Tej Police Times
Acer नं भारतात Swift Go 14 लॅपटॉप Intel च्या नवीन AI कोर अल्ट्रा प्रोसेसरसह लाँच केला आहे. हा प्रोसेसर न्यूरल प्रोसेसिंग यूनिट (NPU) सह येतो. हा Intel Evo Edition प्लॅटफॉर्म मॉडेल आहे. तैवानच्या या कंपनीनं यात फास्ट चार्जिंगसह इतर काही सुधारणा केल्या आहेत. गेल्यावर्षीच्या शेवटी हा लॅपटॉप काही वेगळी स्पेसिफिकेशन्ससह अमेरिकेत सादर करण्यात आला होता.
Acer Swift Go 14 ची किंमत
Acer Swift Go 14 (SFG14-72T) प्युअर सिल्व्हर शेड मध्ये उपलब्ध झाला आहे. याच्या Intel Core Ultra 5 CPU व्हेरिएंटची किंमत ८४,९९० रुपये आणि Core Ultra 7 व्हेरिएंटची किंमत ९९,९९० रुपये आहे. हा लॅपटॉप फक्त Flipkart च्या माध्यमातून विकत घेता येईल.
Acer Swift Go 14 चे फीचर्स
या लॅपटॉपमध्ये १४ इंचाची WUXGA (१,९२० x १२,००० पिक्सल) IPS LED टचस्क्रीन मिळते. जी १६:१० अस्पेक्स्ट रेशीओ, ९० हर्ट्झ रिफ्रेश रेट आणि ४०० निट्स पीक ब्राइटनेसला सपोर्ट करते. एसर स्विफ्ट गो १४ चे वजन १.३२ किलोग्रॅम आहे, तर डायमेन्शन ३१२.९९मिमी x २१७.९मिमी x १४.९मिमी असे आहेत.
हा Intel Core Ultra 5 125H आणि Intel Core Ultra 7 155H या दोन प्रोसेसरसह उपलब्ध आहे. त्याचबरोबर Intel Arc GPU देण्यात आला आहे. जोडीला 16GB LPDDR5X RAM आणि 1TB PCIe 4.0 NVMe SSD स्टोरेज आहे. Intel च्या नवीन Core Ultra प्रोसेसर इंटीग्रेटेड AI इंजिन देण्यात आलं आहे. हा लॅपटॉप जुन्या मॉडेलच्या तुलनेत ४७ जास्त चांगली परफॉर्मन्स देतो असा दावा कंपनीनं केला आहे.
अपडेटेड Acer Swift Go 14 मध्ये 1440p QHD वेबकॅम Acer च्या PurifiedVoice टेक्नॉलॉजीसह आला आहे. हा Wi-Fi आणि Intel Bluetooth LE Audio कनेक्टिव्हिटीला सपोर्ट करोत. यात थ्री सेल ६५ वॉट आवरसिह बॅटरी देण्यात आली आहे. जी १२.५ तासांपर्यंत चालते. हा लॅपटॉप USB Type-C पोर्टच्या माध्यमातून १०० वॉट चार्जिंगला सपोर्ट करतो.