बातम्या आल्या आहेत की चिनी टेक कंपनी येत्या काळात Xiaomi 14 Ultra, Mi Mix 5 किंवा Mix Flip फोल्डेबल फोन लाँच करू शकते. आता चीन मधील प्रसिद्ध लीक्सटरनं दावा केला आहे की कंपनी एका नवीन डिव्हाइसवर काम करत आहे, ज्यात ३.२x ७५ mm पेरिस्कोप झूम कॅमेर्याच्या समावेश असेल.
चीनी सोशल मीडिया प्लॅटफॉर्म वीबोवर Digital Chat Station नं एका पोस्टमध्ये दावा केला आहे की Xiaomi आगामी 14 Ultra व्यतिरिक्त अजुन एका हाय-एंड स्मार्टफोनवर काम करत आहे, जो लवकरच लाँच केला जाऊ शकतो. पोस्टमध्ये लीक्सटरनं मॉडेलचे नाव किंवा त्या संबंधित इतर कोणतीही माहिती देण्यात आलेली नाही. पोस्टमध्ये दावा करण्यात आला आहे की कंपनी मॉडेल टेस्ट करत आहे, ज्यात ३.२x ७५ mm पेरिस्कोप झूम कॅमेरा मिळेल.
चीनी सोशल मीडिया प्लॅटफॉर्म वीबोवर Digital Chat Station नं एका पोस्टमध्ये दावा केला आहे की Xiaomi आगामी 14 Ultra व्यतिरिक्त अजुन एका हाय-एंड स्मार्टफोनवर काम करत आहे, जो लवकरच लाँच केला जाऊ शकतो. पोस्टमध्ये लीक्सटरनं मॉडेलचे नाव किंवा त्या संबंधित इतर कोणतीही माहिती देण्यात आलेली नाही. पोस्टमध्ये दावा करण्यात आला आहे की कंपनी मॉडेल टेस्ट करत आहे, ज्यात ३.२x ७५ mm पेरिस्कोप झूम कॅमेरा मिळेल.
टिप्सटरनं पोस्टमध्ये मॉडेलचे नाव सांगितले नाही परंतु पोस्टच्या कमेंट सेक्शनमध्ये एका युजरनं विचारलेल्या प्रश्नाला उत्तर देत टिप्सटरनं स्पष्ट केलं आहे की हा डिव्हाइस Xiaomi 14 Ultra नाही. हा Civi लाइनअपचा फोन असू शकतो जी फक्त चीनमध्ये उपलब्ध होते.
असं पण होऊ शकतं की हा कंपनीचा आगामी Mix 5 स्मार्टफोन असेल, ज्याचे फोटोज आणि मुख्य स्पेसिफिकेशन्स एप्रिलमध्ये ह्याच टिपस्टरनं लीक केले होते. लीकमध्ये स्मार्टफोनच्या जवळपास सर्व स्पेसिफिकेशन्सची माहिती देण्यात आली होती फक्त कॅमेर्याच्या उल्लेख करण्यात आला नव्हता.
हा अपकमिंग स्मार्टफोन Snapdragon 8 Gen 2 चिपसेट, १२ जीबी रॅम, २५६ जीबी इनबिल्ट स्टोरेज, ४,८२० एमएएचची बॅटरी आणि २०० वॉट अल्ट्रा फास्ट चार्जिंग सपोर्टसह येईल असं सांगण्यात आलं होतं. तसेच लीक करण्यात आलेल्या फोटो मध्ये फोनची फ्रंट डिजाइन दाखवण्यात आली होती, ज्यात फ्रंट कॅमेर्यासाठी कटआउट दिसला नाही, म्हणजे Mix 5 अंडर डिस्प्ले फ्रंट कॅमेऱ्यासह लाँच केला जाऊ शकतो.