Tej Police Times
या उपायाने सुख समृद्धी लाभेल
ज्योतिषशास्त्रानुसार अक्षय नवमीच्या दिवशी आवळा वृक्षाची पूजा करण्याची परंपरा आहे. या दिवशी आवळ्याच्या झाडाला दूध अर्पण करावे आणि पूर्वेकडे तोंड करून ॐ धात्र्ये नमः या मंत्राचा जप करावा. असे केल्याने भगवान विष्णूचा विशेष आशीर्वाद प्राप्त होतो आणि कुटुंबात सुख-समृद्धी नांदते.
लक्ष्मी मातेची राहील कुटूंबावर कृपा
अक्षय्य नवमीच्या दिवशी आवळ्याच्या झाडाची कापूर आणि तुपाच्या दिव्याने आरती करून १०८ वेळा प्रदक्षिणा घालावी. यासोबतच आवळा वृक्षाखाली ब्राह्मण, गरीब, गरजू लोकांना अन्नदान करावे. स्वत: देखील आवळाच्या वृक्षाखाली बसून जेवावे. असे केल्याने देवी लक्ष्मीचा विशेष आशीर्वाद प्राप्त होतो आणि कुटुंबातील सदस्यांची प्रगतीही होते.
या दिशेला लावा आवळ्याचे झाड
अक्षय्य नवमीच्या दिवशी आवळा रोपाचे दान करणे खूप शुभ मानले जाते. यासोबतच घराच्या उत्तर दिशेला आवळ्याचे झाड लावावे. उत्तर दिशेला झाड लावणे शक्य नसेल तर ते पूर्व दिशेला लावावे. असे केल्याने वास्तू दोष दूर होतात आणि घरात सकारात्मक ऊर्जा येते, ज्यामुळे घरातील सर्व सदस्यांच्या समस्या दूर होतात.
धनधान्याची कमतरता भासत नाही
अक्षय नवमीच्या दिवशी व्रत ठेवणे अत्यंत शुभ मानले जाते. या दिवशी व्रत ठेवा आणि आवळा वृक्षाची पूजा करा आणि भगवान विष्णूला आवळा अर्पण करा. भोग अर्पण केल्यानंतर त्या आवळ्याचे सेवन करावे. असे केल्याने सर्व पापे नष्ट होतात आणि आरोग्यही प्राप्त होते. तसेच या दिवशी गरीब आणि गरजू लोकांना उबदार कपडे दान केल्याने घरात धन आणि धान्याची कमतरता भासत नाही.
या उपायाने अडचणी दूर होतील
अक्षय नवमीच्या दिवशी आवळ्याच्या झाडाची पूजा करून हनुमानास शेंदूर, वस्त्र आणि सुपारी अर्पण करा. यानंतर, प्रार्थना करा आणि सुंदरकांडचे पठण करा. असे केल्याने तुमचे सर्व त्रास दूर होतात आणि तुम्हाला सर्व समस्यांपासून आराम मिळतो. भगवान विष्णूसोबतच हनुमानाचाही आशीर्वादही प्राप्त होतो.
टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.