आवाज बदलून करता येईल कॉल; Unix च्या वायरलेस नेकबँडमध्ये ४५० तासांच्या बॅटरी बॅकअपसह भन्नाट फिचर

Unix या मोबाइल अ‍ॅक्सेसरीज ब्रँडनं आपला नवीन नेकबँड UX-2000 Retro लाँच केला आहे, यात म्युजिक प्रेमींसाठीसाठी जबरदस्त डिजाइन देण्यात आली आहे. याची खासियत म्हणजे यात तुमच्या मुड आणि स्टाइलला मॅच करण्यासाठी कस्टमायजेबल व्हॉइस व्हॉइस फिचर मिळतं, ज्यामुळे UX-2000 Retro नेकबँड वापरणारे युजर्स लहान मुल, कार्टून कॅरेक्टर किंवा म्हाताऱ्या व्यक्तीच्या आवाजात देखील बोलू शकतात. यामुळे रोजच्या आयुष्यातील संवादाला एक मजेशीर ट्विस्ट मिळतो.

Unix UX-2000 Retro किंमत

विशेष म्हणजे या नेकबँडची किंमत फक्त ९९९ रुपये ठेवण्यात आली आहे. सोबत कंपनी एक वर्षाची वॉरंटी देखील देत आहे. हा नेकबँड सध्या रिटेल आऊटलेट्ससह फ्लिपकार्ट व अ‍ॅमेझॉन सारख्या लोकप्रिय ई-कॉमर्स प्लॅटफॉर्मवर विकला जाईल.

Unix UX-2000 Retro चे फीचर्स

UX-2000 Retro मध्ये ४५० तास प्ले टाइम मिळेल असा दावा कंपनीनं केला आहे. तर क्विक चार्जिंग फिचर मुळे तुम्हाला जास्त वेळ तुमच्या आवडीच्या म्युजिकपासून लांब राहावं लागणार नाही. त्याचबरोबर यात १०००एमएएचची बॅटरी देण्यात आली आहे, त्यामुळे मोठा बॅटरी बॅकअप सहज मिळतो.

त्यामुळे बिनदिक्कत म्युजिक कॉल्स इत्यादींचा आनंद घेता येईल. जास्त प्रवास करणाऱ्या युजर्सना या बॅटरी बॅकअपचा सर्वाधिक फायदा होईल. या नेकबँडमध्ये अ‍ॅडव्हान्स एन्व्हायरमेंटल नॉइज कॅन्सलेशन (ENC) टेक्नॉलॉजी देण्यात आली आहे, त्यामुळे कॉल आणि म्युजिक प्लेबॅकच्या वेळी आजूबाजूला गोंधळ असला तरी क्रिस्टल क्लियर साउंड क्वॉलिटी मिळते. तसेच यातील मॅग्नेटिक ऑन/ऑफ फिचरच्या मदतीनं तुम्हाला हवं तेव्हा हे सहज ऑन होतात.

कनेक्टव्हिटीसाठी यात ब्लूटूथ ५.३ चा समावेश करण्यात आला आहे, ज्यामुळे स्थिर आणि सहज कनेक्टिव्हिटी मिळते. हे युजर्सचा कम्फर्ट आणि ड्युरेबिलिटीचा विचार करून डिजाइन करण्यात आले आहेत. Unix UX-2000 Retro मध्ये स्वेट प्रूफ आणि चांगली फिटिंग असलेली डिजाइन देण्यात आली आहे, त्यामुळे अ‍ॅक्टिव्ह लाइफस्टाइल असलेल्या युजर्ससाठी हे बेस्ट ठरतात.

अलीकडेच UNIX नं UX-W200 इअरबड्स भारतीय बाजारात आणले होते. हे कंपनीचे फ्लॅगशिप TWS इअरबड्स आहेत. जे परवडणाऱ्या किमतीत स्टायलिश डिझाईनसह सादर करण्यात आले आहेत. नवीन UX-W200 इयरबड्सची भारतीय बाजारपेठेत किंमत फक्त 999 रुपये आहे आणि हे Gen-Z चा विचार करून डिझाइन करण्यात आले आहेत. हे इअरबड्स काळ्या, पांढऱ्या, जांभळ्या आणि गुलाबी रंगात येतील.