महाविकास आघाडी सोडली, पण दापोलीत ठाकरेंसोबत अजितदादा गटाची सत्ता कायम, कार्यकर्ते संभ्रमात

अयोध्या मंदिरात स्वतःची नव्हे, श्रीरामांची मूर्ती लावा, ठाकरेंचा मोदींना टोला, राष्ट्रपतींच्या हस्ते प्राणप्रतिष्ठेची मागणी
दोन वर्षांपूर्वी दापोली व मंडणगड नगरपंचायतीच्या सार्वत्रिक निवडणुका झाल्या. त्यावेळी शिवसेनेचे विद्यमान आमदार योगेश कदम यांना शह देण्यासाठी तत्कालीन पालकमंत्री अनिल परब यांनी पुढाकार घेत शिवसेना राष्ट्रवादीची आघाडी करून बाजी मारली होती. त्यावेळेला शिवसेना आघाडीच्या दोन जागा दापोलीत निवडून आल्या तर भाजपची एक जागा निवडून आली. उर्वरित १४ जागांवरती शिवसेना व राष्ट्रवादी आघाडीचा विजय झाला. यामध्ये आठ राष्ट्रवादी व शिवसेनेचे सहा असे नगरसेवक निवडून आले. त्यावेळेला नगराध्यक्ष शिवसेनेचा, राष्ट्रवादीचा उपनगराध्यक्ष अशी सत्ता स्थापन झाली. शिवसेनेच्या ठाकरे गटाच्या ममता मोरे या विद्यमान नगराध्यक्ष आहेत तर पदाचा उपनगराध्यक्षपदी अजित दादांच्या राष्ट्रवादीचे खालीद रखांगे आहेत.

मिलिंद देवरा सेनेच्या वाटेवर असल्याची चर्चा; उदय सामंत म्हणतात, जरुर या, मुंबईत शिवसेना वाढेल
महाराष्ट्राच्या राजकारणात वर्षभरापूर्वी पुन्हा एकदा झालेल्या राजकीय भूकंपानंतर दापोलीतील राष्ट्रवादीचा नगरपंचायतीमधील गट हा अजित दादांबरोबर व प्रदेशाध्यक्ष सुनील तटकरे यांच्याबरोबर गेला असला तरी प्रत्यक्षात सत्तेत मात्र हे सगळे नगरसेवक शिवसेनेच्या ठाकरे गटाबरोबर सत्तेत सहभागी आहेत. दापोली शहरात प्रवेश करतानाच दापोलीचे उपनगराध्यक्ष खालीद रखांगे यांचा सुनील तटकरे यांच्या बरोबरचा स्वागताचा बॅनरही आहे. त्यामुळे दापोली नगरपंचायतीमध्ये राष्ट्रवादीचे नगरसेवक व उपनगराध्यक्ष हे अजितदादा व तटकरे यांचे की राष्ट्रवादीच्या शरद पवारांचे असा प्रश्न उपस्थित झाला आहे.

नमो महिला सशक्तीकरण कार्यक्रमासाठी नारी शक्तीची पायपीट, उन्हाचा त्रास, जेवणाचीही गैरसोय
दापोलीच्या नगरपंचायतीच्या सत्तेत सहभागी असलेल्या अजित दादांचा राष्ट्रवादी गटातील पदाधिकारी यांच्यातील राजकीय वितुष्ट संपावं, त्यांनी एकत्रित काम करावं, यासाठी काही महिन्यांपूर्वी प्रदेशाध्यक्ष सुनील तटकरे यांनी मुंबई येथे एकत्रित बैठक घेतली होती मात्र या बैठकीचा फार कोणताही परिणाम न होता अद्यापही हा गट शिवसेनेच्या ठाकरे गटाबरोबर सहभागी असल्याने या सगळ्याला आशीर्वाद कोणाचा? असा प्रश्न उपस्थित झाला आहे.

मोदींच्या खांद्यावरुन शाल घसरली, शिंदेंनी अलगद सावरली, पंतप्रधानांची प्रतिक्रिया लाखमोलाची, पाहा व्हिडिओ

त्यामुळे १४ जानेवारी रोजी रत्नागिरी येथे या तीनही पक्षांच्या महायुतीच्या पदाधिकाऱ्यांचा मेळावा एकत्रित आहोत, याचा संदेश देण्यासाठी होत असला तरीही दापोली विधानसभा मतदारसंघातील या वातावरणामुळे कार्यकर्त्यांमध्ये मात्र संभ्रमाचे वातावरण आहे. दापोली नगरपंचायतीमध्ये शिवसेनेच्या उद्धव ठाकरे गटाबरोबर सत्तेत सहभागी असलेले राष्ट्रवादी नक्की कोणाची? असा प्रश्न कार्यकर्त्यांनाही पडला आहे.

Read Latest Maharashtra Updates And Marathi News