Tej Police Times
जुना स्टॉक संपवण्याची Samsung ला घाई; दोन शक्तिशाली स्मार्टफोन किंमत केली, १० हजारांची कपात आणि १० हजारांचा कॅशबॅक
Samsung Galaxy S24 series १७ जानेवारीला भारतात लाँच होईल. फ्लॅगशिप स्मार्टफोन्सच्या ही सॅमसंग सीरीज बाजारात येण्यापूर्वी कंपनीनं आपल्या जुन्या गॅलेक्सी एस२३ सीरीज स्मार्टफोन्सच्या किंमतीत मोठी कपात केली आहे. Samsung Galaxy S23 आणि Galaxy S23 Plus ची किंमत १०,००० रुपयांनी कमी झाली आहे. ह्या दोन्ही शक्तिशाली मोबाइल्सचे नवे दर तुम्ही पुढे पाहू शकता.
Samsung Galaxy S23 ची नवीन किंमत
गॅलेक्सी एस२३ चा ८जीबी रॅम व १२८जीबी स्टोरेज असलेला मॉडेल ७४,९९९ रुपयांच्या ऐवजी आता ६४,९९९ रुपयांमध्ये मिळेल, ज्यात १०,००० रुपयांची कपात करण्यात आली आहे. तर ८जीबी रॅम व २५६जीबी स्टोरेज मॉडेल १० हजारांच्या प्राइस कट नंतर ७९,९९९ रुपयांच्या ऐवजी ६९,९९९ रुपयांमध्ये खरेदी करता येईल.
Samsung Galaxy S23+ ची नवीन किंमत
८जीबी रॅम व २५६जीबी स्टोरेज असलेल्या गॅलेक्सी एस२३ प्लस मॉडेल १० हजारांच्या कपातीनंतर ९४,९९९ रुपयांच्या ऐवजी ८४,९९९ रुपयांमध्ये उपलब्ध झाला आहे. तर ८जीबी रॅम व ५१२जीबी स्टोरेज मॉडेलची किंमत ९४,९९९ रुपये झाली आहे जी १,०४,९९९ रुपये होती.
बँक ऑफर
ह्या प्राइस कट व्यतिरिक्त सॅमसंग ह्या दोन्ही स्मार्टफोन्सवर HDFC Bank ऑफर देखील देत आहे. ज्यामुळे गॅलेक्सी एस२४ वर ५,००० रुपयांचा कॅशबॅक दिला जात आहे तसेच कंपनी गॅलेक्सी एस२४ प्लस वर १०,००० रुपयांचा कॅशबॅक मिळत आहे. ह्या बँक ऑफरनंतर Galaxy S23 ची प्रारंभिक किंमत ५९,९९९ रुपये तर Galaxy S23+ ची इफेक्टिव प्राइस ७४,९९९ रुपये होईल.
Samsung Galaxy S23 आणि Galaxy S23+ चे स्पेसिफिकेशन्स
Samsung Galaxy S23 आणि Galaxy S23 Plus स्मार्टफोनचे स्पेसिफिकेशन्स जवळपास सारखेच आहेत. दोन्ही स्मार्टफोनमध्ये अंतर स्क्रीन साइज आणि बॅटरीचा फरक आहे. Samsung Galaxy S23 स्मार्टफोनमध्ये जहां ६.१ इंचाचा फुलएचडी+ डिस्प्ले मिळतो. तर Plus मध्ये ६.६ इंचाचा फुलएचडी+ डिस्प्ले देण्यात आला आहे. दोन्ही फोनमध्ये डायनॅमिक अॅमोलेड २एक्स डिस्प्ले मिळतो, ज्याचा रिफ्रेश रेट सुपर स्मूद १२०हर्ट्झ, टच सॅम्पलिंग रेट २४०हर्ट्झ आहे.
Samsung Galaxy S23 आणि Galaxy S23 Plus दोन्ही स्मार्टफोन क्वालकॉमच्या स्नॅपड्रॅगन ८ जेन २ चिपसेटवर चालतात. सॅमसंगचे दोन्ही स्मार्टफोन अँड्रॉइड १३ आधारित वनयुआय ५.१ वर चालतात. नेटवर्क कनेक्टिव्हिटीसाठी दोन्ही फोनमध्ये ५जी, एलटीई, वायफाय ६इ, वायफाय डायरेक्ट, ब्लूटूथ ५.३ चा सपोर्ट मिळतो.
सॅमसंगच्या ह्या दोन्ही फोनमध्ये ट्रिपल रियर कॅमेरा सेटअप मिळतो. फोनमध्ये १२एमपी अल्ट्रा वाइड कॅमेऱ्यासह, ५० एमपी वाइड कॅमेरा आणि १०एमपी टेलीफोटो कॅमेरा देण्यात आला आहे, जो ३एक्स ऑप्टिकल झूमला सपोर्ट करतो. त्याचबरोबर फोनमध्ये १२एमपीचा फ्रंट कॅमेरा मिळतो.
Samsung Galaxy S23 च्या ह्या फोनमध्ये प्लस व्हेरिएंटच्या तुलनेत छोटी बॅटरी मिळते. सॅमसंगच्या गॅलेक्सी एस२३ फोनमध्ये ३,९००एमएएचची बॅटरी आणि प्लस व्हेरिएंटमध्ये ४७००एमएएचची बॅटरी मिळते. दोन्ही फोन वायरलेस चार्जिंगसह येतात. त्याचबरोबर Galaxy S23 मध्ये २५वॉट फास्ट चार्ज आणि प्लस व्हेरिएंटमध्ये ४५ वॉट फास्ट चार्जचा सपोर्ट देण्यात आला आहे.