Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
आर्थिक राशिभविष्य मार्च 2024: मेष, कन्या सह 5 राशींचे भाग्य चमकणार, त्रिग्रही योगाचा तिप्पट लाभ, जाणून घ्या राशिभविष्य
Monthly Career Rashibhvishya, March 2024: मार्च महिन्यात बुधादित्य राजयोग तयार होत आहे. बुध आणि सूर्य मीन राशीत एकत्र भ्रमण करणार आहेत. तसेच मार्च मध्ये शुक्र, मंगळ आणि शनी कुंभ राशीत युती करणार आहेत. अशा तऱ्हेने मेष, कन्या, वृश्चिक, धनु, कुंभ आणि मीन राशीच्या लोकांसाठी मार्च महिना आर्थिक, सामाजिक आणि कौटुंबिक बाबतीत अत्यंत फायदेशीर आणि सकारात्मक ठरणार आहे. जाणून घेऊया मेष ते मीन राशीपर्यंत सर्व राशींसाठी मार्च महिना कसा असेल?
मेष मासिक आर्थिक राशिभविष्य : नवी गुंतवणूक फलदायी
मेष राशीच्या लोकांची कार्यक्षेत्रात प्रगती होईल आणि या महिन्यात तुम्हाला बरेच तणावमुक्त वाटेल. तुमचे सर्व प्रकल्प वेळेवर पूर्ण होतील. आर्थिकस्थितीत सुधारणा होईल आणि एखादी नवी गुंतवणूक तुमच्यासाठी शुभ फल घेऊन येईल. या महिन्यात तुमच्या प्रकृतीत चांगली सुधारणा होईल आणि तुम्हाला तंदरुस्त वाटेल. जीवनात सुखसमृद्धीच्या शुभयोगाचे संयोग आहेत. कुटुंबात आपापसांतील प्रेम वाढेल आणि मन संतुष्ट राहील. या महिन्याच्या अखेरीस निष्काळजीपणामुळे त्रास होऊ शकतो.
वृषभ मासिक आर्थिक राशिभविष्य : गुंतवणूक न करणे हिताचे
वृषभ राशीच्या लोकांसाठी हा महिना अत्यंत आशादायक आहे. तुमच्या प्रकृतीत बरीच सुधारणा होईल आणि तुम्हाला तंदुरुस्त वाटेल. एखाद्या नव्या ॲक्टिव्हिटीमुळे तब्येतीत चांगली सुधारणा होईल. कार्यक्षेत्रात भागीदारीत केलेली कामे तुमच्या हिताची ठरतील. मार्च महिन्याच्या अखेरीस सुखसमृद्धीचे शुभयोग आहेत. या महिन्याच्या अखेरीस तुम्हाला पैशाशी संबंधित मोठा निर्णय घ्यावा लागू शकतो. गुंतवणूक न करणे हुशारीचे राहील. नशिब तुमची साथ देईल.
मिथुन मासिक आर्थिक राशिभविष्य : पैशाशी संबंधित विषयांत लाभ
मिथुन राशीच्या लोकांसाठी आगामी प्रवास शुभफलदायी राहील आणि प्रवासातून तुम्हाला यश मिळले. तुमच्या सहप्रवाशांच्या भल्यासाठी तुम्ही काही निर्णय घेऊ शकता. कोर्टकचेरीतील विषय तुमच्यासाठी शुभफलदायी ठरतील. तुमच्या भावनिक परिस्थितीमुळे खर्च जास्त होऊ शकतो. कुटुंबातील एखाद्या विषयावरून मन नाराज राहील. पैशाशी संबंधित विषयांत लाभ होईल.
कर्क मासिक आर्थिक राशिभविष्य : गुंतवणूक विचारपूर्वक करावी
कर्क राशीच्या लोकांना कार्यक्षेत्रात प्रगती होईल, तसेच या महिन्याच्या सुरुवातीला तुम्हाला तुमच्या प्रकल्पाबद्दल एखादी सुखदवार्ता मिळेल. प्रवासांतून शुभ फल मिळतील, या यात्रा यशस्वी करण्यासाठी तुम्हाला एखाद्याची मदतही मिळेल. अर्थिकस्थिती चांगली राहाण्यासाठी तुम्हाला तुमची मतं खुलेपणाने मांडली पाहिजेत आणि गुंतवणुकीच्या बाबतीत विचारपूर्वक निर्णय घेतला पाहिजे. मार्चच्या अखेरीस एखादी चांगली बातमी मिळेल आणि उत्सवी वातावरण राहील.
सिंह मासिक आर्थिक राशिभविष्य : प्रवास टाळा
सिंह राशीसाठी आर्थिकदृष्ट्या हा महिना अतिशय चांगला जाणार आहे आणि धनलाभ होईल. या महिन्याच्या सुरुवातीलाच तुम्हाला गुंतवणुकीसंदर्भात एखादी सुखद बातमी मिळू शकते आणि कार्यक्षेत्रात उन्नती होईल आणि तुम्ही तुमच्या प्रकल्पाबद्दल तुम्ही फारच समाधानी राहील. कुटुंबात काही शुभ बदल होतील आणि तुमचे मन आनंदीत होईल. या महिन्यात प्रवास टाळणे हिताचे ठरेल. महिन्याच्या अखेरीस व्यवहारिकपणे घेतलेले निर्णय तुम्हाला शुभ ठरतील.
कन्या मासिक आर्थिक राशिफल : आर्थिक लाभ होणार
कन्या राशीच्या लोकांसाठी हा महिना आर्थिक लाभाचा ठरणार आहे. कार्यक्षेत्रात सुधारणा होईल, आणि तुमच्या प्रकल्पांना या महिन्यात साधारण यश मिळेल. आर्थिक स्थितीत सुधारणा आणि धनलाभ होईल. या महिन्यात कुटुंबातील एखाद्या मुलामुळे मानसिक त्रास वाढू शकतो. प्रश्नांची सोडवणूक आपापसांतील चर्चेने करावी आणि बाहेरच्या व्यक्तींना यात सहभागी करू नये.
तूळ मासिक आर्थिक राशिभविष्य : विचारपूर्वक काम करावे
तूळ राशीच्या लोकांना या महिन्यात फार विचारपूर्वक काम करावे लागणार आहे. कार्यक्षेत्रात संयमाने काम करा, त्यामुळे प्रगतीचा मार्ग प्रशस्त होईल. तुमच्या व्यवहार कुशलतेने तुमच्या हातातील प्रकल्पांना तुम्ही प्रगतीकडे न्याल. धनवृद्धीचे चांगले योग बनत आहेत आणि या महिन्यात तुम्ही चांगल्या भवितव्याच्या दृष्टीने ठोस निर्णय घ्याल. प्रवासातून शुभफल प्राप्ती होईल आणि चांगल्या आठवणी मिळतील. कुटुंबातून एखादी दुःखद बातमी येईल.
वृश्चिक मासिक आर्थिक राशिभविष्य : खर्च वाढतील
वृश्चिक राशीच्या लोकांना या महिन्यात सुखसमृद्धीचे शुभसंयोग बनत आहेत, तसेच प्रेमसंबंध दृढ होतील. प्रेमजीवनात सुखाचे आगमन होईल. कार्यक्षेत्रात सर्वसाधारण यश मिळेल. पण कोणत्याही महत्त्वाच्या विषय या महिन्यात टाळावा. आर्थिक बाबतीत खर्च फार होईल तसेच कोर्टकचेरीच्या कामांमुळेही खर्च वाढेल. एखाद्या युवकाच्या प्रकृतीमुळे त्रास वाढू शकतो. कुटुंबात सुख आणि सौहार्द राहील. प्रियजनांच्या सानिध्यात वेळ सुखात जाईल.
धनू मासिक आर्थिक राशिभविष्य : कुटुंबात सुखसमृद्धीचे योग
धनू राशीच्या व्यक्तींना हा महिना आर्थिक विषयांत सुखसमृद्धीचे जाईल. जोडीदारासोबत एखाद्या प्रेक्षणीय स्थळी फिरायला जाल. आर्थिक विषयांत वेळ अनुकूल राहील आणि धनलाभ होईल. कार्यक्षेत्रात तुम्ही घेत असलेले परिश्रम तुम्हाला यशापर्यंत नेतील. कुटुंबात सुखसमृद्धीचे योग बनत आहेत आणि तुम्ही एखाद्या वैवाहिक कार्यक्रमात सहभागी व्हाल. या महिन्याच्या अखेरीस केलेले प्रवास तुम्हाला शुभफलदायी ठरतील. मार्च महिन्याच्या अखेरीस प्रकृतीकडे लक्ष द्यावे, तरच वेळ अनुकूल राहील.
मकर मासिक आर्थिक राशिभविष्य : प्रवासातून शुभसंकेत
मकर राशीच्या लोकांसाठी आर्थिक समृद्धीचे योग आहेत त्यामुळे या महिन्यात तुम्हाला धनलाभ होईल. कार्यक्षेत्रात दोन प्रोजेक्ट तुम्हाला शुभ परिणाम देतील. पण यातील एकाच कोणत्या तरी प्रकल्पावर तुम्ही करू शकणार आहात, त्यामुळे अंतरआत्म्याचे ऐकून निर्णय घेणे योग्य राहील. तुमच्यातील काहींसाठी विवाहाचे सुंदर योग बनत आहेत. या महिन्यात होत असलेल्या प्रवासातून शुभसंकेत मिळत आहेत, तसेच एखाद्या नवीन ठिकाणी प्रवास कराल.
कुंभ मासिक आर्थिक राशिभविष्य : प्रवासावर खर्च
कुंभ राशीच्या लोकांना आर्थिक लाभ होईल आणि आरोग्य चांगले राहील. कार्यक्षेत्रात व्यवहारी बनून निर्णय घ्यावेत. आर्थिक क्षेत्रात अनावश्यक वादापासून दूर राहा, त्यामुळे चांगले परिणाम मिळतील आणि तुमच्या हक्काचे लाभही तुम्हाला योग्य वेळी मिळतील. कुटुंबात जवळीच व्यक्ती धोका देऊ शकते, त्यामुळे पैशाच्या व्यवहारात मोठे नुकसान होऊ शकते. या महिन्यात प्रवासावर जास्त खर्च होईल, आणि तुम्ही एखाद्या नव्या ठिकाणी प्रवासाला जाल.
मीन मासिक आर्थिक राशिभविष्य : आर्थिक खर्च जास्त
मीन राशीच्या लोकांना हा महिना अतिशय शुभ आहे, तसेच व्यापारातून यशप्राप्ती होईल एखाद्या ज्येष्ठ व्यक्तीच्या मदतीने जीवनात आनंद येईल. कार्यक्षेत्रात तुम्ही दिलेले वचन या महिन्यात पूर्ण होताना दिसत नाही. अर्थिक खर्च जास्त होतील, आणि तुम्ही तुमची ही अडचण कोणाला सांगूही शकणार नाही. एखाद्या ज्येष्ठ व्यक्तीच्या प्रकृतीमुळे चिंता सतावेल. या महिन्याच्या अखेरीस एखाद्या महिलेमुळे आपापसांतीत मतभेद वाढतील, त्यामुळे तुम्ही अधिक अस्वस्थ राहाल.