टेक्निकल असिस्टंट पदासाठी अर्ज प्रक्रियेला आजपासून सुरुवात; ७ फेब्रुवारीपर्यंत करता येणार अर्ज, मिळणार लाखात पगार

CSIR-CBRI ने तांत्रिक सहाय्यकाच्या एकूण २४ जागांसाठी अर्ज मागवले आहेत.
अर्ज करण्याची शेवटची तारीख :

तांत्रिक सहाय्यक पदांसाठी अर्ज करण्याची शेवटची तारीख ७ फेब्रुवारी २०२४ आहे.

अर्ज फी :

सर्वसाधारण श्रेणीतील उमेदवारांसाठी अर्जाची फी १०० रुपये आहे. तर, SC, ST, CSIR कर्मचारी, माजी सैनिक आणि महिला उमेदवारांना अर्जाची फी भरावी लागणार नाही.

वयोमर्यादा :

तांत्रिक सहाय्यक पदांसाठी कमाल वयोमर्यादा २८ वर्षे निश्चित करण्यात आली आहे. वय शिथिलता आणि इतर तपशील जाणून घेण्यासाठी, उमेदवारांनी CBRI च्या अधिकृत वेबसाइटवर उपलब्ध असलेली अधिसूचना वाचावी.

आवश्यक पात्रता:

• उमेदवाराने इलेक्ट्रिकल इंजिनिअरिंग किंवा टेक्नॉलॉजीमध्ये किमान ६० टक्के गुणांसह डिप्लोमा केलेला असावा.
• उमेदवाराला २ वर्षांचा कामाचा अनुभव असावा.
• नोंदणी दरम्यान, अर्जदार विविध विभागांमधील रिक्त पदांसाठी देखील अर्ज करू शकतात.

लेखी परीक्षेच्या आधारे होणार निवड :

उमेदवारांची स्क्रिनिंग कमिटीकडून शिफारस केली जाईल आणि त्यांना ट्रेड टेस्ट द्यावी लागेल. यानंतर लेखी परीक्षा होईल, परीक्षेत तीन पेपर असतील. लेखी परीक्षेच्या आधारे अंतिम गुणवत्ता यादी तयार केली जाईल. तीन तास चालणाऱ्या या परीक्षेत OMR-आधारित वस्तुनिष्ठ प्रकारचा बहुपर्यायी पेपर असेल. पेपर I मध्ये कट ऑफ गुण मिळविणाऱ्या उमेदवारांसाठी पेपर II आणि III चे मूल्यमापन केले जाईल.

निवडलेल्या उमेदवाराला त्याच्या पात्रतेनुसार ३५,४०० रुपये ते १,१२,४०० रुपये पगार दिला जाईल .

असा करा अर्ज :

• सर्वप्रथम, अधिकृत वेबसाइट cbri.res.in वर जा.

• तुमची माहिती आणि इतर तपशील भरून नोंदणी करा.

• तुमचा नोंदणीकृत आयडी आणि पासवर्ड वापरून ऍप्लिकेशन ऍक्सेस करा.

• तुमची आवश्यक माहिती भरून अर्ज प्रक्रिया पूर्ण करा.

• यानंतर आवश्यक कागदपत्रे अपलोड करा.

• विहित अर्ज फी भरा.

• अर्ज सबमिट करा आणि अर्जाची प्रत डाउनलोड करून ठेवा.