एक नव्हे दोन-दोन डिस्प्ले असलेला Lenovo Yoga Book 9 लॅपटॉप लाँच! जाणून घ्या किंमत आणि स्पेसिफिकेशन्स

Lenovo नं Yoga Book 9 (13IMU) लाँच केला आहे, ज्यात दोन डिस्प्ले मिळतात. या टॅबलेटमध्ये मुख्य डिस्प्लेसह कीबोर्डच्या जागी डिस्प्ले आहे. लॅपटॉप Intel Core Ultra 7 155H CPU सह येतो. यात 16GB LPDDR5x रॅम आणि बिल्ट-इन SSD मिळते. लॅपटॉपमध्ये Windows 11 Home ऑपरेटिंग सिस्टम मिळते. चला जाणून घेऊया या अनोख्या लॅपटॉपबाबत.

Lenovo Yoga Book 9 ची किंमत

Lenovo नं Yoga Book 9 चं सपोर्ट पेज लाइव्ह केलं आहे. परंतु हा लॅपटॉप अधिकृतपणे कधी सेलसाठी उपलब्ध होईल, याबाबत कंपनीनं माहिती दिली नाही. तसेच किंमतीचा खुलासा देखील करण्यात आलेला नाही. परंतु मीडिया रिपोर्ट नुसार, हा एका जर्मन ई-स्टोरवर प्री-ऑर्डरसाठी उपलब्ध आहे. वेबसाइटवर Yoga Book 9 ची किंमत २,४९९ यूरो (सुमारे २.२३ लाख रुपये) दाखवण्यात आली आहे. तसेच हा ७ मार्च पासून विकत घेता येईल, असं सांगण्यात आलं आहे.

Lenovo Yoga Book 9 चे स्पेसिफिकेशन्स

स्पेसिफिकेशन्स पाहता, नोटबुक दोन स्क्रीनसह आला आहे. यातील प्रत्येकाचा आकार १३.३-इंच आणि रिजॉल्यूशन २,८८० x १,८८० पिक्सल आहे. दोन्ही डिस्प्ले टचस्क्रीन आहेत आणि दावा करण्यात आला आहे की DCI-P3 कलरला सपोर्ट करतात. यांची पीक ब्राइटनेस ४०० नीट्स आणि रिफ्रेश रेट ६०हर्ट्झ आहे.

त्याचबरोबर एक इनपुट पेन देखील मिळतो, जो मुख्य डिस्प्लेच्या साइड फ्रेमवर अडकवता येतो. लॅपटॉप Intel Core Ultra 7 155Hसह येतो, सोबत एक डेडिकेटेड ग्राफिक्स कार्ड मिळतो. साइबरपोर्टवर लिस्ट करण्यात आलेल्या व्हेरिएंटमध्ये 16GB रॅम आहे, जी LPDDR5x मेमरी आहे. यात 1TB ची बिल्ट-इन SSD मिळते आणि हा Windows 11 Home सह लिस्ट करण्यात आला आहे.

या मॉडेलचा वजन १.३ किलोग्राम आहे आणि जाडी १६मिमी आहे. यात ८० वॉट आवरची बॅटरी आहे आणि हा ६५वॉट पावर अ‍ॅडेप्टरसह यूएसबी टाइप सीच्या माध्यमातून चार्ज केला जाऊ शकतो. यात Thundebolt 4 ला सपोर्टसह एकूण तीन यूएसबी टाइप सी पोर्ट आहेत, म्हणजे Yoga Book 9 अनेक एक्सटर्नल स्क्रीन सह देखील वापरता येईल.
लॅपटॉपमध्ये ५-मेगापिक्सेल रिजॉल्यूशन असलेला एक वेबकॅम देण्यात आला आहे. एकूण चार स्टीरियो स्पिकर आहेत आणि वायफाय ८०२.११एएक्स आणि ब्लूटूथ ५.३ चा सपोर्ट देखील मिळतो.