Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
गेले अनेक दिवस चर्चेत राहिल्यानंतर रियलमी आज १२ प्रो सीरीज भारतीय बाजारात सादर झाली आहे. ज्यात realme 12 Pro 5G आणि realme 12 Pro+ 5G या मिड बजेट फोन्सचा समावेश करण्यात आला आहे. इथे आपण प्रो मॉडेलची माहिती पाहणार आहोत, जो स्नॅपड्रॅगन ६ जेन १ चिपसेट, ५० मेगापिक्सल ट्रिपल रियर कॅमेरा सेटअप, ५०००एमएएच बॅटरी, ६७वॉट फास्ट चार्जिंग, २५६ जीबी स्टोरेज, ८जीबी रॅम सारख्या स्पेसिफिकेशनसह आला आहे. चला, जाणून घेऊया डिवाइसचे फीचर्स आणि किंमत.
realme 12 Pro 5G चे स्पेसिफिकेशन्स
रियलमी १२ प्रो 5G मध्ये ६.७-इंचाचा OLED डिस्प्ले देण्यात आला आहे. जो १२०हर्ट्झ रिफ्रेश रेट कर्व्ड व्हिजन स्क्रीन, २४१२ x १०८० फुलएचडी+ रिजॉल्यूशन, १.०७ बिलियन कलर, १००% पी३ कलर गमट, २४०हर्ट्झ टच सॅम्पलिंग रेट, ८०० निट्स मॅक्सिमम ब्राइटनेस आणि २१६० Hz PWM डिम्मिंगला सपोर्ट करतो.
realme 12 Pro 5G मध्ये Qualcomm Snapdragon 6 Gen 1 प्रोसेसर आहे. त्याचबरोबर एड्रेनो जीपीयू आहे. फोनमध्ये ८जीबी पर्यंत रॅम व २५६जीबी पर्यंत स्टोरेजचा समावेश करण्यात आला आहे. डिव्हाइसमध्ये युजर्सना ८जीबी डायनॅमिक रॅमचा सपोर्ट देखील मिळतो. ऑपरेटिंग सिस्टम पाहता हा डिव्हाइस लेटेस्ट अँड्रॉइड १४ आधारित रियलमी युआय ५.० वर चालतो.
कॅमेरा फीचर्स पाहता हा डिव्हाइस ट्रिपल रियर कॅमेरा सेटअपसह आला आहे. ज्यात ५० मेगापिक्सलचा मुख्य कॅमेरा, ८ मेगापिक्सलची अल्ट्रा वाइड अँगल लेन्स आणि ३२ मेगापिक्सलचा टेलीफोटो कॅमेरा आहे. तसेच, सेल्फी आणि व्हिडीओ कॉलिंगसाठी युजर्सना १६ मेगापिक्सलचा सेन्सर मिळतो.
डिव्हाइसमध्ये ५०००mAh ची मोठी बॅटरी देण्यात आली आहे. जी चार्ज करण्यासाठी ६७ वॉट सुपरवूक चार्जिंगचा सपोर्ट मिळतो. realme 12 Pro 5G मध्ये हाय रेज ड्युअल स्पिकर, डॉल्बी अ‍ॅटमॉसला सपोर्टसह देण्यात आले आहेत. सुरक्षेसाठी इन डिस्प्ले फिंगरप्रिंट सेन्सर मिळतो. तर ड्युअल सिम 5G, वाय-फाय आणि ब्लूटूथ सारखे कनेक्टिव्हिटी फीचर्सही आहेत.
realme 12 Pro 5G ची किंमत
रियलमी १२ प्रो ५जी स्मार्टफोनचे दोन स्टोरेज ऑप्शन बाजारात आले आहेत. ८जीबी रॅम व १२८ जीबी व्हेरिएंटची किंमत २५,९९९ रुपये ठेवण्यात आली आहे. तर ८जीबी रॅम व २५६ जीबी स्टोरेज २६,९९९ रुपयांमध्ये खरेदी करता येईल. हा फोन ६ फेब्रुवारीपासून realme.com, फ्लिपकार्ट आणि रिटेल स्टोर्सवरून विकत घेता येईल.