लोकसभेपूर्वीच महायुतीत बेबनाव, अहिरराव यांचा भाजपात प्रवेश, अजितदादा गटाची ‘ही’ जागा धोक्यात?

शिवसेना आमदार अपात्रता प्रकरणाचा निकाल तोंडावर, राज्य मंत्रिमंडळ बैठकीत नऊ महत्त्वाचे निर्णय

उमेदवारीसाठी प्रवेश केला नसल्याचा दावा भाजपचे नेते करत असले तरी, अहिरराव यांची निवडणूक लढविण्याची इच्छा असून, त्यासाठी त्यांनी चार-पाच वर्षांपासून मतदारसंघात मतपेरणीही केलेली आहे. त्यामुळे त्यांच्या या प्रवेशाने या मतदारसंघात अजित पवार गट विरुद्ध भाजप असा संघर्ष उभा ठाकण्याची शक्यता अधिक आहे. भाजपमध्ये प्रवेश करणाऱ्यांना निवडणुकीत उमेदवारी देण्यासंदर्भात कुठलेही आश्वासन देण्यात आले नसल्याचे स्पष्टीकरण माजी पालकमंत्री गिरीश महाजन यांनी दिले आहे. तरीही या मतदारसंघात अहिरराव विरुद्ध अहिरे असा संघर्ष दिसणार आहे.

‘पश्चिम’मध्ये अधिक इच्छुक

सोनाली राजे पवार आणि काँग्रेसच्या माजी नगरसेविका अश्विनी बोरस्तेंच्या प्रवेशाने नाशिक पश्चिममधील विद्यमान आमदार सीमा हिरेंची धाकधूक वाढली आहे. गेल्या विधानसभा निवडणुकीतच सोनाली राजे पवार या पश्चिममधून इच्छुक होत्या. त्यांच्यासाठी खासदार छत्रपती उदयनराजे यांनीही फिल्डिंग लावली होती. त्यामुळे त्यांच्याकडून हिरेंसमोर आव्हान उभे केले जाण्याची शक्यता आहे. अश्विनी बोरस्ते यादेखील विधानसभेसाठी इच्छुक असल्याने या मतदारसंघात भाजपमध्ये इच्छुकांची संख्या वाढणार आहे.