वनप्लसच्या सर्वात स्वस्त फ्लॅगशिप फोनवर ५ हजारांचे इअरबड्स मोफत; आजपासून सुरु झाली विक्री

By tejpolicetimes On Feb 6, 2024

OnePlus नं काही दिवसांपूर्वी भारतीय बाजारात फ्लॅगशिप फीचर्स असलेला एक नवीन स्मार्टफोन OnePlus 12R लाँच केला होता. आज म्हणजे ६ फेब्रुवारीपासून वनप्लस १२ ची विक्री दुपारी १२ वाजल्यापासून कंपनीच्या वेबसाइट आणि Amazon वर सुरु होईल. OnePlus 12R वर कंपनी एक चांगली ऑफर देखील देत आहे/ हा हँडसेट खरेदी करणाऱ्या ग्राहकांना फोनसह ४,९९९ रुपयांचे OnePlus Buds Z2 फ्री दिले जातील. चला जाणून घेऊया फोनची किंमत आणि या डिव्हाइसचे फीचर्स.

OnePlus 12R Price in India

या नव्या वनप्लस मोबाइल फोनचे दोन व्हेरिएंट्स बाजारात आले आहेत, ज्यात ८ जीबी रॅम व १२८ जीबी स्टोरेज आणि १६ जीबी रॅमसह २५६ जीबी स्टोरेजचा समावेश आहे. ८ जीबी व्हेरिएंटची किंमत ३९,९९९ रुपये आणि १६ जीबी व्हेरिएंटची किंमत ४५,९९९ रुपये ठेवण्यात आली आहे. हा फोन तुम्ही ब्लू आणि आयरन ग्रे रंगात विकत घेऊ शकता.

OnePlus 12R Offers

या फोनची खरेदी करताना आयसीआयसीआय बँक आणि वनकार्डचा वापर केल्यास बिल पेमेंटवर १ हजार रुपयांचा इंस्टंट बँक डिस्काउंट मिळेल. तसेच ग्राहकांच्या सुविधेसाठी ६ महिने बिनव्याजी ईएमआयचा ऑप्शन देखली मिळेल.

OnePlus 12R Specifications

फोनमध्ये ६.७ इंचाचा AMOLED डिस्प्ले देण्यात आला आहे. जो १.५ के रिजॉल्यूशन आणि १२० हर्ट्झ रिफ्रेश रेटला सपोर्ट करतो. स्पीड आणि मल्टीटास्किंगसाठी या हँडसेट मध्ये स्नॅपड्रॅगन ८ जेनरेशन २ चिपसेटचा वापर करण्यात आला आहे, जो गतवर्षीचा फ्लॅगशिप प्रोसेसर आहे. फोनमध्ये ५०००एमएएचची बॅटरी देण्यात आली आहे जी १०० वॉट सुपरवूक फास्ट चार्जला सपोर्ट करते.

फोटोग्राफीसाठी ट्रिपल रियर कॅमेरा सेटअप मिळतो. फोनच्या मागच्या बाजूला ५० मेगापिक्सलचा प्रायमरी सोनी आयएमएक्स८९० कॅमेरा सेन्सर देण्यात आला आहे, सोबत ८ मेगापिक्सलचा अल्ट्रा-वाइड कॅमेरा आणि २ मेगापिक्सलचा मॅक्रो कॅमेरा सेन्सर देण्यात आला आहे. फोनच्या फ्रंटला सेल्फी आणि व्हिडीओ कॉलिंगसाठी १६ मेगापिक्सलचा कॅमेरा मिळतो.

Source link