Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Realme नं चीनी बाजारात दोन नवीन ५जी स्मार्टफोन्स Realme V50 आणि Realme V50s लाँच केले आहेत. ह्या दोन्ही हँडसेटची नावे जरी वेगळी असली तरी स्पेसिफिकेशन्स मात्र एकसारखे आहेत. फक्त एक महाग आणि एक स्वस्त आहे. विशेष म्हणजे हे स्मार्टफोन्स मोठ्या प्रमाणावर Realme 11x सारखे वाटतात, परंतु कॅमेरा आणि चार्जिंग स्पीड वेगळा आहे.
Realme V50 आणि V50s ची किंमत
चीनी बाजारात Realme V50 च्या ६जीबी/१२८जीबी स्टोरेज व्हेरिएंटची किंमत १,१९९ युआन (जवळपास १३,७५७ रुपये) आणि ८जीबी/२५६जीबी स्टोरेज व्हेरिएंटची किंमत १,३९९ युआन (जवळपास १६,२५९ रुपये) आहे. तर Realme V50s च्या ६जीबी/१२८जीबी स्टोरेज व्हेरिएंटची किंमत १,३९९ युआन (जवळपास १७,५१० रुपये) आणि ८जीबी/२५६जीबी स्टोरेज व्हेरिएंटची किंमत १,७९९ युआन (जवळपास २०,८४५ रुपये) आहे. हे स्मार्टफोन Purple Dawn आणि Midnight Black कलर ऑप्शनमध्ये उपलब्ध होतील.
Realme V50 आणि V50s चे स्पेसिफिकेशन्स
Realme V50 मध्ये ६.७२ इंचाचा फुल एचडी+ एलसीडी डिस्प्ले देण्यात आला आहे, जो पंच होल डिजाईन, २४०० x १०८० पिक्सल रिजोल्यूशन, १२० हर्ट्झ रिफ्रेश रेट आणि ६८० निट्स पर्यंत पीक ब्राइटनेस लेव्हलसह बाजारात आला आहे. हे स्मार्टफोन मीडियाटेक डायमेन्सिटी ६१०० प्लस चिपसेटसह आले आहेत. हे अँड्रॉइड १३ आधारित रियलमीयुआय ४.० वर चालतात. Realme V50 सीरीजमध्ये फ्लॅट फ्रेम डिजाइन आणि सर्क्युलर कॅमेरा मॉड्युल आहे. ह्यांची जाडी ७.८९mm आणि वजन १९० ग्राम आहे.
कॅमेरा सेटअप पाहता ह्या स्मार्टफोनच्या मागे १३ मेगापिक्सलचा प्रायमरी कॅमेरा आणि दुसऱ्या कॅमेऱ्याची माहिती मिळत नाही. तसेच फ्रंटला ८ मेगापिक्सलचा सेल्फी कॅमेरा देण्यात आला आहे. फोनमध्ये साइड माउंटेड फिंगरप्रिंट सेन्सर, ३.५मिमी हेडफोन जॅक, मायक्रोएसडी कार्ड स्लॉट आहे. हा फोन ५,०००एमएएचची बॅटरी आहे जी १० वॉट किंवा १८ वॉट चार्जिंगला सपोर्ट करते. विशेष म्हणजे Realme V50 आणि Realme V50s बऱ्याच अंशी रियलमी ११एक्स सारखे आहेत, ज्यात ६४ मेगापिक्सलचा प्रायमरी कॅमेरा आणि ३३वॉट फास्ट चार्जिंगचा सपोर्ट देण्यात आला आहे.