Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
आजचे राशिभविष्य, 18 फेब्रुवारी 2024 : या राशींना विरोधकांचा त्रास, तुमचा रविवार कसा असणार? जाणून घ्या राशिभविष्य
Aajche Rashibhavishya 18 February 2024 : आज रविवार, चंद्राचे संक्रमण वृषभ राशीत होणार आहे. आजचा दिवस वृषभ राशीसाठी धावपळीचा दिवस, कर्क राशीने चुकांमधून शिकायला हवे. मिथुन राशीने लांबचा प्रवास टाळावा तर तुळ राशीच्या व्यक्तींसाठी प्रवासाचा योग आहे. मकर आणि कुंभ राशीला विरोधकांचा त्रास पण काळजी करू नका, उपाय आहेत त्यावर खास ! रविवारी तुमच्या राशीत काय लिहिले आहे. सुटीचा आनंद घेता येणार? प्रवास होणार की पाहुणे येणार? ताणतणाव वाढणार की घरात सुखसमाधान द्विगुणीत होणार? कसा आहे तुमचा रविवार? मेष ते मीन राशीच्या सर्व 12 राशींसाठी रविवार कसा आहे. जाणून घ्या ज्योतिषी चिराग दारूवाला यांच्याकडून.
मेष – रखडलेले काम पूर्ण होईल
मेष राशीच्या लोकांसाठी आजचा दिवस चांगला असेल, पण कोणत्याही कामात एखाद्या अनोळखी व्यक्तीवर विश्वास ठेवू नका, नाहीतर तो तुम्हाला फसवू शकतो. तुम्ही कुटुंबीयांसोबत एखाद्या धार्मिक कार्यक्रमात सहभागी व्हाल. नातेवाईकांचे संपूर्ण सहकार्य मिळेल. कोणी व्यक्ती तुम्हाला फसवू शकतो पण तुम्हाला त्याची चाल समजण्याची गरज आहे. बऱ्याच दिवसांपासून रखडलेले तुमचे एखादे काम आज पूर्ण होण्याची शक्यता आहे.
आज भाग्य ८४ टक्के तुमच्या सोबत असेल. संकटनाशक गणेश स्तोत्राचे रोज पठण करा.
वृषभ – धावपळीचा दिवस
वृषभ राशीच्या लोकांचा आजचा दिवस फार धावपळीचा असणार आहे. तुम्ही तुमच्या आर्थिक परिस्थितीमुळे काळजीत असाल. ही परिस्थिती सुधारण्यासाठी तुम्ही काही प्रयत्न कराल, नाहीतर ही एक कायदेशीर बाब बनू शकते. तुमचा एखादा मित्र गोड बोलून तुम्हाला एखादी गुंतवणूक करण्यासाठी सांगू शकतो पण त्याच या बोलण्याला बळी पडून अशी गुंतवणूक करू नका. कामाच्या ठिकाणी तुमची एखादी चूक समोर येऊ शकते ज्यामुळे तुमची बढती थांबवली जाऊ शकते.
आज भाग्य ७१ टक्के तुमच्या सोबत असेल. रोज रात्री उरलेली पोळी काळ्या कुत्र्याला खाऊ घाला.
मिथुन – तूर्तास लांबचा प्रवास टाळा
मिथुन राशीच्या लोकांना आजचा दिवस चांगल्या संपत्तीचे संकेत देत आहे. मालमत्ता खरेदी करण्याची इच्छा पूर्ण करा. जर तुम्ही लांबच्या एखाद्या प्रवासाला जाण्याचा प्लान करत असाल तर तो तूर्तास काही काळासाठी लांबणीवर टाका जर तुम्ही कुटुंबातील कोणाला काही सल्ला दिला तर ते तुमचं नक्की ऐकतील. तुमच्या कार्यक्षेत्रात पदोन्नती मिळण्याची शक्यता दिसत आहे. बऱ्याच काळानंतर एखाद्या जुन्या मित्राशी गाठभेट होईल. विवाहात येणारे अडथळे दूर होतील. नोकरी शोधणाऱ्या लोकांना चांगली संधी मिळेल.
आज भाग्य ६९ टक्के तुमच्या सोबत असेल. भगवान श्रीकृष्णाची पूजा करा.
कर्क – पूर्वीच्या चुकांमधून शिका
कर्क राशीच्या लोकांसाठी भागीदारीत एखादा व्यवसाय करणे तुमच्यासाठी चांगले राहील. जोडीदाराचे एखादे काम तुमच्यासाठी डोकेदुखी ठरेल. तुम्ही सहलीला जाण्याचा प्लान आखण्याची शक्यता आहे. तुम्हाला पूर्वीच्या चुकांमधून काही शिकावे लागेल. कामाच्या ठिकाणी सुरू असलेल्या समस्यांकडे दुर्लक्ष करू नका. तुमची गाडी अचानक खराब झाल्याने तुमचा खर्च वाढू शकतो. बँकिग क्षेत्राशी संबंधित लोक बचतीच्या योजनांवर लक्ष केंद्रित करतील. कोणाकडून पैसे उधार घेण्यापासून स्वत:ला दूर ठेवा.
आज भाग्य ८० टक्के तुमच्या सोबत असेल. योगसाधना आणि प्राणायाम करा.
सिंह – पैसे उधार घेऊ नका
सिंह राशीची मंडळी आज तीर्थयात्रेवर जाण्याची शक्यता आहे. कुटुंबात एखादे लग्न, नामकरण संस्कार होण्याची शक्यता आहे. तुम्ही तुमच्या मित्रांजवळ तुमच्या मनातील इच्छा बोलून त्यावर चर्चा कराल. कोणत्याही कायदेशीर बाबीवर तुम्हाला सावधान राहण्याची गरज आहे. कोणतेही वाहन कोणाकडे मागून चालवणे तुमच्यासाठी योग्य नाही. नाहीतर अपघात होण्याची शक्यता आहे. तुम्हाला कोणाकडून पैसे उधार घेण्यापासून स्वत:ला रोखले पाहिजे नाही तर ते पैसे चुकते करणे तुम्हाला कठीण जाईल. तुमच्या मुलांची संगत कोणासोबत आहे यावर जरा लक्ष ठेवा. नाहीतर ते एखाद्या चुकीच्या कामाकडे वळू शकतात.
आज भाग्य ७९ टक्के तुमच्या सोबत असाल. माता पार्वती किंवा उमेची पूजा करा.
कन्या – पैशांची तजवीज करावी लागेल
कन्या राशीच्या लोकांसाठी आजचा दिवस सामान्य राहणार आहे. तुम्हाला तुमच्या तब्बेतीच्या तक्रारींकडे दुर्लक्ष करून चालणार नाही. तुमच्या सामाजिक कामांवर पूर्ण लक्ष द्या नाहीतर समस्या निर्माण होतील. तुमच्या एखाद्या नातेवाईकासाठी तुम्हाला आज पैशांची तजवीज करावी लागू शकते. जर तुम्हाला एखाद्याची मदत करण्याची संधी मिळाली तर ती संधी नक्की घ्या. या सोबतच तुम्हाला तुमच्या कामावर सुद्धा लक्ष द्यावं लागेल. नाहीतर तुमच्या कामात उशीर होईल. आज तुम्हाला एखादी महत्वाची सूचना मिळू शकेल.
आज भाग्य ७७ टक्के तुमच्या सोबत असेल. बह्गावन विष्णूचे १०८ वेळा नामस्मरण करा.
तूळ – प्रवासाला निघावे लागेल
तूळ राशीच्या लोकांना आजचा दिवस समस्यांनी ग्रासलेला असेल. एखाद्या खास कामासाठी तुम्हाला प्रवास करावा लागू शकतो. नवे काम सुरू करणार असाल तर तुम्हाला सावध राहावे लागेल आणि तब्बेतीची काळजी घ्यावी लागेल नाहीतर त्रासाला सामोरे जावे लागेल. एखाद्या कामासाठी अचानक प्रवासाला निघावे लागेल. भावंडांसोबत एखादा वाद सुरू असेल तर त्यावर तोडगा निघेल. मुलांकडून एखादी शुभ वार्ता समजेल.
आज भाग्य ६१ टक्के तुमच्या सोबत असेल. ब्राम्हणाला दान करा.
वृश्चिक – भागीदारीत काम करू नका
वृश्चिक राशीच्या लोकांसाठी आजचा दिवस आनंदाचा असणार आहे. तुम्ही एखाद्या शुभ मंगल कार्यात सहभागी व्हाल. भागीदारीत कोणतेही काम तुम्ही करू नका नाही तर समस्या निर्माण होतील. विद्यार्थ्यांना मानसिक ओझ्यापासून मुक्ती मिळेल असं दिसत आहे. कुटुंबातील एखाद्या सदस्याच्या तब्बेतीत काही घसरण झाली होती तर आता त्यांची तब्बेत बरी होताना दिसेल. प्रवासात तुम्हाला एखादी महत्वाची सूचना मिळेल. तुमचा एखादा मित्र गुंतवणुकीविषयी तुमच्याशी बोलेल.
आज भाग्य ६४ टक्के तुमच्या सोबत असेल. भुकेलेल्यास खाऊ घाला.
धनू – रखडलेले काम पूर्ण होईल
धनू राशीच्या लोकांना आजचा दिवस संमिश्र राहणार आहे. सामाजिक क्षेत्रात काम करणाऱ्या लोकांची प्रतिमा आणखी चांगली होतील. व्यवसाय करणारे लोक एखादा नवी योजना आखण्याची शक्यता आहे. आईवडिलांच्या आशीर्वादाने तुमचे एखादे रखडलेले काम पूर्ण होण्याची शक्यता आहे. तुम्ही तुमच्या मुलासाठी नवी गाडी घेण्याची शक्यता आहे. जर तुमच्या आणि तुमच्या जोडीदारामध्ये काही विसंवाद झाला असेल तर आज तो दूर होईल. जर तुम्ही एखादे कर्ज घेतले असेल तर ते तुम्ही बऱ्यापैकी फेडू शकण्यात यशस्वी व्हाल. शेअर बाजारात गुंतवणूक करणे तुमच्यासाठी योग्य राहील.
आज भाग्य ६१ टक्के तुमच्या सोबत असेल. गणपतीला लाडवाचे नैवेद्य अर्पण करा.
मकर – विरोधाकांमुळे त्रास होऊ शकतो
मकर राशीच्या लोकांनी आज कोणतीही जोखीम उचलण्याचा निर्णय घेतला तर त्यामुळे नुकसान होऊ शकते त्यामुळे आजचा दिवस थोडा नाजूक राहणार आहे. विद्यार्थी एखाद्या नव्या संशोधनात भाग घेऊ शकतील. तुम्हाला एखाद्या कामासाठी जवळच्या प्रवासाला निघावे लागेल. तुम्हाला तुमच्या काही विरोधाकांमुळे त्रास होऊ शकतो, जे तुमचे मित्र तर असतील पण शत्रू सुद्धा असतील. आज लहान मुलांसोबत काही वेळ मौजमजेत घालवाल ज्यामुळे तुमच्या काही चिंता कमी होतील.
आज भाग्य ८९ टक्के तुमच्या सोबत असेल. चंदनाचा टिळा लावा.
कुंभ – विरोधक त्रास देईल
सामाजिक कार्य करणाऱ्या कुंभ राशीच्या लोकांना आजचा दिवस चांगला राहणार आहे. तुम्हाला तुमची प्रतिमा शाबूत ठेवण्यासाठी कोणत्याही कामात हलगर्जीपणा केली नाहीत तरच तुम्हाला लोकांचे समर्थन मिळेल. जर तुम्ही एखाद्या लांबच्या प्रवासाला जाणार असाल तर तुम्हाला सावधता बाळगावी लागेल, नाहीतर काही त्रास होऊ शकतो. कुटुंबातील एखाद्या व्यक्तीची तब्बेत अचानक बिघडल्याने धावपळ करावी लागेल. तुमचा एखादा विरोधक तुम्हाला त्रास देऊ शकतो ज्याला तुम्ही तुमच्या चातुर्याने सहजगत्या गप्प करू शकता.
आज भाग्य ९९ टक्के तुमच्या सोबत असेल. पांढऱ्या रेश्मी वस्त्राचे दान करा.
मीन – नवे काम सुरू कराल
मीन राशीच्या लोकांना आजचा दिवस संमिश्र परिणाम देणारा ठरेल. जर तुम्ही तुमच्या व्यवसायात काही बदल करू इच्छिता तर ते तुम्ही करू शकता. एखादे नवे काम सुरू करणे तुमच्यासाठी योग्य राहील. तुमचे मन पूजापाठ आणि अध्यात्मिक कार्याकडे वळेल ज्यामुळे तुम्हाला प्रसन्न वाटेल. विद्यार्थी अभ्यासासोबत एखाद्या स्पर्धेत सहभागी होतील ज्यामुळे त्यांची अभ्यासातील आवडही वाढेल. जर तुम्ही एखादी गुंतवणूक खूप विचारपूर्वक सुद्धा केली तरी त्यात आज नुकसान होऊ शकते.
आज भाग्य ९२ टक्के तुमच्या सोबत असेल. शनिदेवाचे दर्शन घ्या आणि तेल अर्पण करा.
अनिता किंदळेकर यांच्याविषयी
