Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
OnePlus Watch 2 स्मार्टवॉच भारतात लाँच करण्यात आलं आहे. स्पेसिफिकेशन पाहता, वनप्लसच्या या स्मार्टवॉचमध्ये १.४३ इंचाचा AMOLED डिस्प्ले मिळतो. तसेच, हे वॉच Qualcomm Snapdragon W5 प्रोसेसरसह आलं आहे. या वॉचमध्ये ब्लूटूथ कॉलिंगचा सपोर्ट देण्यात आला आहे, ज्याच्या माध्यमातून तुम्ही थेट स्मार्टवॉचवरून कॉल करू शकाल. यात १०० पेक्षा जास्त स्पोर्ट्स मोड मिळतात. पाण्यापासून सुरक्षित ठेवण्यासाठी यात IP68 रेटिंग देण्यात आली आहे. चला जाणून घेऊया याची किंमत आणि फीचर्सची माहिती.
OnePlus Watch 2 चे स्पेसिफिकेशन्स
OnePlus Watch 2 Price in India
OnePlus Watch 2 चे स्पेसिफिकेशन्स
वर सांगितल्याप्रमाणे OnePlus Watch 2 मध्ये १.४३ इंचाचा AMOLED डिस्प्ले देण्यात आला आहे. या डिस्प्लेमध्ये तुम्हाला ६०० nits ब्राइटनेस मिळेल. याचे रिजोल्यूशन ४६६x४६६ पिक्सल आहे. तसेच, हे वॉच Qualcomm Snapdragon W5 Gen 1 चिपसेटसह आलं आहे, ज्यात 2GB RAM व 32GB स्टोरेज मिळते. वॉचमध्ये Bluetooth कॉलिंगचा सपोर्ट देण्यात आला आहे. यात Stainless steel Chassis मिळते, हे Wear OS ४ ऑपरेटिंग सिस्टमवर चालतं.
फिटनेस लक्षात ठेवून OnePlus Watch 2 स्मार्टवॉचमध्ये १०० पेक्षा जास्त स्पोर्ट्स मोड मिळतात. हे वॉच Wear OS 2 वर चालतं. पाण्यापासून बचाव करण्यासाठी यात आयपी६८ रेटिंग मिळेल. यात NFC व GPS चा सपोर्ट आहे.
वॉचमध्ये ५००एमएएचची बॅटरी देण्यात आली आहे. कंपनीचा दावा आहे की हे वॉच Smart Mode मध्ये सिंगल चार्जवर १०० तासांपर्यंतचा बॅकअप देतं. खूप जास्त वापर करून देखील ४८ तासांपर्यंत बॅटरी टिकू शकते. पावर सेव्हर मोडवर हे वॉच १२ दिवस चालेल. वॉचमध्ये फास्ट चार्जिंगचा सपोर्ट देखील मिळतो, ज्यामुळे ६० मिनिटांत वॉच झिरो ते १०० टक्के चार्ज होते.
OnePlus Watch 2 Price in India
कंपनीनं OnePlus Watch 2 ची किंमत २२,९९९ रुपये ठेवली आहे. याची विक्री भारतात ४ मार्च दुपारी १२ वाजता सुरु होईल. लाँच ऑफर्स पाहता, ICICI बँक कार्डच्या माध्यमातून वॉचवर २००० रुपयांचा इंस्टंट डिस्काउंट ऑफर केला जात आहे. वॉचमध्ये दोन कलर ऑप्शन Black Steel आणि Radiant Steelमिळतात.
Mobile World Congress 2024
२६ फेब्रुवारी २०२४ पासून Mobile World Congres (MWC 2024) ची सुरुवात झाली आहे, जो २९ फेब्रुवारी २०२४ पर्यंत चालेल. हा टेक इव्हेंट बार्सिलोना मध्ये आयोजित करण्यात आला आहे. इव्हेंट दरम्यान विविध टेक कंपन्या आपल्या इनोव्हेटिव्ह प्रोडक्ट्स व डिवाइस जगासमोर सादर करतील.