पीक विमा देण्यास कृषी विभागाकडून टाळाटाळ, शेतकरी संतापले, ठाकरे गट आक्रमक, खुर्च्यांची मोडतोड

शंभुराज देसाईंच्या मुलाच्या लग्नात अजितदादा-जयंत पाटील आमनेसामने, पण साधा रामरामही नाही
मात्र, पीक पाहणी अहवालानंतर परत कंपनीने ५० टक्के नुकसानीच्या अटीवर भरपाईसाठी तयारी दर्शवली. कृषी विभाग यांच्याकडून ५९ टक्के नुकसानी पोटी १७१ कोटी भरपाई देण्याची मागणी करण्यात आली. यामध्ये जिल्हाधिकारी यांनी मध्यस्थी केली यात ५४ टक्के नुकसान भरपाई देण्याचे कंपनीला सांगितले होते. परंतु कृषी विभागाने यामध्ये हलगर्जीपणा करत या प्रकरणांमध्ये तडजोड केली नाही. परिणामी उडीद, मूग, सोयाबीन या तीनही पिकांमध्ये हिंगोली जिल्ह्यातील उत्पादकता सर्वसाधारण असल्याचा निर्वाळा देत पिक विमा फेटाळला गेला.

शेतकऱ्यांना केंद्र सरकार व राज्य सरकार यांनी एक रुपयात पीक विमा योजना अमलात आणली आणि शेतकऱ्यांनी मोठ्या प्रमाणावर पिक विमा भरला होता. शेतकऱ्यांना विमा मिळणार यामुळे शेतकऱ्यांच्या आशा पल्लवीत झालेल्या होत्या. यात शेतकऱ्यांना मोठा आर्थिक फटका देखील बसला. जिल्ह्यातील लोकप्रतिनिधी यांनी देखील उदासीनता दाखवली. एकीकडे शेतकऱ्यांनी पीकविमा मिळावा यासाठी आंदोलनाचा सपाटा लावला आहे. सेनगाव तालुक्यातील तपोवन परिसरातील शेतकऱ्यांनी तर ”रक्त घ्या आणि आम्हाला जगण्यासाठी अन्नधान्य द्या”, काही शेतकऱ्यांनी लिव्हर, डोळे, किडनी शरीरातील अवयव विक्री काढले आहे.

विमा कंपनीने आमचा आम्हाला परतावा द्यावा, अशी मागणी शेतकरी करत आहेत. आमदार – खासदार लोकप्रतिनिधी याकडे बघत नाहीत. यावर ठोस भूमिका घेतली जात नाही आणि केवळ जिल्हाधिकारी, कृषी विभाग यांच्याकडे सर्व जबाबदारी दिली असताना कृषी विभागाने देखील शेतकऱ्यांच्या वेदना जाणून न घेता कुठलाही प्रयत्न न करता शेतकऱ्यांच्या या योजनेवर पाणी फिरवले आहे.

यामुळे उबाठा शिवसेना गटाने आक्रमक होत शेतकऱ्यांच्या झालेल्या नुकसानीने आक्रमक होत रोष व्यक्त करत सरकारचा तीव्र विरोध व्यक्त करत जिल्हा कृषी अधिकारी यांच्या दालनात जाऊन त्यांची खुर्ची उलटी करत निषेध आंदोलन करण्यात आले. तर तात्काळ यामध्ये लक्ष घालून शेतकऱ्यांना पीक विमा मिळावा यासाठी जिल्हाधिकारी यांना निवेदन देण्यात आले आहे. यावेळी उबाठा शिवसेना गटाचे शिवसेना जिल्हाप्रमुख संदेश देशमुख, माजी आमदार संतोष टारफे, गोपू पाटील आदी कार्यकर्ते मोठ्या संख्येने यामध्ये सहभागी झाले होते.

पुण्यात गर्लफ्रेण्डला गोळ्या घातल्या, मग हॉटेल रुमचं दार बंद करुन शांतपणे निघाला, भयंकर घटनेचं सीसीटीव्ही फुटेज