मित्राकडे गुटख्याची मागणी; नकार दिल्याने उफाळला वाद, रक्तरंजीत शेवटानं परिसरात खळबळ

घटनेची माहिती मिळताच घटनास्थळी चंदनझीरा पोलीस ठाण्याचे पोलीस कर्मचाऱ्यांनी धाव घेतली. या मयत तरुणाला जिल्हा सामान्य रुग्णालयात शवविच्छेदन करण्याकरिता दाखल केले आहे. या घटनेतील आरोपींचा शोध घेण्यासाठी चंदनझीरा पोलीस ठाण्याचे दोन पथके तैनात करण्यात आली असून लवकरच आरोपीला अटक केली जाईल, अशी माहिती चंदनझीरा पोलीस ठाण्याकडून देण्यात आली आहे.

मात्र या झालेल्या घटनेमुळे परिसरातील नागरिकांमध्ये भीतीचे वातावरण पसरले आहे. जालन्यात सध्या लुटमारीच्या घटना तसेच खूनाच्या घटनांमध्ये वाढ झाली असून जालना जिल्ह्यातील कायदा व सुव्यवस्थेबाबत सर्वसामान्य नागरिकांमध्ये संभ्रम निर्माण झाला आहे. जिल्ह्यात विशेष करून जालना शहरात गुन्हेगारी वृत्तीने डोके वर काढले असून सर्वसामान्य नागरिकांना आता शहरात संचारण्यात सुद्धा भीती वाटत असल्याचे व्यापारी वर्ग तसेच प्रतिष्ठित नागरिकांच्या वतीने सांगण्यात येत आहे.