दीड लाखाच्या फोनला टक्कर देणाऱ्या OnePlus 12 ची किंमत झाली लीक; 12GB RAM साठी मोजाव्या लागतील ‘इतक्या’ नोटा

By tejpolicetimes On Jan 20, 2024

OnePlus 12 आणि OnePlus 12R २३ जानेवारी २०२४ ला भारतात लाँच होतील. या नवीन फ्लॅगशिप कीलर स्मार्टफोन्स बद्दल गेल्या काही दिवसांपासून अनेक लीक्स समोर आले आहेत. आता फोन बाजारात येण्यापूर्वी वनप्लस १२ ची किंमत देखील इंटरनेटवर लीक झाली आहे. शॉपिंग साइट अ‍ॅमेझॉनवर चुकून या मोबाइलची प्राइस लाइव्ह करण्यात आली जी तुम्ही पुढे वाचू शकता.

OnePlus 12 ची लीक भारतीय किंमत

ई-कॉमर्स साइट अ‍ॅमेझॉन कडून मोठी चूक झाली. वेबसाइटवर चुकून OnePlus 12 चं प्रोडक्ट पेज लाइव्ह झालं तसेच फोन लाँच होण्यापूर्वी याचे फोटो, स्पेसिफिकेशन्स तसेच किंमतीची माहिती सार्वजनिक झाली आहे. अ‍ॅमेझॉनवर OnePlus 12 12GB RAM + 256GB Storage ची किंमत ६९,९९९ रुपये दाखवण्यात आली होती. हा फोनचा Flowy Emerald कलर मॉडेल होता. ही चूक नंतर सुधारण्यात आली परंतु याआधीच टिपस्टर इशान अग्रवालनं त्याचा स्क्रीनशॉट घेऊन इंटरनेटवर शेयर केला.

OnePlus 12 चे स्पेसिफिकेशन्स

वनप्लस १२ ५जी फोन ६.८२ इंचाच्या २के डिस्प्लेला सपोर्ट करतो. ही स्क्रीन ओएलईडी पॅनलवर बनली आहे जी इन-डिस्प्ले फिंगरप्रिंट सेन्सरसह १२०हर्ट्झ रिफ्रेश रेट सोबत २१६०हर्ट्झ पीडब्ल्यूएम डिमिंग आणि ४५००निट्स ब्राइटनेसला सपोर्ट करते. हा मोबाइल फोन अँड्रॉइड १४ ओएसवर लाँच झाला आहे. प्रोसेसिंगसाठी ह्यात क्वॉलकॉमचा सर्वात पावरफुल मोबाइल चिपसेट स्नॅपड्रॅगन ८ जेन ३ देण्यात आला आहे जो ३.३गीगाहर्ट्झ पर्यंतच्या क्लॉक स्पीडवर चालू शकतो. चीनमध्ये हा स्मार्टफोन २४जीबी रॅमसह लाँच करण्यात आला आहे सोबत १टीबी स्टोरेज आहे.

हा फोन ट्रिपल रियर कॅमेऱ्याला सपोर्ट करतो. ह्यात OIS सह ५० एमपी सोनी एलवायटी-८०८ प्रायमरी कॅमेरा, ४८ एमपी सोनी आयएमएक्स५८१ अल्ट्रावाइड लेन्स आणि ३एक्स पेरिस्कोप झूम लेन्ससह ६४ एमपी ओम्नीव्हिजन ओव्ही६४बी सेन्सर देण्यात आला आहे. OnePlus 12 मध्ये सेल्फी आणि व्हिडीओ कॉलिंगसाठी ३२ मेगापिक्सलचा फ्रंट कॅमेरा देण्यात आला आहे. पावर बॅकअपसाठी फोनमध्ये ५,४००एमएएचची बॅटरी आहे. तसेच ही मोठी बॅटरी वेगाने चार्ज करण्यासाठी फोनमध्ये १००वॉट फास्ट चार्जिंग आणि तसेच ५०वॉट वायरलेस चार्जिंग देखील मिळते.

Source link