Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
ओप्पोनं आज भारतीय बाजारात आपली नवीन आणि शक्तिशाली ‘रेनो ११’ सीरीज सादर केली आहे. ज्यात OPPO Reno 11 5G आणि OPPO Reno 11 Pro 5G ह्या दोन दमदार स्मार्टफोनचा समावेश करण्यात आला आहे. ह्या लेखात आपण सीरिजच्या प्रो मॉडेलची माहिती पाहणार आहोत.
OPPO Reno 11 Pro ची किंमत
OPPO Reno 11 Pro चे स्पेसिफिकेशन्स
ओप्पो रेनो ११ प्रो स्मार्टफोनमध्ये ६.७ इंचाचा फुलएचडी+ पंच होल कर्व्ह अ‍ॅमोलेड डिस्प्ले देण्यात आला आहे. जो २४१२ x १०८० पिक्सल रिजोल्यूशन, १२०हर्ट्झ रिफ्रेश रेट, २४०हर्ट्झ टच सॅम्पलिंग रेट आणि ९५०निट्स ब्राइटनेसला सपोर्ट करतो. Reno 11 Pro मध्ये इन-डिस्प्ले फिंगरप्रिंट सेन्सर देण्यात आला आहे.
फोनमध्ये मीडियाटेक डायमेन्सिटी ८२०० चिपसेटचा वापर करण्यात आला आहे. तसेच ग्राफिक्ससाठी ह्या ओप्पो मोबाइलमध्ये माली-जी६१० जीपीयू आहे. जोडीला १२जीबी रॅम आणि १२जीबी रॅम वर्चुअल रॅम मिळतो. अशाप्रकारे एकूण २४जीबी रॅमची ताकद मिळवता येते. हा मोबाइल फोन यूएफएस ३.१ २५६जीबी स्टोरेजला सपोर्ट करतो.
OPPO Reno 11 Pro फोटोग्राफीसाठी ट्रिपल रियर कॅमेऱ्याला सपोर्ट करतो. ज्यात ५० मेगापिक्सलची वाइड अँगल लेन्स, ३२ मेगापिक्सलची टेलीफोटो लेन्स आणि ८ मेगापिक्सलची अल्ट्रा वाइड अँगल लेन्स आहे. सेल्फी आणि व्हिडीओ कॉलिंगसाठी ३२ मेगापिक्सलचा फ्रंट कॅमेरा आहे.
हा फोन कलरओएस १४ वर चालतो जो अँड्रॉइड १४ वर आधारित आहे. पावर बॅकअपसाठी OPPO Reno 11 Pro स्मार्टफोन ४,६००एमएएच बॅटरीला सपोर्ट करतो. जी ८०वॉट फास्ट चार्जिंग टेक्नॉलॉजीला सपोर्ट करते.
OPPO Reno 11 Pro ची किंमत
ओप्पो रेनो ११ प्रो ५जी फोन ३९,९९९ रुपयांमध्ये लाँच झाला आहे. याची विक्री १८ जानेवारीपासून फ्लिपकार्ट, ओप्पो वेब साइटसह रिटेल स्टोर्सवरून सुरु होईल. फ्लिपकार्टवर SBI, ICICI, IDFC First Bank, Bank of Baroda आणि One Card नं खरेदी केल्यास ४,००० रुपयांचा कॅशबॅक मिळेल. तर ओप्पो मोबाइल युजर्सना जुना फोन एक्सचेंज केल्यावर ४,००० रुपयांचा Exchange + Loyalty Bonus दिला जाईल. Reno११ Pro 5G फोनच्या खरेदीवर २,९९९ रुपये एक्स्ट्रा देऊन OPPO Enco Air2 Pro देखील मिळवता येतील.