तीन दिवसांत बजेट वसूल, यामी गौतमच्या ‘आर्टिकल ३७०’ सिनेमानं पार केला इतक्या कोटींचा टप्पा

मुंबई: अभिनेत्री यामी गौतम आणि प्रियामणि स्टारर ‘आर्टिकल ३७०’ सिनेमा बॉक्स ऑफिसवर चांगलाच हिट ठरताना दिसतोय. जम्मू-काश्मीरमध्ये कधी काळी असलेलं ३७० हे कलम २०१९मध्ये भारत सरकारनं रद्द केलं, या घटनेवर हा सिनेमा बेतलेला आहे. या सिनेमाला प्रेक्षकांचा चांगला प्रतिसाद मिळताना दिसतोय. सिनेमा पाहायला प्रेक्षक गर्दी करत असल्याचं पाहायला मिळतंय. जबरदस्त ओपनिंगसोबतच वीकेंडलाही सिनेमानं दमदार कमाई केली.

‘Article 370’ने मोडला द कश्मीर फाइल्सचा रेकॉर्ड, पहिल्या दिवशी केली इतक्या कोटींची कमाई

‘आर्टिकल ३७०’ हा सिनेमा २३ फ्रेब्रुवारी रोजी प्रदर्शित झाला. या सिनेमासोबतच अभिनेता विद्युत जामवाल याचा क्रॅक सिनेमा प्रदर्शित झाला. तर शाहिद कपूरचा ‘तेरी बातों में ऐसा उलझा जिया’ काही आठवड्यांनतरही सिनेमागृहात चांगला चालतोय. असं असताना यामीच्या सिनेमानं बॉक्स ऑफिसवर चांगली पकड निर्माण केली आहे. ‘आर्टिकल ३७०’ नं पहिल्या दिवशी ५.०९ कोटींचं कलेक्शन केलं. तर दुसऱ्या दिवशी सिनेमानं ७.४ कोटींची कमाई केली. तर सिनेमाच्या तिसऱ्या दिवशीच्या कमाईचे आकडेही आता समोर आले आहेत. तर काही रिपोर्ट्स नुसार ‘आर्टिकल ३७०’ नं तिसऱ्या दिवशी ९.५० कोटींची कमाई केली आहे. तर तीन दिवसांची कमाई ही २२ कोटींच्या आसपास झाली आहे.

‘आर्टिकल ३७०’ सिनेमात यामी गौतम, प्रियामणी, वैभव तत्त्ववादी, अरुण गोविल, किरण करमरकर, इरावती हर्षे, राज झुत्शी, डॉ. मोहन आगाशे अशा दिग्गज कलाकरांची फौज आहे. अभिनेते अरुण गोविल हे पंतप्रधान नरेंद्र मोदींची भूमिका साकारताना दिसत आहेत.

बजेट किती?
तीन दिवसांत २२ कोटींच्या वर कमाई करणाऱ्या यामीच्या ‘आर्टिकल ३७०’ सिनेमाचं बजेट हे २० कोटी असल्याचं म्हटलं जात आहे. त्यामुळं तीन दिवसांतच सिनेमानं बजेटची रक्कम वसूल केली आहे. त्यामुळं आता हा सिनेमा किती कमाई करणार हे पाहणं उत्सुकतेच ठरणार आहे.
लग्नाच्या तिसऱ्या दिवशी बायकोसह मुंबईतील ‘या’ मंदिरात पोहोचला प्रथमेश परब; शेअर केला खास फोटो

जमेची बाजू
सिनेमाची जमेची बाजू ही आहे की, कलम ३७० म्हणजे काय, हा काही जणांसाठी क्लिष्ट विषय असू शकतो, तो विषय या सिनेमात सोप्या पद्धतीनं समजावून सांगण्यात आलाय. शिवाय, त्यावेळी नेमक्या काय-काय घडामोडी घडत होत्या, याचंही चित्रण उत्तम पद्धतीनं यात आहे.