Tej Police Times
मुंबई– यामी गौतम आणि प्रियामणी यांचा चित्रपट ‘आर्टिकल ३७०’ अखेर शुक्रवारी, २३ फेब्रुवारी रोजी थिएटरमध्ये प्रदर्शित झाला. या सिनेमाला प्रेक्षक आणि समीक्षकांकडून प्रचंड प्रेम मिळत आहे. रिलीज झाल्यानंतर या चित्रपटाने आतापर्यंत १० कोटींहून अधिक कमाई केली आहे. सिनेमाने रिलीजच्या दुसऱ्या दिवशी भारतीय बॉक्स ऑफिसवर ७.५ कोटींची कमाई केली. तर पहिल्या दिवशी या चित्रपटाने ५.९ कोटींची कमाई केली होती. बॉक्स ऑफिसवर विद्युत जामवालचा ‘क्रॅक’ यामी गौतमच्या चित्रपटाशी सामना करत आहे. पण या सिनेमाला हवेतसे यश मिळत नाहीये. चित्रपटाने दुसऱ्या दिवशी २.७५ कोटींची कमाई केली आहे.
Sacnilk.com च्या अहवालानुसार, आर्टिकल ३७० च्या बॉक्स ऑफिस कलेक्शनमध्ये २७.१२% वाढ झाली आहे. हा सिनेमा यामीचा नवरा आदित्य धरनेच दिग्दर्शित केला असून सकाळच्या शोमध्ये ११.९५% ची प्रेक्षकांची गर्दी पाहायला मिळाली. तर दुपारच्या आणि संध्याकाळच्या शोमध्ये २२.३२ आणि २७.६४ टक्के प्रेक्षकांची उपस्थिती पाहायला मिळाली. नाईट शोला ४४.३९% प्रेक्षक सिनेमा पाहायला गेलेले. या चित्रपटाने चेन्नई, पुणे, बेंगळुरू आणि मुंबई येथे सर्वाधिक कलेक्शन केले. आता सिनेमाचे एकूण कलेक्शन १३.५६ कोटींवर पोहोचले आहे.
‘आर्टिकल ३७०’ ची कथा आणि कास्ट
आदित्य धर यांचा ‘आर्टिकल ३६०’ हा सिनेमा सत्य घटनांवर आधारित आहे. या सिनेमात प्रेक्षकांना राजकीय कारस्थान, राष्ट्रीय सुरक्षा आणि थरकाप उडवणारे अक्शन सीन्स पाहायला मिळतात. यामीशिवाय या चित्रपटात प्रियामणी, अरुण गोविल आणि मराठमोळा अभिनेता वैभव तत्ववादी यांच्याही भूमिका आहेत.
एकही हिट सिनेमा नसूनही इंडस्ट्रीतील सर्वात महागडी अभिनेत्री आहे उर्वशी, एका मिनिटाची फी माहित आहे?
‘क्रॅक’ चे बॉक्स ऑफिस कलेक्शन
विद्युत जामवालच्या ॲक्शनने भरपूर अशा क्रॅक या बॉलिवूड चित्रपटाला रिलीजच्या दुसऱ्या दिवशी बॉक्स ऑफिसवर मंदी सहन करावी लागत आहे. रिलीजच्या २ दिवसांत चित्रपटाने ७ कोटी रुपये कमावले. या चित्रपटाने ४.२५ कोटींच्या कलेक्शनने ओपनिंग केले, तर रिलीजच्या दुसऱ्या दिवशी २.७५ कोटींची कमाई करण्यात यश आले. सिनेमाची एकूण कमाई आता सुमारे ७ कोटी रुपये झाली आहे.
‘क्रॅक’ आणि ‘कलम ३७०’ यांच्यात चुरशीची लढत
आदित्य दत्तच्या दिग्दर्शित क्रॅक या चित्रपटात विद्युत जामवालसह नोरा फतेही, अर्जुन रामपाल आणि एमी जॅक्सन मुख्य भूमिकेत आहेतॲक्शन हीरो फिल्म्स या प्रोडक्शन हाऊसने बनवलेल्या ॲक्शन फिल्ममध्ये अर्जुन रामपालला खलनायक म्हणून पाहायला मिळतो. ४५ कोटी रुपयांच्या बजेटमध्ये बनलेला हा ॲक्शन थ्रिलर २३ फेब्रुवारीला रिलीज झाला. यामी गौतमच्या ‘आर्टिकल ३७०’ या चित्रपटाशी त्याचा सामना सुरु आहे.