इको फायबर लेदर असलेला भारतातील पहिला फोन लाँच; कमी किंमतीत ८जीबी रॅमची पावर

Vivo नं गेल्यावर्षी ऑक्टोबर २०२३ मध्ये Snapdragon 4 Gen 1 चिपसह Vivo Y200 5G सादर केला होता. तसेच, आता कंपनीनं नवीन स्नॅपड्रॅगन ४ जेन २ चिप ऑनबोर्डसह Vivo Y200e 5G बाजारात आणला आहे. याची प्रारंभिक किंमत १९,९९९ रुपये आहे. विशेष म्हणजे Vivo नं अलीकडेच असं देखील सांगितलं आहे की Vivo Y200e भारतातील पहिला स्मार्टफोन असेल ज्यात मागे इको-फायबर लेदर फिनिश आणि १२०हर्ट्झ अ‍ॅमोलेड डिस्प्ले असेल. चला जाणून घेऊया या फोनची किंमत आणि स्पेसिफिकेशन्सची माहिती.

Vivo Y200e 5G ची किंमत

Vivo Y200e 5G दोन ऑप्शनमध्ये येतो, ज्यात ६जीबी रॅमसह १२८जीबी स्टोरेज आणि ८जीबी रॅमसह १२८जीबी स्टोरेज आहे. दोन्ही व्हेरिएंटची किंमत अनुक्रमे १९,९९९ रुपये आणि २०,९९९ रुपये आहे. हे दोन कलरमध्ये येतात, ज्यात ब्लॅक डायमंड आणि सॅफ्रन ऑरेंजचा समावेश आहे. Y200e 5G आता भारतात विवो इंडिया वेबसाइट, फ्लिपकार्ट आणि ऑफलाइन स्टोर्सच्या माध्यमातून प्री-ऑर्डरसाठी उपलब्ध आहे. हा २७ फेब्रुवारीपासून खरेदीसाठी उपलब्ध होईल.
हे देखील वाचा:
Vivo नं लाँच केला 12GB RAM, 120W फास्ट चार्जिंग असलेला फोन Vivo Y100t 5G, जाणून घ्या माहिती

Vivo Y200e 5G चे स्पेसिफिकेशन्स

Vivo Y200e 5G मध्ये ६.६७ इंचाचा सॅमसंग E4 AMOLED डिस्प्ले आहे, जो सेंट्रली पोजिशन पंच-होलसह आहे. हा एफएचडी+ रिजोल्यूशन, १२०हर्ट्झ रिफ्रेश रेट, ३९४पीपीआय पिक्सल डेंसिटी, १२०० निट्स पीक ब्राइटनेस आणि एक इन-स्क्रीन फिंगरप्रिंट स्कॅनरसह येतो. यात कंपनीनं ड्युअल स्पिकरचा समावेश केला आहे. डिव्हाइसच्या बॅक पॅनलवर ५० मेगापिक्सलचा मुख्य कॅमेरा, २ मेगापिक्सलचा बोकेह लेन्स, एक फ्लिकर सेन्सर आणि एक एलईडी फ्लॅश आहे. तसेच, Vivo Y200e 5G मध्ये १६-मेगापिक्सलचा फ्रंट-फेसिंग कॅमेरा देण्यात आला आहे.

स्नॅपड्रॅगन ४ जेन २ वर चालणार हा डिवाइस ८ जीबी पर्यंत एलपीडीडीआर४एक्स रॅम, ८ जीबी पर्यंत व्हर्च्युअल रॅम आणि १२८ जीबी यूएफएस २.२ स्टोरेजसह येतो. फोनमध्ये ५,०००एमएएचची बॅटरी आहे जी ४४वॉट फास्ट चार्जिंगला सपोर्ट करते. डिवाइस अँड्रॉइड १४ वर आधारित फनटच ओएस १४ सह प्रीलोडेड येतो. डिवाइस ड्युअल सिम, ५जी, वाय-फाय ८०२.११एसी, ब्लूटूथ ५.०, जीपीएस आणि एक यूएसबी-सी पोर्ट सारखे ऑप्शन देतो. यात आयपी५४-रेटेड डस्टप्रूफ आणि वॉटर-रेसिस्टेंट चेसिस आहे