Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मुंबई– हृतिक रोशन आणि दीपिका पादुकोण यांच्या ‘फाइटर’ या चित्रपटाने बॉलिवूडची या वर्षीची दमदार सुरुवात केली आहे. सिद्धार्थ आनंद दिग्दर्शित या चित्रपटाचे प्रेक्षकांकडून खूप कौतुक होत आहे. गेल्या वर्षी २५ जानेवारीला सिद्धार्थ आनंदचा ‘पठाण’ हा सिनेमा बॉक्स ऑफिसवर रिलीज झालेला. ज्यात शाहरुख खान प्रमुख भूमिकेत होता. यावर्षी २५ जानेवारीला प्रजासत्ताक दिनी ‘फायटर’ रिलीज झाला, या सिनेमालाही प्रेक्षकांचे भरभरून प्रेम मिळाले. मात्र ‘पठाण’ सारखी ओपनिंग आणि कमाई झालेली नाही.
‘फाइटर’ने २२.५ कोटींची ओपनिंग करून दमदार सुरुवात केली. शुक्रवारी म्हणजेच दुसऱ्या दिवशी या सिनेमाने ४० कोटींहून थोडी कमी ३९.५ कोटींची कमाई केली. यानंतर, शनिवार आणि रविवारी त्याची कमाई कमी झाली, परंतु सुरुवातीच्या तुलनेत चांगली होती. sacnilk च्या मते, चित्रपटाने शनिवारी २७.५ कोटी रुपये कमावले होते, तर रविवारी २८.५० कोटी रुपये कमावले.
देशभरातील कमाई १०० कोटी ओलांडले
यासोबतच या चित्रपटाने देशभरात १०० कोटींच्या कमाईचा टप्पा ओलांडला आहे. ‘फाइटर’ने एकूण ४ दिवसांत ११८.०० कोटींची कमाई केली आहे. जगभरातील कलेक्शनबद्दल बोलायचे झाले तर ‘फाइटर’ने जवळपास १८० कोटींची कमाई केली आहे. या चित्रपटाने अवघ्या तीन दिवसांत १५० कोटींहून अधिक कमाई केली होती.
‘झलक दिखला जा’ ची १५ तास रिहर्सल करणं पडलं भारी, अभिनेत्री रुग्णालयात भरती
हृतिक रोशन आणि दीपिका पादुकोण व्यतिरिक्त या चित्रपटात अनिल कपूर, करण सिंह ग्रोवर, अक्षय ओबेरॉय आणि ऋषभ साहनी यांसारखे तगडे कलाकार आहेत. मुख्य स्टार कास्टची जबरदस्त केमिस्ट्री आणि उत्कृष्ट एरियल ॲक्शन सीन्समुळे हा चित्रपट लोकांची मनं जिंकण्यात यशस्वी झाला आहे. हा चित्रपट देशभरातील सुमारे ४३०० स्क्रीन्सवर प्रदर्शित झाला.