कार्तिक एकादशी २०२३: देवउठनी एकादशीला दुर्लभ योग, ‘या’ गोष्टी केल्याने होईल लक्ष्मी कृपा

हळदीचा उपाय

देवउठनी एकादशीच्या दिवशी सकाळी स्नान करण्यासाठी आंघोळीच्या पाण्यात थोडी हळद मिसळून नंतर स्नान करावे. आंघोळ केल्यावर पिवळे कपडे घाला. हा उपाय केल्याने तुम्हाला भगवान विष्णू तसेच देवी लक्ष्मीची कृपा प्राप्त होईल. तसेच ज्या लोकांचे लग्न झालेले नाही त्यांनी हे उपाय केल्यास त्यांच्या लग्नासाठी शुभ योग बनण्यास सुरुवात होईल.

धनवृद्धीसाठी उपाय

कार्तिकी एकादशीला भगवान विष्णूच्या शालीग्राम रूपाची पूजा केली जाते. यासोबतच तुळशीला लक्ष्मी स्वरूप देखील मानले जाते. या दिवशी शालिग्राम आणि तुळशीला दुधाने स्नान घालावे आणि असे करताना ॐ नमो भगवते वासुदेवाय मंत्राचा जप करत राहावे. या उपायाचे पालन केल्याने देवी लक्ष्मी तुमच्या घरात नेहमी वास करेल आणि कधीही पैशाची कमतरता भासणार नाही.

एकादशीला केशर दुधाचा उपाय

प्रबोधिनी एकादशीच्या रात्री पूजा खोलीत लक्ष्मीच्या मूर्तीसमोर केशर दुधात खडीसाखर मिसळून अर्पण करा. रात्रभर तिथेच राहू द्या आणि सकाळी घरातील सर्व सदस्यांमध्ये प्रसाद म्हणून वाटून घ्या. या उपायाचा अवलंब केल्यास तुमच्या कुटुंबातील सर्व सदस्यांची नोकरी आणि व्यवसायात प्रगती होईल आणि यशाच्या मार्गात येणारे अडथळे दूर होतील.

देवउठणी एकादशीला तुळशीचा उपाय

देवउठनी एकादशीला पूजेच्या वेळी तुळशीला तुपाचा दिवा लावावा आणि या दिव्यात कापसाच्या वातीऐवजी कलवेची वात वापरावी. कार्तिकी एकादशीपासून कार्तिक पौर्णिमेपर्यंत दररोज तुळशीच्या झाडाजवळ हा दिवा लावावा. हा उपाय केल्याने तुमच्या घरात सुख, समृद्धी आणि शांती वाढेल आणि देवी लक्ष्मीची कृपा तुमच्या घरात सदैव राहील.

एकादशीला या वस्तूंचे करा दान

देवउठणी एकादशीला ऊस, धान्य आणि फळे दान करणे अत्यंत शुभ मानले जाते. या गोष्टींचे दान केल्याने तुम्हाला पुण्य प्राप्त होते. याशिवाय या दिवशी शिंगाडे, रताळे आणि उबदार कपडे दान केल्याने सुख-समृद्धी मिळते आणि देवी लक्ष्मी तुमच्या घरात कायमचा निवास करते. याशिवाय एकादशीला या गोष्टींचे दान केल्याने तुम्हाला मृत्यूनंतर मोक्ष प्राप्ती होते.

टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.