Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
HP Spectre x360 लॅपटॉप भारतात लाँच झाले आहेत. कंपनीनं यात १४ इंच आणि १६ इंचाचे लॅपटॉप लाँच केले आहेत. हे लॅपटॉप कंपनीनं CES 2024 दरम्यान सादर केले आहेत. आता फायनली हे भारतात लाँच करण्यात आले आहेत. स्पेसिफिकेशन पाहता ही सीरीज २ इन १ फॉर्म फॅक्टरमध्ये येते. दोन्ही लॅपटॉपमध्ये २.८के ओएलईडी डिस्प्ले मिळतो, ज्याचा रिफ्रेश रेट १२०हर्ट्झ आहे. त्याचबरोबर यात अनेक AI फीचर्स देण्यात आले आहेत. तसेच हा Intel Core Ultra 7 प्रोसेसरसह आल, जोडीला RTX 4050 GPU देण्यात आला आहे. व्हिडीओ कॉन्फ्रेंसिंगसाठी यात ९एमपीचा वेबकॅम देण्यात आला आहे. चला जाणून घेऊया लॅपटॉपची किंमत, स्पेसिफिकेशन आणि उपलब्धता.
HP Spectre x360 16 आणि HP Spectre x360 14 ची किंमत
HP Spectre x360 14 इंच मॉडेलची किंमत १,६४,९९९ रुपये आहे. तसेच, १६ इंच लॅपटॉपची किंमत १,७९,९९९ रुपये आहे. १६ इंच मॉडेल Nightfall Black कलर ऑप्शनमध्ये येतो. तसेच, १६ इंच मॉडेलमध्ये Nightfall Black आणि Slate Blue कलर ऑप्शन मिळतात.
HP Spectre x360 16, HP Spectre x360 14 specifications
HP Spectre x360 लॅपटॉप Windows 11 Home वर चालतो. वर सांगितल्याप्रमाणे हा दोन स्क्रीन साइजसह सादर करण्यात आला आहे, ज्यात १४ इंच आणि १६ इंचाच्या मॉडेलचा समावेश आहे. हा २.८के रिजोल्यूशन असलेला OLED डिस्प्ले आहेत, ज्याचा रिफ्रेश रेट १२० हर्ट्झ आहे. विशेष म्हणजे या डिस्प्लेमध्ये तुम्हाला टचला सपोर्ट देखील मिळेल.
त्याचबरोबर हे २ इन १ लॅपटॉप आहेत, जे तुम्ही टॅब प्रमाणे देखील वापरू शकता. तसेच हे लॅपटॉप Intel Core Ultra 7 प्रोसेसरसह आले आहेत, जोडीला ग्राफिक्ससाठी Nvidia GeForce RTX 4050 देण्यात आला आहे. यात १६जीबी आणि ३२जीबी रॅम व ५१२जीबी, १टीबी, २टीबी NVMe स्टोरेज मिळते.
चिपसेटमध्ये AI फीचर्ससाठी NPU देण्यात आला आहे. या लॅपटॉपमध्ये अनेक शानदार एआय सिक्योरिटी फीचर्स मिळतात, ज्यात वॉक-अवे लॉक, वेक-अप आणि प्रायव्हसी अलर्ट सारखे फीचर्स मिळतात. व्हिडीओ कॉलिंगसाठी या लॅपटॉपमध्ये ९एमपीचा वेबकॅम देण्यात आला आहे, ज्याच्या माध्यमातून तुम्ही हाय क्वॉलिटी व्हिडीओ कॉल करू शकता.
लॅपटॉपमध्ये ६८Wh बॅटरी देण्यात आली आहे, जी १००W फास्ट चार्जिंगचा सपोर्ट मिळतो. चार्जिंगसाठी यात USB Type-C चार्जिंगचा सपोर्ट आहे. कनेक्टिव्हिटीसाठी यात यूएसबी ए पोर्ट, २ थंडरबोल्ड, एचडीएमआय २.१ आणि ऑडियो जॅक मिळतात.