Tej Police Times
जर तुम्ही एक नवीन स्मार्टफोन खरेदी करू इच्छित असाल आणि तुमचं बजेट कमी असेल तर तुमच्यासाठी एक चांगली ऑफर चालून आली आहे. कारण Samsung Galaxy A05s स्मार्टफोनच्या किंमतीत २००० रुपयांची कपात करण्यात आली आहे. १२ ते १५ हजारांच्या बजेटमध्ये उपलब्ध असलेल्या Samsung Galaxy A05s स्मार्टफोनच्या दोन्ही व्हेरिएंटची किंमत २००० रुपयांपर्यंत कमी करण्यात आली आहे. ह्यापेक्षा कमी किंमतीत अनेक ५जी स्मार्टफोन उपलब्ध झाल्यामुळे कंपनीनं हा निर्णय घेतला असावा. चला जाणून घेऊया गॅलेक्सी ए०५एस ची नवीन किंमत.
किंमत आणि ऑफर्स
Samsung Galaxy A05s स्मार्टफोन गेल्यावर्षी नोव्हेंबरमध्ये लाँच करण्यात आला होता. फोन ४जीबी रॅम आणि ६जीबी रॅम ऑप्शनमध्ये येईल. फोनच्या ४जीबी रॅम व्हेरिएंटच्या किंमतीत १,००० रुपयांची कपात करण्यात आली आहे, तर ६जीबी रॅम व्हेरिएंटची किंमत २,००० रुपये आहे. त्यामुळे ४जीबी रॅम व्हेरिएंटची किंमत ११,४९९ रुपये होते, तर ६जीबी व्हेरिएंटची किंमत १२,९९९ रुपये होते. फोन लाइट ग्रीन आणि ब्लॅक कलर ऑप्शनमध्ये येतो.
Samsung Galaxy A05s चे स्पेसिफिकेशन्स
सॅमसंग गॅलेक्सी A05s स्मार्टफोनमध्ये ऑक्टा-कोर क्वॉलकॉम स्नॅपड्रॅगन ६८० चिपसेटचा सपोर्ट देण्यात आला आहे. फोनची स्टोरेज मेमरी कार्डच्या मदतीनं १टीबी पर्यंत वाढवता येईल. फोन अँड्रॉइड १३ ऑपरेटिंग सिस्टमवर चालतो.
ह्यात ट्रिपल रियर कॅमेरा सेटअप देण्यात आला आहे. ज्यात ५० मेगापिक्सलचा मुख्य कॅमेरा सेन्सर देण्यात आला आहे. सोबत २ मेगापिक्सलचा डेप्थ सेन्सर आणि २ मेगापिक्सलचा मॅक्रो कॅमेरा सेन्सर दिला जाईल. सेल्फी आणि व्हिडीओ कॉलिंगची जबाबदारी १३ मेगापिक्सलच्या सेल्फी शुटरवर आहे.
ह्यात ६.७ इंचाचा फुल एचडी प्लस डिस्प्ले देण्यात आला आहे. फोन १०८०x२४०० पिक्सल रेजोल्यूशनला सपोर्ट करतो. सॅमसंग गॅलेक्सी ए०५एस स्मार्टफोनमध्ये साइड-माउंटेड फिंगरप्रिंट सेन्सर सिक्योरिटी सांभाळतो. ह्यात चार्जिंगसाठी २५ वॉट चा सपोर्ट देण्यात आला आहे. तर ह्यात ५००० एमएएचची बॅटरी आहे.