Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मोठा डिस्प्ले असलेला अँड्रॉइड टॅबलेट हवा? १२.९५ इंचाच्या स्क्रीनसह येतोय Vivo Pad 3 Pro, पाहा फीचर्स
Vivo Pad 3 Pro टॅबलेट लवकरच बाजरात येऊ शकतो. नवीन टॅबलेटच्या लाँच पूर्वीच एका प्रसिद्ध टिप्‍सटरनं याचे प्रमुख स्पेसिफिकेशन्स सांगितले आहेत. यावरून समजलं आहे की Vivo Pad 3 Pro मध्ये मीडियाटेकचा डायमेन्सिटी ९३०० प्रोसेसर असू शकतो. हा १६ जीबी रॅम आणि ५१२ जीबी स्‍टोरेजसह येऊ शकतो. नवीन विवो टॅबलेटमध्ये १२.९५ इंचाचा 3K LCD डिस्प्ले दिला जाऊ शकतो. यात १३ मेगापिक्सलचा रियर कॅमेरा आणि ८ मेगापिक्सलचा फ्रंट कॅमेरा दिला जाऊ शकतो.
सर्व माहिती Digital Chat station नं दिली आहे. लीकमध्ये सांगितलं आहे की vivo Pad 3 Pro मध्ये मीडियाटेकचा डायमेन्सिटी ९३०० प्रोसेसर आहे, जो युजर्सना पावरफुल परफॉर्मन्स देईल. टिपस्टरनुसार, अपकमिंग विवो टॅबमध्ये १६ जीबी रॅम आणि ५१२ जीबी स्टोरेजचा समावेश केला जाऊ शकतो, त्यामुळे युजर्सची मल्टीटास्किंग आणि स्टोरेजची गरज सहज भागेल.
Vivo Pad 3 Pro मध्ये १२.९५ इंचाचा 3K LCD डिस्प्ले दिला जाईल, ज्याचे रेजॉलूशन ३०९६ x २०६४ पिक्सल आहे. यात ड्युअल कॅमेरा दिला जाऊ शकतो. मुख्य रियर कॅमेरा १३ मेगापिक्सलचा असेल, तर फ्रंटला ८ मेगापिक्सलचा सेल्‍फी कॅमेरा दिला जाईल.
Vivo Pad 3 Pro मध्ये ८०वॉटची चार्जिंग दिली जाईल. त्यामुळे डिवाइस फास्ट चा‍र्ज करता येईल. बॅटरी कपॅसिटीची माहिती टिप्‍सटरनं दिली नाही. याआधी एका लीकमध्ये डिजिटल चॅट स्‍टेशननं सांगितलं होतं की vivo Pad 3 मध्ये SM8635 प्रोसेसर असेल, जो स्नॅपड्रॅगन ८एस जेन ३ आहे. परंतु नवीन लीकमध्ये प्रोसेसरचा अंदाज बदलला आहे.
विवोचा नवीन टॅब कधी लॉन्‍च होईल, याबाबत कंपनीनं ऑफ‍िशियली माहिती दिली नाही. परंतु हा डिवाइस आधी चीनमध्ये लाँच होण्याची शक्यता जास्त आहे. मग इतर बाजारांमध्ये उपलब्ध होईल.
काही दिवसांपूर्वी भारतात आलेला Vivo Y200e 5G
Vivo Y200e 5G ची किंम १९,९९९ रुपयांपासून सुरु होते. ज्यात ६जीबी रॅमसह १२८जीबी स्टोरेज देण्यात आली आहे. फोनमध्ये ६.६७ इंचाचा एफएचडी+ AMOLED डिस्प्ले आहे, जो १२०हर्ट्झ रिफ्रेश रेटला सपोर्ट करतो. मागे ५० एमपी + २ एमपी + फ्लिकर सेन्सर देण्यात आला आहे. तर फ्रंटला १६-मेगापिक्सलचा कॅमेरा देण्यात आला आहे.
स्नॅपड्रॅगन ४ जेन २ वर चालतो. सोबत ८ जीबी पर्यंत एलपीडीडीआर४एक्स रॅम, ८ जीबी पर्यंत व्हर्च्युअल रॅम आणि १२८ जीबी यूएफएस २.२ स्टोरेज देण्यात आली आहे. यातील ५,०००एमएएचची बॅटरी ४४वॉट फास्ट चार्जिंगला सपोर्ट करते. डिवाइस अँड्रॉइड १४ वर आधारित फनटच ओएस १४ वर चालतो.